أولا ربنا يرحموا ويغفر إليه وثانيا انت مش غلطان لأنك كنت ماشي في طريقك وهوا الله يرحمه اللي غلطان علشان بيعدي من على طريق سريع ومافيش مكان عبور المشاه على الدائري فالصح محدش يعدي من علىالدائري للأن ده انتحار وربنا يرحموا ويغفر إليه
عرض للطباعة
أولا ربنا يرحموا ويغفر إليه وثانيا انت مش غلطان لأنك كنت ماشي في طريقك وهوا الله يرحمه اللي غلطان علشان بيعدي من على طريق سريع ومافيش مكان عبور المشاه على الدائري فالصح محدش يعدي من علىالدائري للأن ده انتحار وربنا يرحموا ويغفر إليه
أنا هحكيلكم قصة صغيرة وإنتو عليكو تعرفو المعنى اللى وراها
القصة دى حقيقية وحصلت مع أخويا
أخويا كان نازل مرة من البيت وفى مدخل العمارة أمام باب الشقة اللى فى الدور الأرضى وجد شنطة فيها حاجة غريبة بتتحرك ... أخد الشنطة وفتحها وجد فيها طفل رضيع وعليه آثار دماء الولادة .. خبط على الشقة اللى وجد الطفل أمامها فتحتله سيدة المنزل وقالتله إنها شافت من العين السحرية 3 ستات كبار فى السن بيحطو الشنطة أمام الباب عندها وخافت تفتح
أخويا أخد الطفل وطلع بيه على قسم الشرطة وأخد معاه أحد أصحاب الورش الميكانيكة فى الشارع
أخدو منه الطفل وميعرفش عملوا فيه أيه
المهم أخدوا بيانات أخويا وتانى يوم كان عندوا إستدعاء أمام النيابة واليوم ده أنا روحت معاه
أخويا دخل على وكيل النيابة ووكيل النيابة أول سؤال وجهه ليه كان ( أيوة ياسيدى .. إنت بقى أبو الواد )
أخويا إتخض من السؤال وحكاله الموضوع وبعدها أخويا قاللو أنا عندى إستعداد أخد الولد أربيه أنا
وكيل النيابة قالو ( ومأخدتوش ليه من الأول قبل ماتجيبو هنا... العملية مش سايبه ... إطلع إستنى بره)
أنا كنت مستنيه بره وهوه اللى حكالى اللى حصل
أحد أمناء الشرطة بيسأل أخويا أيه اللى حصل جوه أخويا حكالوا
أمين الشرطة باللفظ قالو ( وحد قالك تعمل خير )
وبعد بهدلة لمدة 3 أو 4 ساعات أخويا مشى
الخلاصة إنت المفروض كنت تقف علشان تساعد .. بس لو كنت وقفت واللى خبط الراجل مشى كنت بمنتهى السهولة ممكن تلبس التهمة ويتقال إنك إنت اللى خبطته
ده قانون بلدنا ياجدعان
موقف صعب علي اي حد التصرف فيه . لو وقفت و كان الشاب لاقدر الله توفي ممكن تتهم انك اللي خبطته و ده نفس اللي هيحصل بالضبط لو جريت بيه علي اي مستشفي هياخدوا بياناتك و هتبقي انت المسؤول حتي إثبات العكس. المشكله كمان تظل موجوده حتي لو فضل عايش لانه ممكن يحاول ابتزازك بانه يقولهم انك اللي خبطته علشان يأخذ منك فلوس و ممكن لو وقفت برضه تتثبت او يتسرق حاجات من العربيه و انت مشغول مع المصاب او حتي تتسرق العربيه او حضرتك تتخطف. كلها احتمالات وارده مع الأسف و تخليك تفكر الف مره قبل ما تفكر تقف او ترجعله
ربنا يسترها علينا وميعرضش حد للموقف دا
بصراحه موقف لاتحسد عليه لان ممكن لو فرملت الى وراك ممكن يلبس فيك
الموقف دا عاوز واحد قلبه جامد لانه اكيد هيلاقي اصابات وممكن كمان لا قدر الله اشلاء
فكان ممكن ان حضرتك تتصل بالاسعاف وهي تشوف شغلها واعتقد ان دا الشيء الواجب تعمله
فئة عايزة الاعدام رجمآ بي الشباشب
انهارضة وانا مروح من الشغل في حدود الساعه 6:45 دقيقة قبل نفق زهراء مدينة نصر مرة وحدة لقيت تريلا في الحارة الي في النص رما مرة وحدة علي الشمال لولا ستر ربنا دوست فرامل علشان ابقا خلفة وهو يعدي وفضلت دايس علي الكلاكس السواق اتخض لما بص في المراية وهو زنقني بي العربية الي وارة في السور قام رامي مرة تانية في الحارة الي في النص بيسوقة بستهتار دون النظر علي المرايات ربنا سترها الحمد الله
فعﻵ مشكلة الناس الي بتقف بتعطل انقاذ المصاب في اسرع وقت ساعت حادثة التريلا الطريق واقف من النحيتن كلة عايز يتفرج الله يكون في عون الي خبط الشاب اوﻵ شعورة انه ازي روح وثانيها انه هيشوف الويل من قسم لنيابة لي مشاكل اكيد مع اهل الشاب ثالثها العربية كبتوها اتخبط جامد ودخل لجوة اكيد جاب في سكته الشنب بي الرداتير زائد ان البربريز ادمر فا الله يكون في عونة اكبر واحد حاليآ نفسيتة متدمرة