استغلال رسمى من عز العرب لكل ملاك بروتون
السلام عليكم اولا
اخوكم ايمن اللى من ملاك بروتون ساجا حابب احكيلكم اللى حصل معايا لما روحت اعمل صيانه ال 5 الاف يوم السبت اللى فات وكلام مهندس الصيانه ليه ولكل ملاك بروتون
اللى انا اعرفه واللى فى كل الدنيا انك بتعمل صيانه كل 5 الاف او عشر الاف على حسب الزيت اللى انت حطيته انما اللى فوجئت بيه ان البيه بيقولى وبيقول لكل الناس اللى كانت بتعمل صيانه ان العربيه لازم تعمل صيانه كل 3 شهور بصرف النظر بأه عملت 5 الالاف ولا حتى كيلومتر واحد
طبعا الكلام ده معجبش الناس كلها وقعدنا نتكلم معاه وقولناله ان اللى بقوله ده غلط انت ليه تجبرنى اجيللك كل 3 شهور وممكن تكون العربيه معملتش 100 كيلو قعد يقولنا كلام اهبل ميقولوش واحد مهندس لا واحد ولا يعرف اى حاجه الباشا بيقول اصل الزيت اللى بنحطه خواصه ممكن تتغير بعد 3 شهور وان بروتون نفسها بتقول الصيانه كل 3 شهور طبعا انا رديت عليه وقولتله مفيش زيت فى الدنيا عمره الافتراضى 3 شهور بس ومفيش مصنع فى الدنيا يعمل عربيه ويقوللك لازم تعملها صيانه كل 3 شهور بغض النظر عن انها ممكن تكون ممشيتش
اللى يجننك بأه انى سألته وقولتله افرض انى خدت العربيه بعد الصيانه وركنتها فى الجراج 3 شهور وفضلت مركونه فى الجراج وجيتللك بيها ايه اللى حتعمله فى الصيانه والرد قالى عادى حكشف على العفشه واغير زيت طبعا استهبال واستحمار رسمى انا اصلا قولتله انى لو اعرف كده مكنتش اشتريت العربيه من اصله
انا اللى شايفه انهم عاوزين الناس تجيلهم كل 3 شهور عشان يلمو فلوس صيانات على الفاضى وحسبى الله ونعم الوكيل
ارجوكم ياجماعه قولوللى ايه رأيكم اكيد الكلام ده اتقال ليكم قبل كده هل الكلام ده منطقى ؟؟؟؟؟
