عندى شقة تمليك مساحتها 105 متر بفكر اعملها حضانة اطفال بتكلفة معقولة فى البداية
ياترى حد عنده فكره عن الموضوع من حيث التراخيص والتكلفة المبدئية والعمالة
وهل الموضوع فيه ربح معقول وهيغطى تكاليفه فى قد ايه ؟
عرض للطباعة
عندى شقة تمليك مساحتها 105 متر بفكر اعملها حضانة اطفال بتكلفة معقولة فى البداية
ياترى حد عنده فكره عن الموضوع من حيث التراخيص والتكلفة المبدئية والعمالة
وهل الموضوع فيه ربح معقول وهيغطى تكاليفه فى قد ايه ؟
متابع
خد بصه على الموضوع دا:
إجراءات ترخيص مشروع حضانة | موقع دليل حضانتى- hadanty.net
واطبع نموذج الترخيص من هنا:
https://www.egypt.gov.eg/services/se...ction=business
التكلفة مش كتير بس يفضل مكان اكبر لان روح الحضانة جنينة فيها العاب للاطفال
اهم ما في الموضوع
الشخص مدير المكان يكون متخصص في رياض الاطفال
وعاملات النظافة يكون في استقرار وخبرة للعمل بالحضانات
التعامل مع الاطفال مش سهل
تخيلي ممكن في يوم عندك 50 طفل في الحضانة مابين رضيع لحد سن 5 سنوات لازم ناس تشتغل خبرة
حضرتك مش شايف 100 متر صغيرة قوي على حضانة؟
فين مكان محلات مستلزمات الحضانات فى القاهره بس يكون عن تأكد مش سمع.
هل من جديد ؟
بعد البحث وجدت نوعين من طرق تجهيز الحضانات
الاولى شركه تقوم بتجهيز كل شئ حتى النجيل الصناعى
الثانيه تجميع من كل لون حاجه بتاع الخشب لوحده وبتاع البلاستيك لوحد8 وبتاع اللعب لوحده وبتاع الوسائل لوحده وهكذاااا
اولا - المساحة هى اللى هتحدد عدد الاطفال اللى ممكن تستقبلهم
يعنى لو مساحة 100 متر هتكون 3 غرف وصاله وحمام ومطبخ
الغرفة فى متوسط 3 متر فى 4 متر تستوعب حوالى من 20 الى 25 طفل
يبقى 3 غرف فى 20 او 25 طفل يبقى متوسط من 60 الى 75 طفل
دى للمناطق الشعبية
كل دة بدون جنينة
ثانيا -لو حبينا نعمل جنينة هتكون مش اقل من 4 متر فى 8 متر متوسط 30 متر فيهم العاب ومراجيح وكل فصل (غرفة لسن معين ) بيطلعوا يلعبوا فى وقت معين من اليوم
ثالثا لو قدرت تعمل حمام سباحة صغير يبقى روعة وفى ناس بتعمل دائرة قطرها 2 متر بالطوب والسيراميك ارتفاع 50 سم بتبقى ميزة كويسة لو فى تنافس قوى