ألف مبروك ياباشا
طيب المعارضة ديه بتتعمل ازاى ؟
وخدت وقت قد ايه ؟
عرض للطباعة
استاذ محمد
احب اقول لحضرتك و انا بطلع براءه الذمه لعربيتي ... لقيت مخالفه عكس اتجاه في محافظه ما ... معرفش فين علي الخريطه اصلا و لا عمري دخلتها اساسا ... عملت تظلم و لم يتم قبوله و دفعت من سكات عشان ابيع العربيه و اخلص
ربنا يرحمنا
أنا اشتريت عربية لأختي تتعلم عليها وركنتها في الجراج ورا عربيتي لغاية ما أفضى أعلمها ..... العربية أخدت مخالفة وهي في جراجي !!
فقط يحدث هذا في مصر
http://www.nilemotors.net/Nile/457109-a.html
ربنا يكرمك .. اجراءات المعارضة بسيطة بتروح المرور اللي انت تبعه (يعني المرور اللي بتجدد فيه رخصة العربية) وبتطلب انك تعمل معارضة على المخالفة ولو سألوك طب انت عملت تظلم في الدراسة قلهم عملت واترفض (كده كده التظلم بيترفض وبتطخ مشاور للدراسة على الفاضي وبتدفع رسوم اينعم هيه بسيطة لكن بتضيع وقت ومجهود كبير). وبعد ما بتقدم الاوراق المطلوبة اللي هيه الرخصة وصورة البطاقة الشخصية وبيقولوك على ورق من عندهم بتروح تصوره لهم وبتدفع رسوم حوالي 8 جنيه، بيحددولك ميعاد بعدها بشهر تقريباً في محكمة زينهم. بتروح في الميعاد المحدد وبتاخد معاك صورة البطاقة الشخصية وبتقول أسبابك المقنعة للقاضي. وبعدها بيومين أو ثلاثة بتروح الدراسة تكشف عن نتيجة المعارضة وإن شاء الله بتتقبل وبتتشال المخالفة. نقطة هامة انك طالما قدمت على معارضة يبقى لازم تحضر في ميعاد الجلسة وإلا بيعتبروا عدم حضورك إهانة للقضاة وبيثبيتوا المخالفة أو يزودوها كمان حسب ما يشوف القاضي.
على فكرة لما بتعمل المعارضة في نيابة المرور بيدولك تصريح مؤقت (رخصة مؤقتة) انك تمشي بالعربية لغاية ما المعارضة تنتهي ويتبت فيها.
أنا عملت تظلم واترفض لكن التظلم وحده لا يكفي .. لكني اصريت اكمل المشوار لاخره وعملت المعارضة وإن شاء الله بيبقى فيها كلام طالما بتقدم اسبابك المقنعة للقاضي. المعارضة غير التظلم ودايما في النيابة بيضللوك ويقولوك اعمل تظلم في الدراسة (مش اعمل معارضة) لان النيابة بتستفاد من قيمة المخالفة. والله أعلم.
انا كمان اسبوع رايح اجدد وخايف كتير من المخلفات الشرطة شغاله الله ينور وخده عاطل فى باطل
وعلشان الرخصه لسه اول سنه مش نزلت على النت ولا اتسجلت علشان كدة خايف اتصدم وانا فى المرور ربنا يستر
اما عن مخلفات عكس السير مفيش فيها تظلم
تترحل فى حاله واحدة اما تكون شارى العربية من شخص تانى والتاريخ قديم عن تاريخ الشراء غير كده هتدفع
وربنا على الظالم
كان عليا مخالفات 1500 سير عكس في عابدين و انا عمري ما روحت هناك اول ما شوفت موضوعك دخلت تاني لقيتهم بقوا 1650