أستفسار مهم عن فتيس السيراتو أرجوا الأفاده

**kledlnaql** · 11-08-2014 12:21 AM

السلام عليكم
انا محتار جدا وارجوا من حضرتكم الافاده...
انا أمتلك سيراتو كوبيه 2010 خليجي توب لاين عداد 68000 كم .
رأي بعض الناس ورأي التوكيل ان زيت الفتيس يتغير كل 40000 كم علما بأن زيت الفتيس زيت الفبريكه .
انا فتحت الكاتلوج بتاع العربيه لقيت انو يتغير عند 40000 كم في اسواء حالات الاستخدام من جر والمشي في الزحمه والمشي بسرعات منخفضه كثير اما اذا كان استخدامك طرق سريعه اغلبها وسرعات فوق ال 100 كم/س فلا يتغير ابداً ده كلام الصانع الكوري علماً بأن انا ال 68000كم عملهم طرق سفر مثل طريق السويس او طريق اسكندريه الصحراوي .
أرجوا الافاده... شكراً
م/ شريف محمود

**Adnfalcon** · 11-08-2014 12:31 AM

غير الزيت اضمن بالزيت الاصلي

**hi_nmr** · 11-08-2014 01:16 AM

غير اضمن
وكالات الكوري سواء هيونداي او كيا هنا في السعوديه بيغيروا اجباري كل 40 الف سواء مشيت بطئ او سريع
واحب اقولك ان مفيش اطول من الطرق هنا في السعوديه ومع ذلك بيتغير كل 40 الف في موعد الصيانه

**ahmedelrayan** · 11-08-2014 02:33 AM

فعلا رأى يتغير اضمن وبعدين هما كلهم 3كيلو اللى بيتغيروا

**kledlnaql** · 11-08-2014 02:37 PM

طيب حضراتكوا يتغيروا فين وايه هي طريقه التغير عشان الصنايعيه والبنزينات كل واحد بطريقه فا عايز طريقه تبقي متجربه وصحيحه واحط نوع ايه وايه اقرب بنزينه من مصر الجديده او الشروق ينفع اغير فيها

**khaledazizeg** · 11-08-2014 11:55 PM

بص هوا اللمفروض تجيب نوع اسمه sp3 ودا طبعا هيطلع عينك عشان تضور عليه انا واحد من الناس قعدت اسبوع كامل بدور عليه لغايه اما زهقت ورحت جبت زيت مش فاكر نوعه ايه بس هوا تخليقي بالكامل وكنت جايب اللتر ب 100 جنية وغيرت الفلتر بواحد اصلي ب200 وهيا اخدت 4 لتر مني