أنا محتاج شقة للتصييف تكون في حدود 100000جنيه المقدم من 10000-30000جنيه القسط 1000 جنيه في الشهر انا سمعت أن الأسعار دى موجودة في أبو تلات و رأس سدر أرجو الأفادة من المتخصصين و أصحاب الخبرة
عرض للطباعة
أنا محتاج شقة للتصييف تكون في حدود 100000جنيه المقدم من 10000-30000جنيه القسط 1000 جنيه في الشهر انا سمعت أن الأسعار دى موجودة في أبو تلات و رأس سدر أرجو الأفادة من المتخصصين و أصحاب الخبرة
انا واخد 3 شقق في شاطئ الصفا بجوار النخيل مباشرا وفي شقق كتير بالمقدم دا
عندي شقه 60 متر في مارسيليا 1 الساحل الشمالي
على 120 الف خالصه كاش نهائي
انصحك بلاش ابو تلات ممكن تزود وتشوف شاطئ النخيل احسن بكتير
معلش هى فين مرسليا ١ من مارينااقتباس:
المشاركة الأصلية كتبت بواسطة cheetos_892005
و ما موصفات الشقه و القريه
مهتم
شاطى النخيل ال هو 6 اكتوبر من وجهه نظرى بيئه لاقصى درجه
دي يا باشا 15 دقيقه من مارينا و انت رايح مدينة الحمام امام كازابيانكااقتباس:
المشاركة الأصلية كتبت بواسطة minicooper20
هي عالناحية التانيه غرفه+صاله واسعه وح مام و مطبخ مفتوح اميركان
القريه عباره عن عمارات بينهم جناين و حمامات سباحه كبيره بالغين و اطفال
الشقه بتطل عالجنينه و من الجنب عالبسين عشان الدوشه
اي استفسار انا تحت امرك
صور هناك http://www.marseilia.com/ar-Achievem...20Resort%201/4
اهاااااااقتباس:
المشاركة الأصلية كتبت بواسطة cheetos_892005
دى الناحيه التانيه مش على البحر صح طيب هى ليها شاطى خاص و لا علشان تروح البحر لازم تروح مارينا
اعتقد هى كده تعتبر قريبه من سيدى عبد الرحمن و مراسى و انا الخريطه سايحه معيا
لا كد سايحه خالص :dirol:اقتباس:
المشاركة الأصلية كتبت بواسطة minicooper20
الاتجاه التاني بقا اتجاه اسكندريه
البحر قدامها ناحيه تانيه مارسيليا بيتش 2 عالبحر و ممتازه تخش عادي
الشقة رائعة و انا اشكرك لكن أنا عايز تقسيط لفترة كبيرة و بمقدم قليلاقتباس:
المشاركة الأصلية كتبت بواسطة cheetos_892005
مش كاش أشكرك مرة تانية
احنا عندنا شقة في ابو تلات جميلة عيوب ابو تلات في نظري اقل كتير من مميزاتها ايعني هي للاستجمام فقط لو مش هتخرج منها يعني هتقضي يومك انك تنزل البحر وتاكل كبدة اسكندراني وتناااام لكن فسح وكدة انسي مفيهاش اي حاجة غير الحاجات الاساسية يعني سوبر ماركت ومحلات ادوات منزلية وكهربائية بس في المقابل هدووء واستمتاع قريبة من اسكندرية بالعربية الصبح في عز الزحمة ساعة ونص ساعتين في قري قريبة منها جميلة جدا علشان لو بتحب البسين والملاهي وكدة عندك مراقيا ولو ليك حد في الجيش يبقي سيدي كرير ومارينا لو بتجري بالعربية مش هتكمل نص ساعة والاسعار حلوة
ناس قرايبى شافوا شقه فى الهانوفيل ب 70 الف جنيه بس قبلى والبحرى بتاعها ب 120 الف !
راس سدر مستقبلها كويس وممكن تلاقى الاسعار دى فيها لكن مش مصيف خالص دى مشتى
أرجوكم ساعدونى مافيش أي أقتراحات أخرى أنا عارف أن المبلغ قليل 100000 جنيه أدفع 30 و الباقى على 7 سنين جزاكم الله خيرا
أبعد عن العجمى و 6 اكتوبر خالص
هتكره نفسك بسبب الزحمه و الشاطىء الى مفيهوش اى خصوصيه
لو عرفت تشترى فى راس سدر يبقى كويس مع انها تعتبر مشتى اكتر من انها تكون مصيف
شاطئ النخيل دة قمة البيئة و التلوث السمعى و المرئي
مفيش جديد في موضوعك؟؟؟؟
لقيت حاجة واللا لسه؟؟؟؟
متابع
عندنا شقه فى العجمى هانوفيل 60 متر خامس عماره من البحر والفرانده كاشفة البحر تماما وبينها وبين البحر 10 متر اللى هما الاربع عمارات السابقين ليها والشارع عرضه 15 متر والمنطقه فيها كل ماتتمنى من سلع ومواصلات والشاطىء جميل جدا جدا والعماره ساكن فيها مستشارين ودكاتره ومستوى الناس فى الشارع رائع جدا والبحر كويس اوى فالمنطقه دى وامان جدا
عماره ودور 4 وليس الاخير غرفه كبيره وصاله كبيره جدا جدا بحمام كبير بمطبخ كويس
تمليك ب 75 الف كاش وبالعفش كله بحاله ممتازة زى السرير والدولاب و 2 كنبه ستوديو والبوتجاز والثلاجه والمروحه...الخ يعنى تسكن علطول
شوف لو تعجبك قوللى