تحذير : احدث طرق النصب والغش والخداع فى ظبط زوايا العربية

**ENG\AHMED** · 20-10-2008 08:46 PM

احدث طرق النصب والغش والخداع فى ظبط زوايا العربية ...

اى حد بيظبط زوايا لعربيتة يتأكد بنفسة من ظبط نوع العربية على الكومبيوتر ( يشوف العامل وهو بيظبط النوع والموديل )

- مفيش حاجة اسمها الكمبيوتر بيظبط نوع العربية لوحدة استحااالة الكمبيوتر مبيتكلمش .. الكمبيوتر بيقرا القراية بتاعة عجل العربية انما القراية الاصلية reference بتاعت العربية لازم تحددها عن طريق اختيار نوع وموديل العربية من قائمة الانواع وبتبقى قائمة بالانواع والطرازات وموديل السنة

- مفيش حاجة اسمها قراية بتمشى على كذا عربية كل عربية ليها تصميمها وليها عفشتها و بتفرق فى الموديل من نفس الطراز مش الماركة بس

- محدش يحط ميزان المية على العجلة ويقولك العجلة فاتحة والعجلة قافلة والكلام دة فى عربيات تصميم عفشتها على كدة اصلا وهى واقفة العجل فاتح شوية وبالتالى عمر ما فقاعة الهوا اللى فى ميزان المية هتيجى فى النص

اللى بيحصل واحد يدخل يظبط زوايا لعربيتة .. العامل يركب الجهاز وبعدين يروح ناحية الكومبيوتر اى همبكة على اساس انة ظبط نوع العربية وهو مظبطش حاجة وينزل تحت العربية علشان يظبط الزوايا .. وطبعا عمر الزوايا ما هتظبط لأن نوع العربية مختلف .. يقوم طالع من تحت العربية ويقولك العجلة دى واكلة مطب او مخبوطة او ....... " اى كلام " .. ومحتاجة زرجينة علشان مش ظابطة معاة ( طبيعى مش هتظبط لأن نوع العربية غلط ) ويقعد يقنعك بميزان المية العجلة فاتحة والعجلة قافلة وشغل نصب من دة
وكع فى زراجين وبهدل عربيتك وهى سليمة !!

**lolly136** · 20-10-2008 08:56 PM

yes 7slet m3ya

bas ana m7'lethosh y3mel zrgyna

enta mia mia thnx

**ENG\AHMED** · 20-10-2008 09:08 PM

المشاركة الأصلية كتبت بواسطة lolly136

yes 7slet m3ya

bas ana m7'lethosh y3mel zrgyna

enta mia mia thnx

حصلت معايا انا بردة بس انا كنت هخبطة زرجينة فى دماغة لما سمعتو بيقولى عايزة زرجينة !!

20-10-2008 09:14 PM

what about a modified cars
that has another suspension sys from another model
??
which program we shall use
??
STD one
???

**lilDeMoN** · 20-10-2008 09:19 PM

nice topic thx

**douha_wise** · 20-10-2008 09:24 PM

اولا جزاك الله خيرا على التنبية
ثانيا هو الموضوع قلب انجليزى لية دة حتى صاحب الموضوع كتبة بالعربى

**ENG\AHMED** · 20-10-2008 09:32 PM

المشاركة الأصلية كتبت بواسطة FLYINGPEUGEOT

what about a modified cars
that has another suspension sys from another model
??
which program we shall use
??
STD one
???

بالنسبة للعربيات المعدلة بصراحة معرفش

بس اخرك فى تعديل نظام التعليق اية مساعدين وسوست وجنوط ( تغيير القطعة الاصلية بأخرى لتحسين الاداء ) مش هتغير مثلا مقصات ولا علبة دريكسيون , يعنى مساعدين وسوست وجنوط يوم متفرق معاك هتفرق فى العجل فاتح اكتر ( فارش على الارض ) بس انما باقى الزوايا لأ
يااما طريقة trial & error ...
دة مجرد تخمين ممكن يطلع صح او غلط

**Ahmed Selim** · 20-10-2008 09:32 PM

أنا لازم أقف فوق دماغه وهو بيختار نوع العربية.......لأن فى عربيات بتفرق لما يختار مثلاً كورولا 1800 وعربيتك 1300......العفشة مش هيه هيه وبالتالى ممكن الزوايا متكونش نفس القياسات