انا بدير مش سمحى وراكب تريلا ومنيش بتاع زلط

**romeeoo** · 26-10-2008 02:12 AM

المشاركة الأصلية كتبت بواسطة human12

مبروك عليك يا ريس الانذار
انا قلت اباركلك بدرى

وانا كمان

عموما انا رفعت ملف منهم عشان برضه ماينفعش نتكلم من غير مانشوف ونسمع
ملحوظة
حمل الملفين وغير امتدادهم من zip الى rar وفكهم وادعيلى
سلاموز

**human** · 26-10-2008 02:15 AM

انا ماقلتش على حد انه موش مسلم انا بس استغربت ان ال default انه مسلم افرض انه ماكانش يعنى هوه ده اللى مقصود ان احنا وفيه ناس تانيه عايشه حوالينا المفروض برده نعتقد انهم موجدين

**Dr Ahmed** · 26-10-2008 02:20 AM

المشاركة الأصلية كتبت بواسطة human12

ما تزعلش منى بس انا بيجيلى هسس لما الاقى مناقشه سطحيه للفكاهه و نقلبها مواعظ ودين
ولو فتحنا الباب ان كل واحد يعلق بدينه و كتابه يبقى بقى موش هنخلص وكل واحد هيقول الكلام موش صح
ومالوش لازمه ان احنا نخش فى متاهات ديه يا استاذ احمد
لكل مقام مقال
يعنى واحد بيهرج ماجيش اقولو انت وحش وربنا هيزعل منك
يا سيدى الرسول لو كان بيعمل كده ماكنش حد اسلم اصلا

هو طبعا الموضوع خرج تماما عن قصده (أحسن)

لكن مش غلطتى إن حضرتك مش عارف أننا بنتحاسب على الكلام ، كل كلمة تكتبها أو تقولها بتتحاسب عليها
(وهل يكب الناس على وجوههم فى جهنم إلا حصائد ألسنتهم؟)
يعنى مش مسموح لى أكذب علشان أضحكك، ولا مسموح لى أسخر من واحد علشان تضحك ، والرسول اللى بتتكلم عليه بالسهولة دى عمره ما مزح إلا صادقا وفى حياته لم يسخر من أحد ، ولنا فيه القدوة

والملزم بالاعتذار دلوقت حضرتك لإنك قلت معلومة شديدة الخطأ عن سيدنا محمد إنه كان بيقبل السخرية والكذب من أجل الضحك حاشا لله ولرسوله

أما لكل مقام مقال فالفكاهة ليست مرادف للسخرية وواضح من أول جملة فى الموضوع أن الموضوع كله سخرية من شخص غير موجود معنا وليس له تهمة إلا البساطة وواضح برضه إن حضرتك مش متقبل أى خطاب دينى فإعذرنى عن إستكمال المناقشة معك على العام ولو أحببت أكملنا على الخاص

**romeeoo** · 26-10-2008 02:22 AM

المشاركة الأصلية كتبت بواسطة Dr Ahmed

يا أستاذ human12 ، الأخ اللى حضرتك بتتكلم عليه له إسم

والصورة اللى بتتكلم عليها بتقول كلام عن السائق المصرى اللى إنت عارف طريقة قيادته الخالية من العقل وفيها فكاهة مش سخرية ، فى حين أن إعتراضى كان على تقطيع لحم سائق بسيط معروف إسمه ومكانه بدون أى داعى ولا فائدة إلا محاولة إستجداء الضحك عليه فبالله عليك مش شايف الفرق بين دى ودى؟ وبالله عليك مش شايف إن كده فعلا حرام؟ والدليل الآية وللا مش هنعترف بيها؟؟
وعموما أنا بخاف من أى حاجة تكون فيها شبهة فعلشان كده غيرت التوقيع بسبب ملحوظتك والله أعلم بالنوايا.

والقرآن يا سيدى الفاضل كلام الخالق لجميع البشر
وروميو بدا عليه دينه وأخبرك صراحة فى المداخلة التالية لمداخلتك
ولو عزلنا القرآن عن كلامنا ونصيحتنا فما الفارق بيننا وبين ما قبل الدعوة الإسلامية؟
وكل واحد بينصح باللى عنده ، ولو مسيحى هينصح أى حد بالإنجيل..

