الموضوع: رأيكم في تجميعة محترمة

احلى شباب .. مساء الفل

الحمد لله النهرده اشتريت اول عربية ليا .. نيسان صني الشكل القديم بس الكاسيت والسماعات ألي فيها ضايعين

انا بقى بالنسبه لي الصوت بتاع الأغاني عندي زي دواخل العربية كده حاجة مهم جداً :))

الفكره اني جديد في حوار الكاسيت والسماعات والبازوكا والجي ام والحاجات دي وكمان دورت ولاقيت انواع مختلفة وموديلات مختلفة

فدلوقتي نقدر نقول اني عاوز اجيب الأساسيات ألي هي الكاسيت والسماعات .. حاجة صوتها محترم ونــــــــقي اهم حاجة يكون نقي لما اعلي الصوت ماحسش بخروشه ولا اي حاجة وقدام ان شاء الله اجيب حاجات البيز وكده علشان لو حبيت اهيبر شويه :))


ممكن دلوقتي اصرفلي في حدود 1000 جنيه مثلاً وقدام بقى ممكن احط 1000 جنيه تانيه في الحاجات الي فاضلة.. ياريت لو تقولولي الحاجات بموديلاتها وسعرها لو تعرفوا :)

الف شكر ليكم

المشاركة الأصلية كتبت بواسطة midooo_119

الف مبروك بس انت هتحتاج مبلغ اضافى عالميزانيه ديه .. و ديه تجربتى مع الصوتيات والحمد لله مبسوط بيها جدا
http://www.nilemotors.net/nile/417737-820.html

اتكلفت كااام يا ميدو بية

المشاركة الأصلية كتبت بواسطة midooo_119

الكاسيت ب1250 و السماعات ب850 ((من سنتين)) دلوقتى تقريبا الف والجى ام ب700

شكرا ميدو بية

متابع

المشاركة الأصلية كتبت بواسطة midooo_119

الف مبروك بس انت هتحتاج مبلغ اضافى عالميزانيه ديه .. و ديه تجربتى مع الصوتيات والحمد لله مبسوط بيها جدا
http://www.nilemotors.net/Nile/417737-820.html

المشاركة الأصلية كتبت بواسطة hesham fawzy h

متابع

المشاركة الأصلية كتبت بواسطة body7733

ممكن بدل ما تجيب كاسيت سى دى ببلوتوث زى ما الاستاذ ميدو بيقول وده طبعا كاسيت محترم بس مش هتلاقيه لانه موديل 2012 تقريبا
ممكن تجيب نفس الكاسيت بس من غير بلوتوث
لو انت مش محتاجه علشان هو بيستخدم فى الرد على المكالمات
واستخدام الاغانى من الموبايل للكاسيت يعنى فى نظرى اوبشن بس ممكن الايتغناء عنه
خصوصا ان فرق السعر يعتبر الضعف علشان خاصية البلوتوث فقط
يعنى فى موديلين بايونير 2014 واحد ببلوتوث وواحد من غير بلوتوث وهما
DEH-X6650BT ده الموديل بالبلوتوث وده سعره تقريبا 1200 جنيه عند اوتو ماركت
ود صورة الكاسيت اللى فيه بلوتوث


والثانى DEH-X3650UI ده نفس الكاسيت بالظبط من ناحية الشكل والابوبشنز ما عدا البلوتوث وده سعره تقريبا 750 جنيه
ودى صورة الكاسيت اللى من غير بلوتوث مفيش فرق فعلا غير البلوتوث لكن الشكل وباقى الاوبشنز هو هو بالظبط والاتنين موديل 2014



اما بالنسبه للسماعات هتجيب سماعتين كينود 450 وات مع الكاسيت مؤقتا دول سعرهم تقريبا 350 جنيه
يعنى هتزود مبلغ بسيط
اما لو عاوز تجيب حاجه من الاخر هتجيب سماعتين كينود 600 وات دبل بيز مع السماعتين 450 وات
مع بازوكا بايونير 1300 وات اوبازوكا jbl 1000 وات مع جى ام سيمفونى 640 وات 4 تشانل كورى الصنع
او جى ام كينود 720 وات بس الجى ام الكينود كويس بس هو مش قوى زى السيمفونى يعنى من التجربه تسمع صوت كويس جدا جوة العلابيه لكن خارج العربيه الصوت بيبقه مش قوى
ارجوا انى اكون افدتك

المشاركة الأصلية كتبت بواسطة midooo_119

+1111111
ده كلام زى الفل مع ان يااستاذ هشام الموديل الى معايا ده الفرق بينه وبين الى مفيهوش بلوتوث 100 جنيه الى هو 5450 مش عارف ليه الفرق الكبير ده فموديلات تانيه ..

الف شكر والله يا رجالة انا شايف الحالين محترمين وان كان الحل بتاع استاذ body هيبقى احسن على اساس أني مش هلاقي الكاسيت بتاع استاذ ميدو لأن زي ما قلت موديل قديم..
وانا مش فارق معايا البولوتوث لو هيبقى فرق السعر كبير جداً كده
السؤال بقى يا استاذ بودي هل الموديل deh-x6650bt ده كويس ولا في حاجات احسن في نفس السعر ؟

وسؤال كمان هو السماعتين الن كينود 600 وات دبل بيز هيعمللهم كام ؟ وصحيح ايه احسن مكان اجيب واراكب منه الحاجات دي انا ساكن في وسط البلد وجمبي الأزهر بس مقلق منهم

الف شكر ليكم مره كمان :)