اوبترا 2014 الشكل القديم زيرو فيها نفس ملاحظات بتاعة عربيتي 2008 .. شيئ غريب
السادة الافاضل وحوش قسم شيفورليه بعد التحية والاحترام :tumb:
فيه شوية ملاحيظ عايز اخد رأيكم فيها
اولا العربية اوبترا 2008 ماشية 64500 كيلو حاليا .. انا اشتريتها من شهر تقريباً كانت عاملة 62.300 كيلو
وسافرت بيها مشوار طويل حوالى 1200 كيلو رايح جاى ومشاء الله زي الفل ثبات وموتور وكل حاجة
بس انا لما اشتريت العربية دي كانت اول مرة اسوق اتوماتيك وبالتالى معنديش عنه فكرة كويسة
المهم ندخل في الموضوع
اول هذه الملاحظات :-
1- فيه زي صوت ونة صوتها متوسط في طالعة العربية وعلى الاول بس وبتختفي نهائي بعد كدة .. بس من كام يوم روحت استلمت اوبترا 2014 الشكل القديم لصديق ليا وانا بتحرك بالعربية الزيرو وكانت عامة 34 كيلو فقط .. سمعت برضه صوت الونة دى بس خفيفة خالص .. لكن فيه ونة في طالعة العربية على الغيار الاول
2- في صوت تكتكة في الموتور برضه بيظهر عندى وصاحب العربية قالى انه كان بيحط زيت كاسترول 3 الاف كيلو وبينزله على 2000 .. ونصحني بيه .. فاول ما جبت العربية قولت في نفسي لا انا هاجيب الزيت التخليقي ال 10 الاف بس مكنتش عارف اى نوع احسن ليها .. فجبت موبيل 3 الاف مؤقتاً وقولت هنزله على طول اول ما استقر على الزيت وبالفعل كنت عند المهندس هاني ميخائيل في مركز سبيد سيرفيس وقولته على الموضوع ده .. قالى حرام اللى كان صاحب العربية الاولانى بيعمله فيها .. قالى حوطلها 10 الاف على طول .. بالفعل جبت ونصحنى بشل الترا وغيرت زيت وفلتر تانى بعد 300 كيلو من الزيت والفلتر الاول ..
المهندس هانى قالى صوت التكتكة دي ممكن يكون بسبب استخدام الزيت المعدنى .. الشل هيريح العربية .. بالفعل ريح العربية بس صوت التكتكة لسة موجود بس انخفض شوية بعد زيت شل وانا حاليا ماشي عليه حوالى 2000 كيلو ..
الغريب بقى
وانا بستلم الاوبترا 2014 بتاعة صديقي فتحت الكبوت عنده وسمعت صوت الماتور لقيت فيه برضه نفس التكتكة بالظبط بس صوتها اقل شوية عن عندي !!!!!!
فهل ده موضوع شائع في الاوبترا .. ولا انا عندي مشكلة في الحاجات المذكورة دي ؟؟!!
ولا صوت التكتكة واحد بس انا عشان معنديش عازل في الكبوت فانا حاسس ان الصوت عندي عالى شوية ..
مع العلم انى كنت عند المهندس هانى الاسبوع اللى فات وبغير زيت فتيس وحساس كرنك .. والفنى اللى معاه وهو بيغير الحساس قولتله انا حاسس ان صوت العربية عالى .. قالى يا باشا ده ممكن يكون فيها بلف او اتنين عايزين يتغيروا .. لكن مالهومش لازمة يتغيروا وتمشي بيها عادي بس هو الصوت اللى هيبقى عالى ..
طبعا انا حيران
التكتكة دي انا سمعتها في العربية الزيرو اللى مكملتش 34 كيلو بس بس بشكل اقل شوية من عربيتي 2008 عاملة 64500 كيلو .. معنى كدة ان الزيرو دي عايز هى كمان بلف او اتنين او طقم بلوف :) !!!!!!!!! :Copy of new:
لو حد يقدر يفيدنا يبقى جزاه الله خير او لو عنده اوبترا وفيها الملاحظات دي يطمنى الله يخليكوا .. عشان قربت اتجنن :Copy of new:
