عرض للطباعة
بعيدا عن موضوع انقطاع الكهرباء اللى خلاص بقى عادة ربنا ما يقطعها
حد حصل عنده خسائر فى الأجهزة من الانقطاع دة ؟؟
والدى مرة قاعد فى امان الله ... لقى النور ضعف جامد و قوى جامد و هوووووووب قطع
النور جه بعد حوالى ساعتين و نص .... الخسائر .... 2 تكييف مش شغالين .... تليفزيون و ريسيفر مش شغالين ... براد شاى كهرباء مش شغال
الحاجات اتصلح فيوزات و بوردات بحوالى 500 جنيه بس تكييف منهم كان فى الضمان واتعمل ببلاش
حد اتعرض لحاجة زى دى ؟؟
حصلت عندي الحمد لله اللمبات قرفعت
والشارع اللي ورايا كان فيه انفجارات
والله الناس بتحكي ان البيوت كان بيطلع منها شرز وباظت تلاجات وغسالات وتلفزيونات ومكيفات ... الخ
انا لقيت الناس كلها متجمعة في الشارع وعمالة تصوت
عدد 3 تكييف اتنين اتصلحوا والتالت 3 حصان لسة البوردة معقدة
شيلوا الفيشة بعد النور ما يقطع
هشيل فيش البيت كله اما النور يقطع ؟؟ و طب اما يقطع و انا برة ؟؟اقتباس:
المشاركة الأصلية كتبت بواسطة الاستاذ
وبعدين انا قلت فى البوست ان النور ضعف جدا وبعدين قوى جدا وبعدين اتقطع والاستاذ اللى بعدى بيقول انه سمع انفجارات يعنى اوبشن الفيشة دة معتقدش انه ينفع
:T_thum1[1]::T_thum1[1]:
كلام منطقى !!!!!اقتباس:
المشاركة الأصلية كتبت بواسطة الاستاذ
بس فعلا اعمل كده على طول .. غسالة و ثلاجة و يب فريزر و 2 تكييف و تليفيزيون و تسجيل و ريسفر و كمبيوتر .. وغيره
طيب كام مرة فى اليوم .. اذا كانت الكهرباء بتقطع 5 مرات
طب لو كنت برة ااجر حد يعمل كده
طب لما النور يوطى او يعلى هلحق اشيل كل الفيش؟؟
المفروض الأجهزة الكهربائية فيها بروتكشن من الموضوع ده.
أنا اوتوماتيك اول ما النور يقطع لازم افصل مفاتيح التكييفات و اشيل فيشة التليفزيون و الريسيفر و طبعا لو الغسالة أو السخان شغالين. الحاجة الوحيدة اللي بسيبها التلاجة
لو برة البيت كدة كدة مفاتيح التكييف مفصولة و باقي الحاجة مش شغالة. لو الريسيفر مفيهوش زرار باور لازم الفيشة تتشال عشان الكهربا لما تييجي فجأة متحرقوش
بالنسبة للنور لو انخفض فجأة انا بأقفل التكييف فورا بالريموت لغاية لما الكهربا تثبت لو مقطعطش. انخفاض الكهربا مشكلة كبيرة على التكييف
للاسف ايوه و الكلام ده ايام الازمه السابقه
راح مني home theater فيليبس البورده بتاعته اتحرقت
و من ساعتها لما الكهربا بتقطع بجري اشيل فيشه المشترك اللي متوصل عليه الاجهزه
و بعمل كده قبل ما اخرج من البيت بالفعل و ان كنت احيانا كتير بنسي
اه طبعا أعمل كدة على طول. مش لازم تشيل كل الفيش المهم الباور يكون مقفول. يعني ميبقاش التليفزيون أو الريسيفر مثلا مقفولين من الريموت بس و واصلهم كهربا. و التكييف كذلك يبقى مقفول من المفتاح مش الريموتاقتباس:
المشاركة الأصلية كتبت بواسطة abd_el_7amid
بالنسبة لو خسيت ان الكهربا عليت او وطيت فجأة اقفل التكييف بسرعة من الريموت و بعدين افصل عنه الكهربا و كذلك الريسيفر. دول اكتر حاجتين يتخاف عليهم من الموضوع ده
