تحذير من التعامل مع مركز محمد عبداللة للتكيف بالمنصورة (شارع الأتوبيس )

طبعا قلت قبا ما اروح المصيف أظبط التكيف علشان الأولاد متتعزبش فى السفر خلال 5 ساعات فى الحر فسألت مين احن واحد بتاع تكيف الناس قالتلى على محمد عبداللة فى شارع الجمعية الأستهلاكية اللى فى شارع الأتوبيس .
1-المشكلة عندى فى التكيف انة لو شغلتة جوة البلد او فى الزحمة محسش بأى برودة والعربية بتسخن وتعدى 100 درجة فبضطر انى اطفى التكيف علشان اصلا مبيسقعش والسخونة بتزيد .
2- التكيف فى السفر وتكون السرعة متقلش عن 100كم بيلطف الجو بس مش بيسقع.

روحت للمركز قلتلة اللى فى العربية بالظبط علشان يقدر يشخص العطل صح وميسوحنيش معاة
قالى شغل العربية وقاس الشحن لقيتة بيقولى فية بلف كنترول داخل الكمبريسور عايز يتغير قام فكة وبعتنى لمحل اول الشارع وجبت البلف ب 100 جنية وركبة وحط زيت وشحن ودور العربية وشغل التكيف مفيش اى فرق قالى يبقى الأكسبنشن عايز يتغير فضى الشحنة وفك الأكسبنشن لقيت علية وسخ وبعتى للمحل اللى فى اول الشارع تانى جبت اكسبنشن ب 40 جنية مع ان القديم كان ممكن يتنضف ويركب تانى المهم ركب الأكسبنشن وشحن تانى واشغل التكيف مفيش اى فرق قلتلة انت كدة يعتبر معملتش حاجة فى التكيف علشان العربية ما زالت بتسخن والبرودة مش كويسة
قالى العربية دى مترسب زيت على المواسير من الداخل هتمشى بيها شوية فى السفر احد ما الزيت المترسب يفك وهتبرد معاك كويس قلتلة ماشى على اساس ان الراجل كويس والناس بتشكر فية وثقة
خلاصة التجربة دفعت مصنعية وشحن مرتين 250 بعد الفصال الأجمالى 390 جنية راحو فى التراب ومفيش اى فرق كلمتة قالى دة عربيتك محتاجة تغير فلتر درير ومش موجود عندى ابقى هاتة وانا اركبهولك وارجع اشحن تانى ومصنعية وياعالم هتبرد ولا لأ يعنى بيجرب مش بيعرف العيب فين
ومعلش على الأطالة

شكرا علي نقل التجربة

اعتقد ان المشكلة عندك هتبقى مروحة السربنتينة اما بتدور عكس او مش شغالة بكامل طاقتها

اتاكد ان المرواح شغالة تمام التمام و السربنتينة نضيفة و مفيهاش اى مشاكل و التلاجة نضيفة و فلاتر الهوا و مفيش تسريب او نقص شحنة

مستحيل تبقى العربية بتسخن مع التكييف و يبقى العيب شحنة و اكسبانشن و فلتر دراير و الكلام الخزعبلى ده

اما بخصوص اداء التكييف فاحتمال ممكن يبقى محتاج برضة يغير فلتر دراير و كان لازم يتغير قبل ما يشحن اول مره خالص و ميغرمكش

اعتقد ان الكومبروسر هو اللى كبسه ضعيف مدام البرودة قليله فى الزحمة وفى السفر

اقتباس:

---

المشاركة الأصلية كتبت بواسطة lamada

اعتقد ان المشكلة عندك هتبقى مروحة السربنتينة اما بتدور عكس او مش شغالة بكامل طاقتها

اتاكد ان المرواح شغالة تمام التمام و السربنتينة نضيفة و مفيهاش اى مشاكل و التلاجة نضيفة و فلاتر الهوا و مفيش تسريب او نقص شحنة

مستحيل تبقى العربية بتسخن مع التكييف و يبقى العيب شحنة و اكسبانشن و فلتر دراير و الكلام الخزعبلى ده

