***هل نظام الاوتو ستوب في مصر آمن ؟***

**SAbuhashem** · 21-10-2008 08:24 AM

النظام دة متبع في أمريكا وأوروبا بشكل عادي على الطرق السريعة
وفي دول الخليج عادي جداً انك تشاور لأي عربيه لو اضطرتك الظروف تقف على طريق سريع توديك أي بنزينه قريبة أو المدينه القريبه
يعني مش بعيد تشاور تلاقي ليكسوس واللا جاجوار وقفتلك
وبعض الهنود بيأخذها زيادة دخل بعربيتهم الملاكي وميتكسفش ياخد فلوس لو عرضت عليه

لكن في مصر هل النظام دة آمن ؟

هل لو حد شاورلك في طريق سريع تقفله عادي ولا تطنشه وماذا لو كانت ست ومعاها أطفال مثلاً ؟

وهل حد حصل معاه أي ذكرى سيئه بسبب الموضوع ده

من المعروف إن ثواب التوصيله دي كبير جداً لكن هل هو آمن وطبيعي في مصر ؟

Thanks
Eng.Sherif Shaker

**OlaOsman** · 21-10-2008 09:01 AM

يا باش مهندس.. إذا كان مرة حد بيسأل الناس هنا في المنتدى عن صدقة الطريق و هل ممكن تقف لحد في طريقك شايف انه ممكن يكون محتاج توصيلة كانت الإجابات كلها مخيبة للآمال (آمالي انا على الأقل). الناس خايفة من بعضها بصورة مفزعة. فما بالك بأه بأوتو ستوب، يعني حد هو اللي موقفك عشان يركب معاك

**Noha.M** · 21-10-2008 09:14 AM

لااااااااا دى حاجة مرعبة فى مصر مينفعش طبعا

انا محمود لما بيبقي بيوصل اخوه الجيش عند الكتيبة بتاعته فى طريق السويس و لقيته بيقولى انه ركب معاه كذا مرة ناس عاوزة تطلع على اول الطريق قعدت اصوتله فى الموبايل عشان مبعملش كدة تانى

و مظنش ان فيه ام و اطفالها هتقف على طريق سريع الا اذا كان حصل ظرف معين و عربيتهم عطلت و هيبقي باين من المنظر العام ان عربيتهم عطلت فممكن ساعتها اخدهما معايا لكن ماخدش طبعا حد راجل معايا ولا مع محمود

**OlaOsman** · 21-10-2008 09:17 AM

المشاركة الأصلية كتبت بواسطة Noha.M

انا محمود لما بيبقي بيوصل اخوه الجيش عند الكتيبة بتاعته فى طريق السويس و لقيته بيقولى انه ركب معاه كذا مرة ناس عاوزة تطلع على اول الطريق قعدت اصوتله فى الموبايل عشان مبعملش كدة تانى

ايه ده؟ انتي مش لسه امبارح كان اسمك نهى؟ :D

**Noha.M** · 21-10-2008 09:20 AM

المشاركة الأصلية كتبت بواسطة OlaOsman

ايه ده؟ انتي مش لسه امبارح كان اسمك نهى؟ :D

ههههههههههههههههههههههه

هعدلهاك حالا يا لولووو ولا تزعلى بس خلاص خدتى اقتباس و كريم منير هيزعل اوى :D

**SAbuhashem** · 21-10-2008 09:53 AM

معنى كده إن الموضوع خطير للدرجه دي ؟ وإن ماينفعش أقف لأي حد كان ؟
لأن بيحصل إن في ناس على بعض الطرق بتشاورلي علشان يركبوا معايا بس بقلق بصراحه

وبالنسبة للانسة محمود :)
أعتقد إن مفيش واحد حيشاور لبنت من أساسه لتوقعه المسبق إنها مش هتقف

Thanks
Eng.Sherif Shaker

**Ahmed Hassan** · 21-10-2008 09:55 AM

مش موضوع مصر... هوه السؤال... هل نظام الاوتو ستوب آمن أصلا؟!

انا عن نفسي مش بركب حد شاورلي معايا... لكن ممكن اركب حد (من غير ما يشاور) لو قدرت انه محتاج مني مساعده.

**sab3aawy** · 21-10-2008 10:03 AM

المشاركة الأصلية كتبت بواسطة OlaOsman

ايه ده؟ انتي مش لسه امبارح كان اسمك نهى؟ :D

والله العظيم كنت لسه هكتب نفس الكلمتين لقيتك كتبتيهم ......بصرة

**SAbuhashem** · 21-10-2008 10:04 AM

المشاركة الأصلية كتبت بواسطة Ahmed Hassan

مش موضوع مصر... هوه السؤال... هل نظام الاوتو ستوب آمن أصلا؟!

انا عن نفسي مش بركب حد شاورلي معايا... لكن ممكن اركب حد (من غير ما يشاور) لو قدرت انه محتاج مني مساعده.

بره مصر مجرب وآمن بنسبة كبيرة تدعو الطمئنينه انك تاخد حد يشاورلك على الاقل شكله مش مريب

مرة كنت في دولة ما سايق في طريق جبلي أسفلت ولقيت ٣ بيشاورولي وقفتلهم وطبعاً الشك ماليني لكن علشان أنا عارف إن الموضوع طبيعي في البلد دي وقفت
طلعوا هنود شغالين في مزرعه في الجبل ورايحين يصلوا الجمعه في مدينه على بعد حوالي ٢٠ كم
ثواب كبير كلنا نفسنا نحصل عليه لكن ؟؟؟

Thanks
Eng.Sherif Shaker

**Noha.M** · 21-10-2008 10:10 AM

المشاركة الأصلية كتبت بواسطة SAbuhashem

وبالنسبة للانسة محمود :)
أعتقد إن مفيش واحد حيشاور لبنت من أساسه لتوقعه المسبق إنها مش هتقف

Thanks
Eng.Sherif Shaker

ههههههههههههههههههههههههه هههههههه

مش عارفة ليه حسيت انسة محمود دى الانسة حنفي

لا والله شورولى قبل كدة يا باسمهندس بس انا ناصحة موقفتش

الموضوع: هل نظام الاوتو ستوب في مصر آمن ؟

LinkBack

أدوات الموضوع

عرض

هل نظام الاوتو ستوب في مصر آمن ؟ - انشر الموضوع فى :

-

-

-

-

-

-

-

المواضيع المتشابهه

الجيل الثانى من نظام الايقاف الاوتو ماتيكى

سؤال عن ستوب لايت جيتز

كارينز ستوب لامبس

البيكانتو الاوتو والجيتز الاوتو

لمبه ال ستوب الخلفيه - استفسار

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: ***هل نظام الاوتو ستوب في مصر آمن ؟***

***هل نظام الاوتو ستوب في مصر آمن ؟*** - انشر الموضوع فى :

-

-

-

-

-

-

-

المواضيع المتشابهه

الكلمات الدلالية لهذا الموضوع

المفضلات

المفضلات

ضوابط المشاركة

الموضوع: هل نظام الاوتو ستوب في مصر آمن ؟

هل نظام الاوتو ستوب في مصر آمن ؟ - انشر الموضوع فى :