عايز اخد رايكم فى اختيار شقه زواج

السلام عليكم ورحمه الله وبركاته

كنت عايز اخد اراء الاخوه الافاضل فى قرار مصيرى او بمعنى اصح حاجه صعبه القرار

انا عندى شقه تمليك قريبه من كوبري التجنيد ف جسر السويس

وقدامي شقه تانيه في مكان كويس جدا ف مصر الجديده

الشقه دى مساحتها كبيره ومكانها رائع...المطلوب فيها 200 الف جنيه وايجار رمزى كل شهر

بس طبعا مش هتبقي تمليك هتعتير ايجار لمده 60 سنه

انا بفكر جديا انى اخد الشقه دى وابيع شقتي التمليك

مش عارف القرار دة صح ولا غلط وايه الانسب لان دماغى بتلف..ناس قلتلي فرصه وناس قلتلي انت كده فى الهوا وملكش متوي لما تاخد الايجار دى

قرار صعب خاصة ان الشقه بتاعة مصر الجديده هتلاقيها فى عماره قديمه
لو تقدر تدفع ال 200 الف وتتفق مع صاحب البيت تقسط الباقى بحيث تبقى تمليك يبقى افضل

بعد ٦٠ سنه اولادك هيعملو ايه ولا انت ربنا يديك الصحه ساعتها هتكون حمل بهدله؟
لو هتبيع التمليك و تاخد دى يبقى تكون مخطط تشترى حاجه تمليك قسط على المدى الطويل غير كده مينفعش

نص العمى ولا العمى كله خليك في شقتك التمليك افضل وربنا ينعم عليك بشقه تانيه تمليك من غير اقساط ولا ايجار ولا حاجه وفي المكان اللي تحبه

يعني رايكم انى اتمسك بشقتى؟
الايجار 200 جنيه فقط
اصل بعد 60 سنه يامين يعيش....ممكن الواحد يسافر ويغير ويروح ويجي

بصراحة اختيار المنطقة مهم جدا لان الاماكن الشعبية بقت بصراحة صعبة والامن غايب

اقتباس:

---

المشاركة الأصلية كتبت بواسطة drcobra

بصراحة اختيار المنطقة مهم جدا لان الاماكن الشعبية بقت بصراحة صعبة والامن غايب

---

والله محتار جدا فى الموضوع ده فعلا

منطقه ابن الحكم مش وحشه للدرجه ولكن الشقه التانيه فى مكان افضل

قرار صعب جدا بصراحه تمليك ولا قانون قديم ذى التكليك برضوا بس متقدرش تبيعه او تيجى نحيته وبعد 60 سنه مش بتاعك


والله علشان ترتاج لو الفرق جوهرى توكل على الله بمعنى لو الشقه التمليك 100 متر مثلا والتانيه 170 متر او اكتر يبق تمام


لو المنطقه افضل كتير مش فرق بسيط يبق تمام

لو هتلاقى مكان لركنه العربيه بدون الخناق اليومى

لو هتلاقى جيرانك ناس محترمه

لو مفيش ورش تتمكن تعملك مشاكل وضوضاء


كل الحجات دى لازم تفكر فيها ولو لقيت ان فى مميزات كتير توكل على الله لو ملقتش فرق كبير يبق التمليك افضل

ممكن فى يوم وليلة القانون يتغير والايجار القديم يتغير
ممكن صاحب البيت يعملك مشاكل بعدين علشان يطلعك (بنسمع عن بلاوى بيعملوها او حد يشترى منهم البيت ويبقى عايز يطلعك)
حتى لو جيت تبيع الايجار مش حيجبلك مكسب كبير زى محضرتك متخيل
حضرتك بتقول يمين يعيش ممكن يكون فى المرحلة دى ولادك عايشين فى الشقة محدش يعرف

فى راىى خليك فى ملكك احسن ولو زودت شوية او زودت القسط ممكن تجيب حاجة فى المدت الجديد وحتضمن ان بعد كام سنة سعرها حيزيد

بصراحة انا شايف القرار بسيط
عصفور باليد خير من عشرة على الشجرة

طالما مفيش اى اسباب قهرية لترك شقتك
وصدقنى الفرص بتيجى كتير.. بس بلاش تبيع تمليك و تاخد ايجار