اما بخصوص اداء التكييف فاحتمال ممكن يبقى محتاج برضة يغير فلتر دراير و كان لازم يتغير قبل ما يشحن اول مره خالص و ميغرمكش

---

مبدئيا احنا عندنا مشكلة مالتالى
1-سخونة الموتور مع تشغيل التكيف ودى ممكن يكون فية اكتر من سبب كالتالى
*مروحة التبريد ودى شغالة و تدفق الهواء كويس والسرعتين شغالين
* دورة التبريد ودى كويسة ومتنضفة اكتر من مرة وعموما المشكلة مش من التبريد لأن العربية مش بتسخن فى العادى بدون تكيف.
* سخونة السربنتينة الخارجية اكتر من معدلها الطبيعى لو مش نضيفة وعليها تراب او الرييش معوجة ودى معنديش فيها مشكلة.
بس انا شايف ان الحرارة بتاع السربنينة هى اللى بتسخن العربية نتيجة ان دورة الفريون مكتومة بدليل انة فك الأكسبنشن وكان علية وسخ ويخلى تدفق الفريون داخل الأكسبنشن ضعيف نتيجة عدم فلترة دورة الفريون كويس والمسؤول عن القصة دى الفلتر دراير وكمان لو فية رطوبة فى الفريون او ماء السيلكا جل فى قلب الفلتر بتسحبها
ويخلى التبريد الداخلى ضعيف ويزود ضغط خط الفريون للخط العالى نتيجة وجود سدد ويسخن الفريون اكتر من اللازم .
*
http://nileup.com/up/uploads/nilemotors_14082747641.jpg
وبعدين المانيول بيقول ان الفلتر دراير يتغير لو لقيت الأكسبنشن مكتوم او التبريد ضعيف او الفلتر نفسة بيسرب وتقيس كمية الزيت اللى فية وتحط نفس الكمية فى الفلتر الجديد وتزود عليها 60cc وتحط شوية زيت على الأويل سيل قبل ما تركب الفلتر الجديد

وصلت لأيه يا برنس؟

رحت اشتريت فلتر دراير من عند الكيلانى فى القاهرة ب 280 جنية ورحتلة علشان يركبة وقلتلة انا مش عايز أرمى فلوس على الأرض على أساس انة عايز يغير كل مرة حاجة لحد ما تظبط معاة ويلاقى العيب بالصدفة قالى هشيك على حاجة قبل ما يركب الفلتر راح مفضى الشحنة وفك الخط الخارج من السربنتينة الخارجية وشغلت العربية وشغلت الكمبريسور ولقيت الأفندى بيقولى المشكلة فى السربنتينة فيها سدد داخلى هو اللى بيسخن العربية وبيكتم الفريون ومش بيخليها تبرد فطبعا رحت مديلة لفظ مش تمام علشان غرمنى 680 جنية مقابل سربنتينة تمنها 250 جنية . الحما...... مش عارف يشخص وعايز ياخد فلوس من الزبون وخلاص مش مهم عندة المشكلة تتحل المهم انة ياخد فلوس منك وخلاص

هل فيه اخبار جديده ولا لسه المشكله موجوده ؟
على فكره الاصح ان الفلتر دراير يتغير طالما الدوره بقالهافتره كتير مفتوحه

جبت سربنتينة استيراد من عزبة شلبى وركبتها وكبست هوا لمدة ساعتين على 200 psi , وبعدين رحتلة عايزين نكمل شغل . راح قايلى هات 1كجم فريون علشان الفريون اللى عندى خلص مع ان دى بتبقى استحالة ان الصنايعى يسيب الورشة من غير فريون المهم جبت 1كجم فريون 134 مصرى (اخوان رزق) ب 50 جنية وشحنلى العربية واتبقى فية ربع كيلو بينفع تزود العربية بية بعد كدة والحمد لله كلة تمام والتكيف كويس ومفيش سخونة

