عرض للطباعة
السلام عليكم اهل الخبرة
عندى سؤال برجاء الإفادة
عندى سيارة نيسان صنى مو 95 عند تغيير السرعات بالفتيس كل شئ طبيعى عند زيادة السرعة من الاول للثانى ثم الثالث والرابع ثم الخامس مافيش مشكلة
المشكلة لما اجى اهدى مثلا عشان مطب وانزل من الخامس واهدى العربية خالص واجى طالع بعد المطب بطئ اجيب الغيار الثانى ألاقى صوت و زى نتشة كده وصعوبة فى التعشيق عشان اعشق الثانى ، الموضوع ده مش بيحصل وانا بزود من الاول للثانى وانا طالع لكن وانا بهدى من السريع للبطئ .
يا ترى العيب منين ؟؟؟
شكرا وارجو الرد
check linkage or wires
this downshift issue
have a look to oil as well
ممكن توضيح بالعربى
شيك ع الزيت
شوف كابل الغيار
شكرا لحضرتك وانا غيرت سلك الدبرياج من فترة و كمان غيرت زيت الفتيس كله وحطيت زيت جديد وبرضو المشكلة موجودة
المشكله في الجير في علي كل ترس حاجه اسمها فرامل الترس او الغوايش وغالبا الترس التاني مشكلته في الفرامل وبعد شويه المشكله دي هتظهر وانت بتنقل عادي من الأول للتاني
دي مش حاجه تقلق ولما تفك الجير لأي سبب ابقي غير الغويشه دي
المشكله في الجير في علي كل ترس حاجه اسمها فرامل الترس او الغوايش وغالبا الترس التاني مشكلته في الفرامل وبعد شويه المشكله دي هتظهر وانت بتنقل عادي من الأول للتاني
دي مش حاجه تقلق ولما تفك الجير لأي سبب ابقي غير الغويشه دي
انا متشكر جدا لحضرتك و ان شاء الله اعمل اللى قولت عليه واغير الغويشة دى واشوف تحسن ان شاء الله
انا كان عندى مشكلة تانية ياريت لو حضرتك تعرف تفيدنى فيه يبقى متشكر جدا
انا لما اجى ازود بنزين سواء وانا م مور العربية او حتى معشقها على اى غيار لما ازود بنزين بسمع صوت زي زنة او خروشة في عصاية الفتيس والعصاية بتبقى بتترعش جامد ولو زودت اوى بنزين وانا على الخامس بحس بالزنة دى فى دواسة البنزين .
مش عارف من ايه الزنة دى
غالبا الزنه اللي انت بتحكي عليها من قاعده الفتيس لازم تتغير وعلي اي حال وانت بتعمل شغل الفتيس غيرها بالمره