الموضوع: مشكلة كبيرة فى التجديد

اعمل الى علييييك وربنا يوفقك ، و ان شاء الله هيخفضوهالك

معارضة فى الدراسة



http://www.nilemotors.net/Nile/383233-300.html

المشاركة الأصلية كتبت بواسطة CCIE

عندي يقين تام إن مخالفات السيارات ما هي إلا عن سرقة مقنعة في إطار قانوني للغلابة المحترمين اللي ملهمش في موضوع الوسايط .
عمرك شفت قاضي أو وكيل نيابة أو ظابط أو حتى أمين شرطة جتلو مخالفة جنية واحد حتى !!!!! مع انهم مشين على طول مخالف .

أكبر مثال على إن المخالفات عشوائية عند تجديد الرخصة اكتشفنا وجود مخالفة عكس ١٠٠٠ جنيه مصري + ٣٠٠ جنية مصري تعطيل حركة المرور في يوم واحد في ساعة واحدة يعني مخالفة دوبل
عملنا تظلم شال ٣٠٠ بس في نفس الإسبوع بنعمل بيان مخالفات اكتشفنا واحدة تانية بالظبط بتاريخ من 3 شهور ١٠٠٠ + ٣٠٠ دوبل بردو ، عملنا معارضة كان بعدها بشهر بس خللي بالك بتخش على الماكسيموم يعني ٢٣٠٠ اصبحوا ٤٦٠٠ جنيه مصري !!!! القاضي كان راجل محترم و عارف إللي فيها دفعنا مئة و شوية وعمل كدة مع كتير إللي كان ٣٠٠٠ دفع بردو مئة و شويه
و بعد ١٠ أيام بتاخد بيان مخالفات جديد متصفر .

طيب معلش سؤال جانبي هو احنا لية بندفع ألف جنية و شوية كل 3 سنوات من غير مخالفات !!!! هي فين الطرق الكويسة ولا الاسعاف العادي حتى مش الطائر اللي على الطرق السريعة ولا لازم أكون يسري فودة علشان حد يعبرني و أنا بموت على الطريق !!!!!!

اعمل تظلم واهو لو وافقوا وشالولك مبلغ انت اولى بيه

ولو موافقوش اديك مش هاتخسر حاجة

رحت النهارده وعملت شوية محاولات ودفعت شوية شايات عشان أخش للباشا وكيل النيابة...المهم دخلت له و محصلة الكلام معاه كالتالى:

1- هو مافيش فى ايده حاجة والتظلم فى الدراسة
2- لغاية التظلم مايتاخد فيه قرار مافيش تجديد رخصة ولا حتى تصريح سير مؤقت..وأنا ونصيبى بقى فى اللجان
3-احتمال رفض التظلم 50 % واحتمال قبوله 50 % ولو اتقبل أقصى ما أطمع فى تخفيضه 400 جنيه بتوع ال (5*20) + 300 كسر الاشارة
4- لو أعرف حد ليه سكة فى الشرطة أو الداخلية ممكن الغرامات كلها تتشال وترسى على 100 أو 200 جنيه (ده كلامه)

الخلاصة انه جالى احباط وشكلى حاروح أدفع بكره وأخلص تجديد

ده كده واضح ان الكل هيبقي عنده
مخلفات وهمية وهندفع فلوس !!
ربنا يستر