:err:السلام عليكم ورحمة الله
فى البداية احب أقول أن الصيانة فى المعادى ممتعة جدا
العربية لانوس 2008 كاملة
أول ما رحت و كنت حاجز بالتليفون أستقبلنى المهندس محمد و المهندس كريم و هم ناس زى الفل ممكن تقعد تسألهم على كل حاجة و لو عشرين مرة
بالمناسبة ماكنش معايا الرخصة و لا كتيب الصيانة و بصراحة عمل الصيانة و قالى أبقى هاتهم أى وقت
المهم 1 . تم تغير الزيت موبيل وان .
2 . غسيل السيارة .3 . تثبيت الفرش الموجود فى الأرضية .
4 . إبعاد مفتاح التنك عن طريق مفتاح الشنطة و دى كانت حاجة أبنى الصغير كان مجننى و بيقول كل ما نفتح الشنطة يفتح التنك ؟ أمال عربية جديدة إيه !
الكلام ده مع التربيط على العفشة دفعت 250 جنيه
و على فكرة موضوع مبروك يا باشا و التيبس و الكلام ده ممنوع هناك إلا لو أنت عاوز و يكون فى الخباثة.
الصيانة اللى جاية بعد 3 شهور او 5000 كم و السعر لما سألت 55جنيه
و على فكرة هناك تقدر تطلع تقعد فوق تتفرج على الدش أو تتفرج على العربية و هى بتتصين .
و السلام ختام