لو حد الكهربا بتوطى و تعلى عنده باستمرار الافضل يركب مثبت تيار على لوحة الكهربا الاساسية للبيت
باظت عندى تلاجة نتيجة عودة التيار عالى
ثم مرة أخرى باظت شاشة ال سى دى نوع بلوتو من الهيئة العربية للتصنيع و معاها صاعق ناموس بلمبات أفقية (اللمبات اتحرقت)
الغريبة جدا إن عندى شاشة تانية سونى محصلهاش حاجة إنما الشاشة بتاعت بسكو مصر (قصدى تليمصر ) اتحرقت
جهازين كمبيوتر فصلوا بس اعتقد ان اللي باظ هو الباور سابلاي وهغيرهم في الجهازين لكن فيه شاشة محترمة باظت مش عارف بقي هينفع تتصلح واللا ربنا يعوض علينا فيها
عموماً قدر الله وما شاء فعل
تلفزيون كبير
وفى الشغل شهريا حد ادنى عشر الاف جنيه شهريا غير لاريهات بتتحرق كونتكترات ولمبات وكارتات كهربائيه
فيشة ايه و لا ايه و اشيلها امتي ؟قلبتوا علينا المواجع اليومية. احنا الحمد لله النور كان بيتقطع زمان مرة و بعدين مرتين و بيزيد لغاية ما وصل انه تقريبا كل ساعتين يقطع ساعة، و مساءا حيانا كل ساعة و نص مبيكملش ساعتين و يقطع. و حظي كتير لما بارجع من الشغل يكون قاطع فمفيش اسانسير. حاجة تقرف. انا بس اللي قدامي فيشة اللاب توب بشيلها. باظ قبل كدة عندي راوتر زعلت علية كان سيسكو و الحمد لله اشتريت غيره و ربنا يستر. مش عارفه لغاية امتي عيشة الفقر و القحط دي هتستمر. انا كنت مستحمله ساعة و لا ساعتين كفاية لكن بالشكل دة حاجة مستفزة
انا مريح دماغي و مركب ستبليزر 10 كيلو و مش مهم الكهربا تعلى توطي بيظبط مع نفسه
والاستبليزر ده تمنه كام وبيستحمل تكييفات ؟؟
تلاجة ايديال 20 قدم باظت اليوم وهتتكلف مش اقل من 400 جنيه
الاستليزر 10 كيلو يتكلف كام وصناعتة ايه لو سمحتو
لا الحمد لله
قفله في بورده الكومبيوتر
الباور سبلاي اتحرق
المروحه مش راضيه تشتغل
ربنا يخلي لينا الحكومه
وسعره كام يا باشا ؟اقتباس:
المشاركة الأصلية كتبت بواسطة adel.nasr
الحمد لله على نعمه ...
أنا الشقه عندي حصل ماس لما النور رجع !!!
أدى لحريق كبير !!!
خسائر فوق ال 80 الف جنيه !!!
الحمد لله لا خسائر بشرية ...
ربك المستعان ...
اللهم لا حول ولا قوة إلا بالله .... ربنا يعوض عليكاقتباس:
المشاركة الأصلية كتبت بواسطة Walid_M
تلاقيك مش بتشيل الفيشة :fdsa::fdsa:
سعر الاستبليزر 1800 و الصناعه صيني بس نضيف
اقتباس:
المشاركة الأصلية كتبت بواسطة ramymechanics
جزاك الله خيراً ... متشكر لحضرتك
الحريق لما حصل كان الأولاد نايمين ...
والنور قطع ورجع ووهما نايميين !!!
والحريق بدأ بالتلفزيون الكبير وابتدأ يسيح وينزل قطع منه على السجاد والستائر والتكييف .... الخ
والحمد لله على نعمه ...
موضوع شيل الفيش كويس لكنه موش عملي ...
انا النور عندي في طنطا بيقطع 5 مرات تقريباً كل مره من ساعه ونصف الى ساعتين وبقالنا في الهم ده شهرين ونصف !!!
يعني النور حيقطع ويرجع وانت موش موجود في البيت وممكن تكون نائم وخلافه ...
تحياتي