المشاركة الأصلية كتبت بواسطة hh
و الله العظيم حاجة غريبة جدا. العقد شريعة المتعاقدين و الملاك الأصليين للعمارات القديمة كتبوا العقود و أجروا الشقق و هما عارفين ان العقد أبدي و بالنسبة لهم كانت مربحة جدا و بيكسبوا فيها فوق تمن الشقة مرة و اتنين عشان كدة مبعوهاش ملك!!!!!!!!! و أغلب الايجارات القديمة مدفوع فيها خلو أكبر من تمن التمليك أساسا يعني اللي عايز المستأجر يسيب الشقة ببلاش ده هو اللي بييجي على حقه!! و اللي بيقول حرام يبقى ورثة صاحب الملك مش لاقيين شقة يتجوزوا فيها, لأ مش حرام لأن جدك و لا أبوك هو اللي اتصرف في الحاجة مسبهالكش تنتفع بيها, مال المستأجر بالكلام ده؟؟ هو لو عايز يسيبهالك مكانش أجرها و هو عارف ان خلاص كدة مش حتفضى تاني. لو اتباعت تمليك كنت حتعمل ايه يعني؟ حتقول على صاحبها الجديد ظالم و المفروض يرضى ياخد التمن اللي اشتراها بيه مثلا و يسيبهالك عشان مينفعش جدك كان صاحب ملك و انت متلاقيش تسكن؟؟
بأختصار اللي بنى و أجر من مليون سنة كسب و استمتع و ارتضى عقد بشكل و شروط معينة و كان كسبان و مرضي و ميت فل. كونه ماسابش ورث كافي لولاده أو ظروفهم بقت وحشة ده مش ذنب المستأجر اللي لما دفع دم قلبه في خلو و ارتضى بأيجار يعتبر كبير ايامها كان بيعمل ده عشان شقة ليه طول العمر و لولاده من بعده.
أنا بالمناسبة مش ساكنة شقة ايجار قديم لا أنا و لا حد يهمني يعني مش بقول الرأي ده بناء على مصلحة شخصية.