القاهره -مرسي مطروح

**weller** · 11-08-2014 08:57 PM

السلام عليكم ورحمة الله وبركاته
بعد اذنكم يارجاله انا عاوز اسافر مرسي مطروح مواصلات .حد يعرف موقف عبود فيه اتوبيسات لمرسي مطروح ولا ايه.
ولو مفيش في عبود ايه البديل وبالحجز ولا ايه.
وشكرا لحضراتكم مقدما.

**ahmedfathi** · 12-08-2014 09:01 AM

عبود معرفش فيه مطروح ولا لا . بس فيه موقف فى الجيزه مش فاكر فين بالضبط اسمه موقف مشعل ده فيه اسكندريه ومطروح بس كنت ركبت منه زمان من 5 سنين

**weller** · 12-08-2014 10:55 PM

كتر خيرك ياباشا ع الرد بس المشكله الجيزه بعيده انا روحت موقف جو باص اللي قدام نادي السكه ملقتش حجز يوم الجمعه مش عارف اعمل ايه

**ahmedfathi** · 13-08-2014 05:14 PM

ما انت مش هتلاقى حجوزات دلوقتى فى اى حته

حتى لو روحت السكه الحديد مش هتلاقى اماكن فى قطار مطروح

الحل الوحيد هو الميكروباص . بص انا سألتلك عليه عشان انا حاسس بيك لانى كنت فى موقفك ده بالضبط السنه اللى قبل اللى فاتت فى نفس الوقت ده ومكنتش لاقى حاجه اروح بيها مطروح

بص هتركب المترو وتنزل محطة الجيزه ولما تخرج من المحطه هتلاقى ميكروباصات بتنادى مشعل هرم هتركبها وتقول للسواق نزلنى عند موقف مشعل

الموقف هيكون فى اخر شارع الهرم وهو شغال 24 ساعه اسكندريه ومطروح بس

وتروح وترجع بالسلامه