النهاردة صحيت الصبح لقيت العربية مش موجودة و ازاز متكسر على الأرض ، العربية فيها الرخصة بتاعتها و نظرتي و كم حاجة كدة و كنت سايب فيها رقم تليفوني هعمل محضر إنشاءالله بالحصل كمان شوية و ارجعلك ، إنا لله و إنا إليه راجعون
عرض للطباعة
النهاردة صحيت الصبح لقيت العربية مش موجودة و ازاز متكسر على الأرض ، العربية فيها الرخصة بتاعتها و نظرتي و كم حاجة كدة و كنت سايب فيها رقم تليفوني هعمل محضر إنشاءالله بالحصل كمان شوية و ارجعلك ، إنا لله و إنا إليه راجعون
ربنا يردها لك
لا حول ولا قوة الا بالله ، ربنا يعوضك خير و يصبرك و تلاقى عربيتك
ربنا يعوض عليك ان شاء الله يارب تكون مأمن عليها
ربنا يردهالك إن شاء الله واعتقد انهم ممكن يتصلو بيك ويطلبو مبلغ
العربية مش متأمن عليها أنا بس عايز أعرف من الناس حصل معاهم حاجة زي كدة الحرامي السارق بيتصل بعديها بكذا يوم بعد ما الدنيا تكون هديت ولا لا ؟
اللهم أجرك في مصيبتك و أخلفك خيرا منها.
ان شاء الله تلاقيها.
ربنا يردهالك على خير ان شاء الله
(و عسى ان تكرهو شيئا و هو خيرا لكم)
واحد صاحبي كان معاه صني 2010 و اتسرقت ساعة الثورة عشان يتهرب فيها أسلحة و راح عمل محضر ... الفرق بينكم إن هو كان مأمن عليها فالتأمين اداله تمنها ... أما بالنسبة لحضرتك لو حد كلمك من الحرامية كلمهم بغناوة و قولهم إن العربية مش لزماك عشان هم ممكن يطلبوا مبلغ كبير و لو كلمتهم بغناوة هينزلوا معاك في المبلغ و لو ربنا أراد و وافقوا ابقي خد معاك بلطجية و انت بتسلمهم الفلوس أحسن يثبتوك و يقلبوك و ماتطلش الفلوس أو العربية ... و كان الله في العون
شوف حضرتك انا الي حصل معايا انه اتصل بيا بعد السرقة بيومين يالظبط 48 ساعة وطلب 35 الف جنية واروح استلم العربية من بني سويف طبعا انا كنت مأمن عليها وفي ناس جيراني من المنطقة نصحوني اني مروحش اجيب العربية و قالولي مش هتكون بحالتها يعني بيبدلو الجنوط وبياخدو الكاست الاصلي وبيقلبو العربية وممكن ياخدو الفلوس وتصرف عليها ادهم كمان عشان العربية ترجع زي ماكانتاقتباس:
المشاركة الأصلية كتبت بواسطة omar hammoudy
سلمت امري لله وصرفت مبلغ التعويض من شركة التأمين وبعد 3 شهور بالظبط العربية اتمسكت في كمين في سوهاج والشرطة اتصلت بيا عشان اروح استلمها طبعا انا كنت بعتها لشركة التأمين فبلغتهم ان العربية في سوهاج و بالفعل لما مندوب التامين راح استلمها من القسم اتصلت بيه عشان اشوف بس العربية مش اكتر ولما رحت مخازن الشركة شوفت العربية كانت مفيش حاجة فيها زي ماكانت الكراسي متغيرة والجنوط والكاسيت وفرش الباب من جوة متبهدل
دة كل الي حصل معايا وربنا يهديك للصالح ان شاء الله
ربنا يردهالك مش عارف امتى البلد ديه هتنضف الناس كلها بقت بلطجية و حرامية الحقيقة الثورة طلعت اسوء ما فى الناس على عكس ما متوقع انها تطلع احسن ما فى الناس ؟؟؟؟؟
اهم حاجه تعمل محضر
وربنا يكرم وومكن تتمسك فى كمين ولا حاجه
الله يصبّرك ويعوضك ويبشرك بشرة خير عن قريب إن شاء الله
نصيحة لوجه الله، أسرع بإبلاغ الشرطة وتسجيل محضر رسمي، ليس فقط للبحث عن السيارة، لكن أيضاً لتحمي نفسك من تبعات أية مشاكل مستقبلية من الاستخدام غير القانوني لها وهي ليست في حوزتك..
اللهم اجره فى مصيبته وعوض عليه
تفتكزوا تركيب ايموبليزر يمنع السرقه ؟؟
مينفعش يتركباقتباس:
المشاركة الأصلية كتبت بواسطة Mecha
لازم تبلغ الشرطة""" ضرورى""
ربنا يصبرك وانا مجرب نفس احساسك ده بس معرفوش يسرقو العربيه عشان فيها ايموبلايزر
يا جماعه اللي معاه النترا يروح يكلبشها و يروح يكلبش الدريكسيون ويحط فيها انذار لو معملش كده يبقي الله يعوضه
+++1اقتباس:
المشاركة الأصلية كتبت بواسطة عبدالحكيم
اللهم أجرك في مصيبتك و أخلفك خيرا منها.