وبرده صلى استخارة .. وربنا يوفقك للخير

خلاص يارجاله

انا اتصلت حاليا بصاحب الشقه وقلتله اعفيني وخلاص

ان شاء الله يبقي ده قرار سليم

اقتباس:

---

المشاركة الأصلية كتبت بواسطة ahmad--ezzat

خلاص يارجاله

انا اتصلت حاليا بصاحب الشقه وقلتله اعفيني وخلاص

ان شاء الله يبقي ده قرار سليم

---

انت ذى اخويا علشان كدا بقولك انت اتسرعت مش معنى كدا ان قرارك غلط بس كان لازم تصلى استخاره قبل القرار

اقتباس:

---

المشاركة الأصلية كتبت بواسطة ahmad--ezzat

خلاص يارجاله

انا اتصلت حاليا بصاحب الشقه وقلتله اعفيني وخلاص

ان شاء الله يبقي ده قرار سليم

---

قرار سليم بإذن الله :3_3_102[1]:

اقتباس:

---

المشاركة الأصلية كتبت بواسطة احمد المصرى

انت ذى اخويا علشان كدا بقولك انت اتسرعت مش معنى كدا ان قرارك غلط بس كان لازم تصلى استخاره قبل القرار

---

والله ياباش ...زي منت شايف الاعضاء خوفوني جامد

والواحد ف البلد دي مش ناقص مصايب ومشاكل وشيل هم

الحمد لله علي كل شيء

فين فى مصر الجديده بالظبط يا باشا

ميدان هيليوبوليس

اقتباس:

---

المشاركة الأصلية كتبت بواسطة ahmad--ezzat

ميدان هيليوبوليس

---

اختيار صعب بصراحه بس مكان و جيران و هدوء لا يعوض

طبعا اللي عملتة صح لان قوانين الإيجار القديمة مسيرها تتغير

فرأي لو المنطقة فمصر الجديدة مميزة وتستحق
و البيت حالته كويسة واخيرا عملية الشراء مضمونة
لو ال 3 نقط دولا موجودين تبقي مصر الجديدة فرصة
لو لا وفي قلق فشئ بلاش وخليك فالمضمون احسن
والله اعلم

اقتباس:

---

المشاركة الأصلية كتبت بواسطة ahmad--ezzat

يعني رايكم انى اتمسك بشقتى؟
الايجار 200 جنيه فقط
اصل بعد 60 سنه يامين يعيش....ممكن الواحد يسافر ويغير ويروح ويجي

---

اقتباس:

---

المشاركة الأصلية كتبت بواسطة s o p h o s

فرأي لو المنطقة فمصر الجديدة مميزة وتستحق
و البيت حالته كويسة واخيرا عملية الشراء مضمونة
لو ال 3 نقط دولا موجودين تبقي مصر الجديدة فرصة
لو لا وفي قلق فشئ بلاش وخليك فالمضمون احسن
والله اعلم

---

الخلاصة
وخصوصا انه عملية الشراء تكون مضمونة خصوصا فى ايامنا دى

وان شاء الرحمن قرارك صائب وسليم

ياجماعه الشقه مش للبيععععععععععع
عشان الناس اللى بتبعاتلي

انا لو عامل اعلان محدش هيبعتلى كده :))))))))))

الشقه ليست للبيع ...كانت قدامى عن طريقه معرفه وخلاص

اقتباس:

---

المشاركة الأصلية كتبت بواسطة ahmad--ezzat

ياجماعه الشقه مش للبيععععععععععع
عشان الناس اللى بتبعاتلي

انا لو عامل اعلان محدش هيبعتلى كده :))))))))))

الشقه ليست للبيع ...كانت قدامى عن طريقه معرفه وخلاص

---

خلاص خلاص متزعلش
طب عرفنا من باب المعلومات المعرفه يعنى

اقتباس:

---

المشاركة الأصلية كتبت بواسطة abo yasso

خلاص خلاص متزعلش
طب عرفنا من باب المعلومات المعرفه يعنى

---

ياباشا انا مش زعلان ولا حاجه
انا بس كتبت على العام عشان الناس تعرف وميتعبوش نفسهم ويبعتولي على الخاص

فقط لا غير :3_3_102[1]:

خليك فى ملكك و لو كان اوضه فوق السطوح احسن من الايجار (ايا ما كان نوعو) محدش يضمن ظروف الناس و البلد ...