الموضوع: فولكس سوقها بقي نايم اوي وايه سر نجاح اسكودا tsi

سبب نجاح ال a7 هو حجم مبيعات ال a5 والفانتازيا المهول والانتشار والسمعه ل شركه سكودا عامه
بالنسبه ل tsi . . . أنا شايف ان انتشار العربيه يرجع للموتور الجبار رغم اني متوقع ان انتشار ال mpi أكتر بكتير بسبب الخوف من ال dsg
الجيتا عيبها انها واطيه علي الأرض ودا مش مناسب لمعظم المحافظات بعكس سكودا عموما فكل موديلاتها والنقطه دي تتحسب ل سكودا الصراحه . . . كمان التنويع مابين ال mpi وال tsi فنفس العربيه حركه ذكيه "كل نفسك" بعكس الجيتا tsi فقط !

المشاركة الأصلية كتبت بواسطة Adnfalcon

سبب نجاح ال a7 هو حجم مبيعات ال a5 والفانتازيا المهول والانتشار والسمعه ل شركه سكودا عامه
بالنسبه ل tsi . . . أنا شايف ان انتشار العربيه يرجع للموتور الجبار رغم اني متوقع ان انتشار ال mpi أكتر بكتير بسبب الخوف من ال dsg
الجيتا عيبها انها واطيه علي الأرض ودا مش مناسب لمعظم المحافظات بعكس سكودا عموما فكل موديلاتها والنقطه دي تتحسب ل سكودا الصراحه . . . كمان التنويع مابين ال mpi وال tsi فنفس العربيه حركه ذكيه "كل نفسك" بعكس الجيتا tsi فقط !

الجيتا الجديده مش واطيه عكس الموديل القديم واحنا مش خايفين من dsg عشان عندنا الجيتا الشكل القديم فتيس dsg ومفهوش مشاكل
طب الموتور الجبار موجود برضو في الجيتا .... الفكره ان الناس اتعقدت لما نزل الدفعه الاولي في الفتيس 2009 ودي كانت دفعه معيوبه وبرضو دفعه 2010 معيوبه و2011 مش كله معيوب فيه معيوب وفيه لا
والاسكودا a5 الوقت ده اخدت السوق المصري اكتساح والفانتزيا برضو لان الناس كانت خايفه من الجيتا الشكل الجديد عشان الفتيس
نسيت اقول حاجه الابيزا برضو بقت منتشره حبتين وهي فتيس dsg

المشاركة الأصلية كتبت بواسطة hany63

الدي اس جي قضى على مبيعات فولكس و توابعها
و سبب انك حاسس ان الاسكودا منتشره بالفتيس ده انها كانت مغيره شكل جديد و اول ما ابتدت المشاكل رجعوا للموتور القديم

مظبوط الفتيس dsg لسه وهم عند ناس كتير وخوف منه مع انه اتطور وعيوبه قلت

المشاركة الأصلية كتبت بواسطة ibrahiiimooo

بص يا سيدي
الموضوع ابسط من كده بكتير
الموضوع ببساطه ان الجيتا الجديدة ( و الجولف كمان طبعا) مقدمتش اي جديد عن الجيل السابق ليها ( الماتور الtsi و الفتيس ال DSG كانوا متواجدين في اخر موديلات الجولف الشكل السابق) كل الي قدمته فولكس هو مجرد تغيير شكلي بسيط في شكل الفوانيس و شوية بسيطة في الانتيريور و بالتالي مفيش حاجة تشد المستهلك علشان يجيب الفولكس الجديدة اللي ما تفرقش عن الفولكس القديمة كتير و الغريب ان فرق سعر مش بسيط بينهم (جرب بنفسك و حط الجولف ٦ و الجولف ٧ جنب بعض و حاول تطلع ٥ فروق)
السكودا قدمت عربية مختلفة شكلا و مضمونا عن الفانتازيا ( مع معالجة اهم عيبين في الفانتازيا و هما المساحة الداخلية للكنبة الخلفية و بطء التسارع) فحتي قفزة السعر بين الموديلين ما منعتش المستهلك من انه يجيب الموديل الجديد نظرا لمميزاته
بالمناسبة الكلام ده مش عندنا و بس الكلام ده بره كمان ( لاول مره تاتي تقييمات الجولف الجديدة مخيبة للامال و لاول مره تتفوق السكودا عليها في التقييمات من اكثر من مصدر)
الخلاصة ان سوق السيارات و خصوصا في فئة ال c segment سوق شديد التنافسية و بالتالي اما ان تقدم جديدا يستحق و يضعك في المقدمة او لا تقدم شيئا فتتراجع لاخر الصفوف)