كل اللي عملته ده .. سبقتك وعملته في عربيتي الكرولا القديمة هنا في عمان .. طلعت روحي عشان المكيف وعملت كل ما تتخيله وغيرت الكمبريسور وطلعت السربنتينه ونظفناها وتغيير الدراير وال wal بتاع مدخل الثلاجة اللي ورا التابلوه وتكاليف ومصنعيات وشحن فريون ... الخلاصة المكيف لما بيفتح بقه ما بيتسدش .. وهناك وردات صغيرة تتحط بين الوصلات .. دي لو مش أصلية بتنشف وتسرب فريون كل 3-6 شهور .. الاصلية تمنها اضعاف اضعاف الورد السوداء الصيني

اقتباس:

---

المشاركة الأصلية كتبت بواسطة m_osman88

طبعا قلت قبا ما اروح المصيف أظبط التكيف علشان الأولاد متتعزبش فى السفر خلال 5 ساعات فى الحر فسألت مين احن واحد بتاع تكيف الناس قالتلى على محمد عبدالله فى شارع الجمعية الأستهلاكية اللى فى شارع الأتوبيس .
1-المشكلة عندى فى التكيف انة لو شغلتة جوة البلد او فى الزحمة محسش بأى برودة والعربية بتسخن وتعدى 100 درجة فبضطر انى اطفى التكيف علشان اصلا مبيسقعش والسخونة بتزيد .
2- التكيف فى السفر وتكون السرعة متقلش عن 100كم بيلطف الجو بس مش بيسقع.

روحت للمركز قلتلة اللى فى العربية بالظبط علشان يقدر يشخص العطل صح وميسوحنيش معاة
قالى شغل العربية وقاس الشحن لقيتة بيقولى فية بلف كنترول داخل الكمبريسور عايز يتغير قام فكة وبعتنى لمحل اول الشارع وجبت البلف ب 100 جنية وركبة وحط زيت وشحن ودور العربية وشغل التكيف مفيش اى فرق قالى يبقى الأكسبنشن عايز يتغير فضى الشحنة وفك الأكسبنشن لقيت علية وسخ وبعتى للمحل اللى فى اول الشارع تانى جبت اكسبنشن ب 40 جنية مع ان القديم كان ممكن يتنضف ويركب تانى المهم ركب الأكسبنشن وشحن تانى واشغل التكيف مفيش اى فرق قلتلة انت كدة يعتبر معملتش حاجة فى التكيف علشان العربية ما زالت بتسخن والبرودة مش كويسة
قالى العربية دى مترسب زيت على المواسير من الداخل هتمشى بيها شوية فى السفر احد ما الزيت المترسب يفك وهتبرد معاك كويس قلتلة ماشى على اساس ان الراجل كويس والناس بتشكر فية وثقة
خلاصة التجربة دفعت مصنعية وشحن مرتين 250 بعد الفصال الأجمالى 390 جنية راحو فى التراب ومفيش اى فرق كلمتة قالى دة عربيتك محتاجة تغير فلتر درير ومش موجود عندى ابقى هاتة وانا اركبهولك وارجع اشحن تانى ومصنعية وياعالم هتبرد ولا لأ يعنى بيجرب مش بيعرف العيب فين
ومعلش على الأطالة

---

المشكلة اللى سألته دا ماكنش يعرف ان الميكانيكي دا اى كلام

اقتباس:

---

المشاركة الأصلية كتبت بواسطة mif

المشكلة اللى سألته دا ماكنش يعرف ان الميكانيكي دا اى كلام

---

ممكن ترجمه للكلام مش فاهم ؟؟؟؟؟؟؟
ولا مش هانقولك!!!!!!!!!
المشكله اتحلت الحمدلله وماتقلقش انت كدا عمرت التكييف ودي حاجه كويسه اهم حاجه انه شغال بكفائه ومتنساش تشغله في الشتا على الاقل من 2 : 3 مرات في الاسبوع في الشتا كل مره 10دقايق او ربع ساعه عالاقل عشان تضمن كفائته