بديل لمساحة السيريون الخلفى الاصلية
بسم الله الرحمن الرحيم
طبعا بما انى بقيت سيريونى من بعد السيراتو ودايما بحب احل اى مشكلة فى العربية بسعر رخيص شويه ده طبعا بالنسبة للحاجات اللى هيا معرضة للسرقة انما غير كده الاصلى وبصراحة الدايهاتسو بالذات مينفعشى تجيبله لا استيراد ولا اى حاجة مش اصلى
لازم الاصلى وتريح نفسك
بالنسبة للعربية اللى اشترتها كانت مسروق منها المساحة الخلفية ولاحظت كمان سرقة مساحات العربيات الخلفى كلها مش السيريون بس واموت واعرف اللى بيسرقوها دول بيسرقوها ليه
المهم سالت فى التوكيل لاقيت المساحة طبعا التوكيل قالى ريشة ومساحة ومش عارف ايه كله على بعضه 517 جنيه
واستيراد كله على بعضه برده ب 400 جنيه والراجل نصحنى انى مشتريهوش اصلا لانه قالى هيتسرق برده
قصة المساحة دى فى اختلافها عن بقية المساحات انها بصاموله 10 ومشرشر
الحل بقى انى روحت لمحل بتاع فيات القديم
وقولتله عايز دراع مساحة بتاعت ال 128 لانها الوحيدة اللى بصاموله 10 ومشرشر ومساحة عادية كلفنى 40 جنيه مع تعديل بسيط اثناء التركيب وهيا قص حوالى 1 سم من عند راس الدراع بالصاروخ علشان يركب الكلبس بتاع المساحة مع العلم ان المساحة مقاس
12
وانا الموضوع ده جه فى دماغى لاقيت حرام اجيب المساحة الاصلى هيا طبعا كمنظر حلو لكن وبعدين لما تتسرق تانى هعمل ايه واناا عايز حاجة تقضى الغرض وخلاص ولول اتسرقت مزعلش عليها
يعنى نصيحة اللى عنده سيريون والمساحة الخلفى موجودة فى العربية ياريته يشيلها ويجيب ويعمل اللى انا عملته ويخلى المساحة الاورجينال معاه