عاوز حل لعلبة الدريكسيون

**dr_omzy** · 13-08-2014 02:47 PM

عربية w123 معدل 200 فيها بوش جامد في علبة الدركسيون
ايه الحل عشان جربت الاستيراد ومعجبنيش
هل في حد بيصلح الاصلية ولا في علبة دركسيون جديدة؟؟؟

**cobraa** · 13-08-2014 04:12 PM

انا العلبة عندى كان فيها بوش محترم يجى 3 سنتى وغيرتها بواحدة استيراد يوم الجمعة اللى فاتت فيها بوش خفيف بس احسن طبعا من القديمة و هرجع للميكانيكى اخليه يحاول ياخد البوش اللى فيها
ثانيا انا كنت فاهم ان البوور بتاع ال200 زى الاسكترا فهمت لما سالت انه مش بالشعرة زى العربيات الباور الاسكترا

**yyy** · 13-08-2014 04:35 PM

المشاركة الأصلية كتبت بواسطة dr_omzy

عربية w123 معدل 200 فيها بوش جامد في علبة الدركسيون
ايه الحل عشان جربت الاستيراد ومعجبنيش
هل في حد بيصلح الاصلية ولا في علبة دركسيون جديدة؟؟؟

علبة جديدة استحالة اذا كان الاسبيراتير ما بينزلش جديد
بالنسبة للاستيراد لازم وانت بتشترى مسمار الرجلاش يبقى غطسان للاخر وميبقاش فى بوش ...كل ما المسمار كان ظاهر يبقى العلبة مبوشة
الاستيراد جبتها بكام؟؟؟؟

**dr_omzy** · 13-08-2014 09:13 PM

انا الي راكبة في العربية حاليا هي الاستيراد وكنت جايبها من اكتر من سنتين ب 500
الاخ copra انت جبتها بكام لو سمحت ومن عند مين؟

**yyy** · 14-08-2014 01:10 PM

المشاركة الأصلية كتبت بواسطة cobraa

انا العلبة عندى كان فيها بوش محترم يجى 3 سنتى وغيرتها بواحدة استيراد يوم الجمعة اللى فاتت فيها بوش خفيف بس احسن طبعا من القديمة و هرجع للميكانيكى اخليه يحاول ياخد البوش اللى فيها
ثانيا انا كنت فاهم ان البوور بتاع ال200 زى الاسكترا فهمت لما سالت انه مش بالشعرة زى العربيات الباور الاسكترا

ال 3 سم بوش مش كتير الكتالوج بيقول لغاية 2.5 سم ومش لازم البوش يبقى من العلبة بس بقيت العفشة تأثر....العلبة الاستيراد دى ما تلعبش فيها طالما فيها بوش غيرها لان حتى لو اخد البوش هايرجع تانى (بيبقى حل مؤقت)

**cobraa** · 14-08-2014 02:54 PM

البوش 3.5 سم كان بيضايقنى جدا بعد ما اعدى ال80 و خاصة فى الملفات و الحارات
اشتريت العلبة ب700 وفاصلنا فيها حاجة بسيطة لانها فيها بوش خفيف قوى و كبتها و الحمد لله فيه فرق و هروح بكرة باذن الله اشيك على العفشة لان العربية بتهبط جامد لما بيركب فيها 3 ورا و تكون محملة

**yyy** · 25-08-2014 02:47 AM

المشاركة الأصلية كتبت بواسطة cobraa

البوش 3.5 سم كان بيضايقنى جدا بعد ما اعدى ال80 و خاصة فى الملفات و الحارات
اشتريت العلبة ب700 وفاصلنا فيها حاجة بسيطة لانها فيها بوش خفيف قوى و كبتها و الحمد لله فيه فرق و هروح بكرة باذن الله اشيك على العفشة لان العربية بتهبط جامد لما بيركب فيها 3 ورا و تكون محملة

العربية تهبط لما تحمل دة عادى ولو مركبتش حد ورا بس محمل الشنطة بتريح بردة و خصوصا لو بالسوست الاصلية بتاعتها (16مم) فى ناس بتركب سوست 16.5مم وفى ناس بتركب 17مم بس دى بتعلى العربية اوى و بيبقى شكلها وحش

**MIZ0O0O0VIC** · 25-08-2014 11:59 AM

انا عندى فعلاً نفس المشكلة دى وروحت جبت علبة بعدين رحت للميكانيكى قلى مفيش مرسيدس قديمة مفهاش بوش وبص عل عفشة وقلى العفشة هى اللى ممكن تكون عمله المشكلة دى مش العلبة مع ان العلبة برضو فيها ريجلاش
بس فعلاً المشكلة عل سرعات الميللى فل دريكسيون بيخلى العربية تحدف مع انها وهى واقفة البوش ده ولا بيحرك العجل

**cobraa** · 28-08-2014 03:06 PM

العربية تهبط لما تحمل دة عادى ولو مركبتش حد ورا بس محمل الشنطة بتريح بردة و خصوصا لو بالسوست الاصلية بتاعتها (16مم) فى ناس بتركب سوست 16.5مم وفى ناس بتركب 17مم بس دى بتعلى العربية اوى و بيبقى شكلها وحش

اللى عملته انى كنت هركب سوست ال280 بس نصحونى انها بتدبب جامد ورا فقولت بلاش
خليت السوست بتاعتها و ركبت كاوتش 4 زونبة فرق فى سنتى ونص
و فيه حاجة كنت عاملها فى الانوس و كانت جايبة نتيجة كويسة كنت مركب صدادت فى المساعدين كانت بتخلى العربية معا الاحمال الحمل بيبقى مريح على الصدادة
قولت للميكانيكى و ركبهوملى
و غيرت كاوتش الكبالن لقيت فيهم ذوبان فى حتت معينة
هل w 123 يركب عليها جنط 16 او 17 اكيد هيرفع برضو شوية