ربنا يعوض عليك و يردهالك ان شاء الله
سرقة العربيات زادت تاني و خاصة الالنترا
واحد صاحبي اتسرقت عربيته النترا موديل 2012 هاي لاين من العبور راح القسم يعمل محضر لاقي بي ام دابليو و باسات مسروقين طيب ازاي ياجماعة عربيات زي دي فيها اكيد ايموبلايزر و تتسرق بسهولة
و اللي سارقها كلمه و طلب 40 الف قاله مش معايا غير 15 الف
قالو قابلني عند موقف العاشر من رمضان و قاله اقف علي كوبري المشاه و قاله في واحد واقف تحت الكوبري اخدفله الفلوس قاله العربية فين قاله واقفة عند كارفور العبور حدفله الفلوس و راح عند كارفور العبور مالاقاش العربية
انت اتكلم بتقل زي ما العضو قالك و خليك تقيل و لو حدد معاد قوله انا اللي اقول امتي
العربية معاه تهمة و عايز يخلص منها وفاصل معاهم في الفلوس ولما تروح تشوف العربية قدام عينك يركنها علي طريق الناحية التانية و يسيبها و يمشي بس تكون قدامك
و في المعمورة برضو اتسرق 2 النترا من هناك و هناك الامن شادد حيله و عربيات رانجلر تدخل سريع بتلف و اكتر من بوكس و برضو عربيات كتير اتسرقت
ربنا يصبرك وتذكر قوله تعالى وبشر الصابرين الذين اذا اصابتهم مصيبة قالوا ان لله وان اليه راجعون
اللهم رد اليه ضالته
سيدي الفاضل . اجارك الله في مصيبتك واخلف عليك الافضل ان شاء الله
في الغالب سوف يتم الاتصال بك وسيتم تحديد المبلغ وعليها قدره يعني في سوق
السرقه ممكن اخرك 20000 او 25000 ..
ذهابك في حاله الاتصال منفردا ب 100 جنيه وموبيل تعبان وبطاقه
متدفعش الفلوس الا لو شفت العربيه قدامك ومحدش راكبها
لما تاخدها وفي الغالب بيكون عجلها مهوي نص نص علشان متجريش ورا حد
هتطلع علي اي حد يكمله وتبص في العربيه كل حته شنطه تابلوه كمبوت
وبعدها تتكل علي الله .
كل دا بعد ما تكون محضر في القسم ومباحث سرقه السيارات
بسم الله الرحمن الرحيماقتباس:
المشاركة الأصلية كتبت بواسطة ahmedelrayan
"وبشر الصابرين الذين إذا أصابتهم مصيبة قالوا إنا لله وإنا إليه راجعون"
صدق الله العظيم
بي ام و باسات ازااااااي ؟؟؟اقتباس:
المشاركة الأصلية كتبت بواسطة mshmshm3
بس حضرتك غلطان في انك سبت الرخصه في العربيه وربنا يرجعهالك امين يا رب
بص يا باشا انا حصلي نفس الموقف و الحمد لله و بفضله رجعت العربيه و انصحك بالاتي:
١-تمشي في الاجرائات القانونيه عادي جدا و تعملها كلها و تطلع علي مباحث السيارات في مديريه الامن عشان يبلغ التراخيص يوقف بيع العربيه و لو ان الحاجات دي مش هي الي بترجع العربيه بس عشان لو عمل الحرامي بيها اي مصيبه تخلي مسئوليتك و عشان يعرفوا يوصلوا لنمره تليفونك لانهم جابوا نمره تليفوني من المحضر
٢-لما يكلمك الحرامي ماتبينش انك ميت علي العربيه بالعكس تبين انها مش فارقه معاك و انك مامن عليها و انها قسط و عليها حظر بيع
٣- تتاكد انه هو فعلا معاه العربيه و دي انك تساله علي علامات مميزه في العربيه تخليه يقولهالك لان ممكن يكون نصاب و معهوش العربيه اصلا وياخد الفلوس و يخلع
٤-حاول تشوف حد ثقه يكون لي سكه مع عرب الساحل و عارف حد منهم ثقه و كبير و تخلي الاستلام و التسليم عن طريقهم عشان هما دول ضمانك
٥- فاوض معاهم علي قد ما تقدر و ماتزهقش ومتخافش عشان تدفع اقل مايمكن و اشترط عليه انها ترجع زي ماهي من غير حاجه ناقصه ( بس طبعا هي هتيجي ناقصه حاجات و هيقولك انها وصلتوا كده و دي نقطه كويسه انك تقلل معاه الفديه تاني) بس خلي بالك العربيه اه مش هيجرالها حاجه بس كل ما تقعد معاهم بيتفك منها حاجه فماطل ايوه بس بحدود
و ده الي اقدر افيدك بيه و ربنا معاك و يخفف عنك ان شاء الله و تخرج من المحنه دي
ان شاء الله ترجع لك العربيةاقتباس:
المشاركة الأصلية كتبت بواسطة mohamedjetta
الرسول عليه الصلاة والسلام يقول اعقلها وتوكل على الله يعنى ناخد بالاسباب
يعنى لازم اكون قافل الدركسيون وكمان بالزيادة تكون مركب قفل دركسيون خطاف بين الدركسيون
والدبرياج عليها وكمان قفل او كلبش لكاوتش السيارة
وخاصة فى المناطق الهادئة او المتطرفة
وكمان لااترك اى اوراق او مستندات تخص السيارة
كالرخصة مثلا حتى لااسهل الامر على السارق
وكان الله فى العون
الله يعينك ويرضلك ضالتك
شكرا حضرتك علي الرد وعلي فكره هما معرفوش يسرقو العربيه عشان الايموبلايزر ... انا بنصح اي حد يجيب عربيه لازم يكون فيها ايموبلايزر و يكلبشها كمان !!!اقتباس:
المشاركة الأصلية كتبت بواسطة almohaor
لا حول ولا قوه الا بالله
حسبي الله ونعم الوكيل
والله يا اخي اني قلبي محروق علشانك