حد يعرف حاجه عن تويوتا AVANZA ؟
عرض للطباعة
حد يعرف حاجه عن تويوتا AVANZA ؟
الافانزا احدي سيارات التعاون المشترك بين تويوتا وديهاتسو بعد دمج الاخيرة بالاولي
تنتج الافانزا في اندونسيا وماليزيا تحت اشراف تويوتا
اسمها ماخوز من لفظ ايطالي avanzato ومعناه التقدم
بداء انتاجها في 2003 واعيد تغير الشكل الخارجي بداية من مو 2006 ومزود بمحرك به تكنولوجيا VVT-i وديه تكنولوجيا جديده من تويوتا في التحكم في عمل صمامات المحرك بصورة اليه معتمدة علي وحدات معالجة تعمل مع وحدة التحكم في المحرك ECU لتعديل عمل الصمامات بصورة تتيح استخراج قوه اعلي من المحرك مع سرعات الدوران العاليه بدون التاثير علي كفائة المحرك
تباع ايضا باسم Daihatsu Xenia
مذوده بمحركات 1.3L و 1.5L
النسخة المذودة بمحرك 1.5 بها ABS و EBD
انا اعرف ان هذه السيارة 7 راكب فهل الموتور ال 1300 يكون كوبس لهذه السيارة
ياريت لو حد يعرف تمنها
أفانزا 1.3 A/C P/S R/C M/T 2007 87900
أفانزا 1.5 F/O M/T 2007 102900
أفانزا 1.5 F/O A/T 2007 109900
الأسعار من كونتكت
هو اكيد 1300 على عربيه ستيشن 7 راكب بيبقى اكيد ضعيف ولكن الافانزا مش كبيره من الخارج يعني حجمها مش زي الكورولا الأستيشن ....
ناقص نضيف ان العربية دفع خلفى
أعتقد الموتور ال1300 مش ضعيف عليها ولا حاجة ... أولاً حضرتك مش حتركب فيها 7 ركاب بالغين طول الوقت ... الطبيعى 2 أو 3 أو 4 ... لكن حتى لو ركبها 7 ركاب مش حتبقى ضعيفة و الدليل العربية السوزوكى ال7 راكب (اللى اسمها تقريباً التوناية) محركها 1000 سى سى فقط و رغم كدة المجانين اللى بيسوقوها فى اسكندرية تلاقيه محملها على آخرها و هاريها غرز على الكورنيش و بيشدوا بيها و بتسحب معاهم عادى رغم انهم بيكونوا مبهدلينها فما بالك بموتور تويوتا 1300 و عربية زيرو؟
والله معاك حق وعلى فكرة انا من الاسكندرية وكلامك صح بالنسبة للتوناية الواحد يحس انه فى دريم بارك بس خد بالك موتور التوناية عزمه جامد لكن سرعته بطيئه يعنى بالكاد يجيب ال80
يعني على كده تستاهل و تكون أحسن من المتريكس ؟
اعتقد ان الواحد يجيبها فى حاله واحده بس, انه بيسافر كتير مع عائله كبيره ومحمّل
اما غير كده, فلا داعى انك تسوق عربيه 7 راكب داخل المدينه, والماتريكس تبقى أفضل
أنا عن نفسى مش مقتنع بيها خالص العربية دى ، ممكن تنفع تاكسى تبقى كويسة ، تقفيلها من جوة كمان سيئ جدا وتقدر تقول ان تقفيل الميكروباص التويوتا من الداخل انضف منها بمراحل ، لو عاوز تويوتا خليك فى الكورولا او الياريس احسن.
هي أكيد أحسن من الماتريكس و أنا دخلتها تقفيلها حلو بس أنا مش مقتنع بيها
لا انا عن نفسى افضل الماتريكس
السلام عليكم
زميلي في الشغل اشترى الأفانزا علشان هو عنده ماشاء الله اربعة اطفال وبيسافر كتير البلد
وهي عربية جميلة جدا ماشاء الله
الميكانيكي بتاع الشركة ودا راجل روماني بقاله 20 سنة في المهنة فحص العربية شبر شبر
ومعجب الشاسيه بتاعها جدا جدا
وهي دفع خلفي ودي ميزة
وضع الموتور في ميزة عن الياريس انه بعيد عن المقدمة
المساحة التخزينية بتاعتها مع طي الكنبة الخلفية بتكون مهولة
العربية دي عائلية جدا جدا جدا وتويوتا يا جماعة وشكلها مش وحش لدرجة الميكروباص
والله دا رأيي وملحوظة انا مش خبير في العربيات بس حبيت اوصلكم الانطباعات
الافانزا كا شكل مش عجبانى كا كماليات حلوة وانا ركبت ال 1500 فيها 2ايرباج وزجاج كهرباء وabs تكييف باور سنتر التكييف تلاجة القاعدة مريحة الثبات واحش اوى اوى اوى بعد ال 100 تحس انك طاير من على الارض بالرغم من انها كانت متحملة با 7 ركاب والشنطة مليانة