كباس تكييف الفلوانس باظ. أجيب منين واحد تاني؟

صباح الخير يا جماعة. انا عندي مشكلة في فلوانس ٢٠١١ ان التكييف ضرب. رحت كذا واحد بتاع تكييف قال لي ده كباس لازم يتغير.

المشكلة انه في التوكيل ب ٧٠٠٠ جنية!! و مش لاقيه بره خالص. دورت في دمشق و في الحرفيين و ناس سألوا لي في التوفيقية و مش لاقي خالص. جربت اركب واحد شبهه استيراد بس مش هو، بتاع رينو بردو بس مش عارف رينو ايه، اشتغل يوم ما ركب و امبارح مش بيطلع هوا ساقع خالص. و انا فعلا زهقت منها و مش عارف اعمل ايه. تقريبا اول مره اعطل في قطعه غيار عربية. بس انا مااعرفش حاجة خالص في رينو.

حد يقدر مشكورا يفيدني؟

مش عارف أقولك إيه بس مستغرب إذاى كباس بالسرعة دة العربية لسه جديدة و أنا أشك إن بتاعها باظ و حرامية التكييف كثير

هاوصفلك ورشة تكييف و إن شاء الله يقولك المفيد - أنا حصلى فيلم من كام واحد قبل كده وهو إللى حلها بهدوء و خبرة و ضمير من غير فتى

مش متذكر إسم الورشة بس هاوصفلك وصفه سهله جدا

الحرفيين لو داخل من المدخل الرئيسى إللى من طريق الإسماعيلية - جسر السويس خليك ماشى و لف مع الطريق كأناك هاتطلع من الحرفيين من ناحية الدائرى هاتلاقى الثلاثى بتاع الزجاج على يمينك فى الإتجا ه المقابل و ورشة إسمها أبناء الدقهلية

فى ضهر الثلاثى دى فى شارع صغير
يعنى لما تشوف الثلاثى هاترجع يو تيرن هايبقى على يمينك إدخل يمين فى يمين يعنى فى ضهرة شارع صغير أوى إمشى بتاع 30 متر هاتلاقى الورشة على يمينك راجل كبير و أمين

ما تشوف كباس الميجان احتمال يطلع هو نفس الكباس !

فك الكباس و روح بيه صقر قريش و دور على واحد يكون بنفس القاعده.