فعلا فولكس بقت مخيبه لامال وفيه ناس كتير بتفضل الشكل القديم لجيتا والباسات عن الشكل الجديد
واسعارهم خياليه
انا برضو اكتشفت سبب ضربت فولكس ان السيراتو والالنترا والكورولا ( الموديلات الجديدة)بقو منافسين جامدين وثباتهم حلو بالنسبه لناس اللي بتحب الجري المتوسط وفيه فرق سعر بينهم عالي اوي يعني مثلا واحد كبير او شاب عاقل حبتين :) كبيره 170 وطبعا مش بيعمل مناورات بالنسباله السيراتو حلوه وفرق السعر بينها وبين الجيتا كتير وهو اصلا مش هيستفاد حاجه من ثبات الجيتا
انا عربيتي اصلا النترا hd انا بقول لو فيها abs و esp هتبقي العربيه دي كويسه اوي ( بالنسبالي) علي فكرة موضوع الثبات بيفرق من شخص لشخص يعني واحد بيعرف يتحكم كويس و واحد لاسف ملهوش لسواقه وبيعمل كل حاجه وهو مش عارف بيعمل ايه ..... ناس كتيره جابت 200 في المنتدي بكيا سيراتو 2014 واللي يجيب 200 اكيد حاسس بثبات مش هيغامر
بروحه ...... نرجع لموضوعنا ان الشركات المنافسه لفولكس بقوا اقوياء جدا في الشكل و السعر و الخامات و الجوده وانا الصراحه لحد الان بتوهم لما بشوف السيراتو 2014 و الالنترا الفيس ليفت ( اذواق) فالعربيات دي هي اللي ضربت الضربه الجامده لفولكس واثرو علي مبياعتهم بشكل كبير
يعني لو رجع بينا الزمن ل 2008 كان وقتها مفيش حاجه تضرب فولكس لان تويوتا كان وقتها فيها عيوب صناعه و الهيونداي كانت بتبدأ تاخد سمعتها والكيا كانت تصميمتها وحشه و الهوندا سيفك كانت واطية جدا
اللي افتكره وقتها اللي كانو اكليين السوق هما ( جروب فولكس واجن - ميستوبيشي -شيفروليه)
اما دلوقت منافسين فولكس بقو كتير ( هيونداي - كيا- تويوتا - شيفروليه -ميتسوبيشي )
ونرجع تاني نقول dsg برضو سبب في ضربه فولكس بس السبب الاكبر هو الشركات المنافسه

محمد نصيحة مني ليك كاخ بلاش تشترى اي فولكس بمصر لان بسبب الزحمة هتبوظ هتبوظ لان فرق الطرق بالخليج ومصر كفرق مابين السما والارض

بالعكس على فكره الباسات الجديده منتشره جدا اكتر من ال a7 يمكن علشان فرق السنين لصالح الباسات بس ال a7 هتنتشر ال 1600 الفتيس القديم اكتر من ال Tsi وفعلا المنافسين بقوا كتير والبضاعه كترت ادام الناس وخللي بالك التوكيل لو عايز ينافس هينافس بس جشع زياده عن اللازم يعني عربيات فولكس الجديده كلها 1400 سي سي يعني جماركها أقل من كل الكوري والياباني ودي ميزه التوكيل لو ماكنش طماع كان نافس بأسعار عربيات الفولكس فاجن وكان كل السوق معلش كفايه أن واحد داخل بباسات 2014 على المرور بيدفع ضريبة أقلمن واحد معاه لانوس 2014 ولما ال dsg مشاكله تتنتهى إطلاقا ويبقى معمر هترجع فولكس تاخد مكانتها في السوق المصري