أخيرا: أعتب عليك ما كتبته وحزين لما قرأته ولا حول ولا قوة إلا بالله

تقطيع لحم ايه يا د/احمد انت بجد كلامك ده يزعل برضه مصر انك تتطلعنا وحوش ادميه وذئاب بشرية بلاش الكلام الكبير ده الموضوع كله فكاهى اصلا ولو حضرتك بتسمع ال بى بى سى فى برنامج اسمه نقطة حوار بتاع حسام السكرى الراجل بيمنع اى مداخله فيها استشهاد بالقرأن فى اى موضوع غير دينى وده راجل كل اللى بيسمعوه بيشهدوله بالحرفيه العاليه جدا فى شغله وسبب كده انه بيقول ان انت مثلا لما ترد عليا بالقرأن عايزنى ارد عليك بإيه وازاى وازاى اناقشك بعد كلامك بالقرأن؟ماخلاص انت نهيت الموضوع! الموضوع حرفى لا اكثر ولا اقل

المشاركة الأصلية كتبت بواسطة mesho

إنذار؟
هو إنا اللى قلت عن عضو مسلم إنه لا دينى؟
كافر يعنى

ألف مبروك الإيقاف
أنا قلت أبشرك بدرى بدرى

العضو هيومان يقول اللى هو عايزه انا فاهم وجهة نظره وهو يقصد ايه كويس

المشاركة الأصلية كتبت بواسطة human12

ما تزعلش منى بس انا بيجيلى هسس لما الاقى مناقشه سطحيه للفكاهه و نقلبها مواعظ ودين
ولو فتحنا الباب ان كل واحد يعلق بدينه و كتابه يبقى بقى موش هنخلص وكل واحد هيقول الكلام موش صح
ومالوش لازمه ان احنا نخش فى متاهات ديه يا استاذ احمد
لكل مقام مقال
يعنى واحد بيهرج ماجيش اقولو انت وحش وربنا هيزعل منك
يا سيدى الرسول لو كان بيعمل كده ماكنش حد اسلم اصلا

و ماتزعلشى وكويس ان انت شيلت الصوره
و فى رايى الموتواضع انت مدين باعتذار لروميو عشان استفزته وهو ماعملكش حاجه
و بعدين الراجل فى دمياط يعنى ممكن يظبطك فى اكله جرانه زى الفل و تنقل منه ال30 مقطع اللى عنده بالمره

يا سيدى لا اعتذار ولا بتاع كفايه وجوده معانا لحد الوقتى كلنا هنا اخوات

**الإداره** · 26-10-2008 02:31 AM

نرجو تقبل عذرنا بغلق الموضوع لتحوله لجدال شخصى خارج عن الموضوع
ونذكر الأخوة أن الإستشهاد بالقرآن حق فى كل مجلس وإلا فالقرآن كتاب القبور والمساجد فقط كما يدعى العلمانيون وأتباعهم
كما نذكر الأخوة أن الفكاهة مطلوبة خاصة فى ظل الظروف المحبطة المحيطة لكن شتان بينها وبين السخرية من أشخاص أبرياء

منقول:

قال تعالى "أيحب أحدكم أن يأكل لحم أخيه ميتا فكرهتموه"أي لا يتناول بعضكم بعضـًا بظهر الغيب بما يسوؤه ثم ضرب الله تعالى للغيبة مثلاً : ( أيُحبُّ أحدكم أن يأكل لحم أخيه ميتـًا) وبيانه أن ذكرك أخاك الغائب بسوء بمنزلة أكل لحمه وهو ميت لا يحس بذلك ، (فكرهتموه) أي فكما كرهتم هذا الأمر فاجتنبوا ذكر إخوانكم بالسوء ، وفي ذلك إشارة إلى أن عرض الإنسان كلحمه وهي من الكبائر .

وعن عائشة ـ رضي الله عنها ـ قالت : " قلت للنبي ـ صلى الله عليه وسلم ـ حسبك من صفية كذا وكذا " قال بعض الرواة تعني قصيرة ـ ((فقال : لقد قلت كلمة لو مزجت بماء البحر لمزجته)) ، قالت : وحكيت له إنسانـًا فقال : ((ما أحب أني حكيت إنسانـًا وإن لي كذا وكذا))(رواه الترمذي) ، والحديث من أبلغ الزواجر عن الغيبة .