الموضوع: مش عارف انا صح ولا غلط وضميري بيأنبني

المشاركة الأصلية كتبت بواسطة omar mahmoud

انا شوفت حادثة زي دي علي الدائري في العيد السنة و حادثة تانية زي دي في جامعة الدول
المهم انا مش شايفك غلطان في حاجة حتي انت قولت(مش بايدي شئ إلا الدعاء له بالرحمة) و غير كدة لو وقفت ممكن اوي الناس يفتكروا انت اللي خبطته و انت عارف المصريين بيحبوا يتلموا علي الحاجات اللي زي دي.

والله ده برضة الي جيه في بالي وكمان انا اترددت انزل اشوف شكل الشب كنت حاسس صورتة الي هشوفة عليها مش هتفارق خيالي

المشاركة الأصلية كتبت بواسطة hitmangate

أولا ربنا يرحموا ويغفر إليه وثانيا انت مش غلطان لأنك كنت ماشي في طريقك وهوا الله يرحمه اللي غلطان علشان بيعدي من على طريق سريع ومافيش مكان عبور المشاه على الدائري فالصح محدش يعدي من علىالدائري للأن ده انتحار وربنا يرحموا ويغفر إليه

ده قمة الانتحار انك تعدي دائري السويس وعلي منزل نفق
انا صعبان عليا اسرتة

المشاركة الأصلية كتبت بواسطة kingrab

أنا هحكيلكم قصة صغيرة وإنتو عليكو تعرفو المعنى اللى وراها
القصة دى حقيقية وحصلت مع أخويا
أخويا كان نازل مرة من البيت وفى مدخل العمارة أمام باب الشقة اللى فى الدور الأرضى وجد شنطة فيها حاجة غريبة بتتحرك ... أخد الشنطة وفتحها وجد فيها طفل رضيع وعليه آثار دماء الولادة .. خبط على الشقة اللى وجد الطفل أمامها فتحتله سيدة المنزل وقالتله إنها شافت من العين السحرية 3 ستات كبار فى السن بيحطو الشنطة أمام الباب عندها وخافت تفتح
أخويا أخد الطفل وطلع بيه على قسم الشرطة وأخد معاه أحد أصحاب الورش الميكانيكة فى الشارع
أخدو منه الطفل وميعرفش عملوا فيه أيه
المهم أخدوا بيانات أخويا وتانى يوم كان عندوا إستدعاء أمام النيابة واليوم ده أنا روحت معاه
أخويا دخل على وكيل النيابة ووكيل النيابة أول سؤال وجهه ليه كان ( أيوة ياسيدى .. إنت بقى أبو الواد )
أخويا إتخض من السؤال وحكاله الموضوع وبعدها أخويا قاللو أنا عندى إستعداد أخد الولد أربيه أنا
وكيل النيابة قالو ( ومأخدتوش ليه من الأول قبل ماتجيبو هنا... العملية مش سايبه ... إطلع إستنى بره)
أنا كنت مستنيه بره وهوه اللى حكالى اللى حصل
أحد أمناء الشرطة بيسأل أخويا أيه اللى حصل جوه أخويا حكالوا
أمين الشرطة باللفظ قالو ( وحد قالك تعمل خير )
وبعد بهدلة لمدة 3 أو 4 ساعات أخويا مشى

الخلاصة إنت المفروض كنت تقف علشان تساعد .. بس لو كنت وقفت واللى خبط الراجل مشى كنت بمنتهى السهولة ممكن تلبس التهمة ويتقال إنك إنت اللى خبطته
ده قانون بلدنا ياجدعان

وبعدين الولد ايه الي حصل له ؟
الله يكون في عونة ناس بترمي عيالها من كثرة الجهل الي صدرتة لنا الحكومات علي مدار 60 سنة حكم جهل وفاشية عايزة تترائس العبيد

المشاركة الأصلية كتبت بواسطة mahmoud.69

والله ده برضة الي جيه في بالي وكمان انا اترددت انزل اشوف شكل الشب كنت حاسس صورتة الي هشوفة عليها مش هتفارق خيالي

حادثة الدائري اللي شوفتها كانت من سنة و لسة فاكر كل اللي حصل بالتفصيل كانت قصاد عيني غير حادثة علي المحور من 7-8 سنين و منظر الراجل و هو علي الارض و مغطينه بورق جرايد مش قادر انسي المنظر ده

المشاركة الأصلية كتبت بواسطة land_cruiser

موقف صعب علي اي حد التصرف فيه . لو وقفت و كان الشاب لاقدر الله توفي ممكن تتهم انك اللي خبطته و ده نفس اللي هيحصل بالضبط لو جريت بيه علي اي مستشفي هياخدوا بياناتك و هتبقي انت المسؤول حتي إثبات العكس. المشكله كمان تظل موجوده حتي لو فضل عايش لانه ممكن يحاول ابتزازك بانه يقولهم انك اللي خبطته علشان يأخذ منك فلوس و ممكن لو وقفت برضه تتثبت او يتسرق حاجات من العربيه و انت مشغول مع المصاب او حتي تتسرق العربيه او حضرتك تتخطف. كلها احتمالات وارده مع الأسف و تخليك تفكر الف مره قبل ما تفكر تقف او ترجعله

انا برضة الي خفت منه ان الي خبطة يقول عليا كنت السبب انا كمان ولاحاجة طبعآ كلنا عارفين الشعب المصري مايحبش يعترف انه غلطان ولو غلطان بيكون بسبب شعب لزم يعلق تبريراتة علي شماعة الفشل

المشاركة الأصلية كتبت بواسطة أسامه الحسيني

ربنا يسترها علينا وميعرضش حد للموقف دا
بصراحه موقف لاتحسد عليه لان ممكن لو فرملت الى وراك ممكن يلبس فيك
الموقف دا عاوز واحد قلبه جامد لانه اكيد هيلاقي اصابات وممكن كمان لا قدر الله اشلاء
فكان ممكن ان حضرتك تتصل بالاسعاف وهي تشوف شغلها واعتقد ان دا الشيء الواجب تعمله

والله لما فرملت ماجاش في بالي خالص العربية دي صاج وممكن يستعدل لكن ده بشر لو اتكسر مش هينفع تاني
انا من شدة المنظر تفكيري انشل واللهى

المشاركة الأصلية كتبت بواسطة omar mahmoud

حادثة الدائري اللي شوفتها كانت من سنة و لسة فاكر كل اللي حصل بالتفصيل كانت قصاد عيني غير حادثة علي المحور من 7-8 سنين و منظر الراجل و هو علي الارض و مغطينه بورق جرايد مش قادر انسي المنظر ده

بجد مناظر بشعة ما بترحش خالص من الذاكرة
انا من سنين كتيرة ايام ماكنت في 4 ابتدائي وكنت رايح المدرسة شفت شرطة وقفة حولين جثة صاحبها مدبوح شوف انا الأن عمري 25 سنة ولسه من بشاعتها
ربنا يخرجنا من الدنيا دي بي سلام