المشاركة الأصلية كتبت بواسطة إنسانة
بس أنا رغم كل حاجة إتقالت مش قادرة أكمل بجد ومش بس لإني شايفة شخص في نهاية الأربعينات أمامي بكل مساوء السن
المشكلة كمان إني حاسة كمان بالإشمئزاز من الوضع كله
أنا كرهه إني أعيش معاه أكتر من كدا ومش معنى كدا إني بكرهه لشخصه بل العكس ليه عندي كل الإحترام والتقدير بس مش قادرة أستمر
أنا كلمته في الموضوع وحكيتله بصراحة وقلتله إنتا إنسان كويس جدا بس بجد فيه أمور مش قادرة أستمر بسببها
قالي الأمور دي كلها أنا عارفها
وكل كلامه بخوفني من وضع المطلقة في المجتمع والبنت هتتربى إزاي وهيحاول يسفرنا سياحة كل سنة وعايز نحاول يكون عندنا طفل أو طفلة تاني وهنسى لو بقي عندي أكتر من طفل
ومعظم كلامه وعود وحلول تسكينية لا تقترب من حل أي مشكلة
ودا إداني شعور إني عمري ماهقدر أوصله شعوري أفتكر هوا فاهم بس مش بيحاول يواجه المشكلة دايما بيتهرب من إني أتكلم معاه بجدية
مش عايز يحس إنه كبير وعنده بيت ومش عايز يتناقش ولا يقترب من الموضوع وكل كلامه عن تعويضات و ماديات
كان نفسي اقوله بكل صراحة معدش ينفع " keep your money, take it all away " بس مقدرتش أحرجه و أحسسه إن كل اللي قاله غير مجدي
انت كلمتيه بصراحه بس هو بيتهرب من الحقيقه دى وعايز يشغلك باى حاجه علشان تنسى وما تفكريش فى الانفصال
كان لازم تقوليله الجمله اللى كاتباها (معدش ينفع " keep your money, take it all away " ) ولو حتى تكتبيها فى ورقه وتديهاله يقراها وانتى معاه وما تخليهوش يفكر كتير علشان ما يبقاش تفكيره سلبى وعرفيه ايه شعورك بالظبط وايه الطريقه اللى هتنفصلى بيها عنه وخدى رأيه ومفيش احراج فى الكلام نهائى لانك اخدت خطوه مهمه فى علاقتكم وما تسيبيش الامور عايمه وحطى النقط على الحروف وواجهيه بكل هدوء
طلباتى : 1- انا ما ينفعش اكون زوجه تانيه
2- انا اتجوزتك وانا صغيره فى السن ودلوقتى
تفكيرى اتغير
3- مش عايزه اظلمك معايا واكون مقصره فى حقك
4- بنتى هتتربى معايا وهقدر ان شاء الله اعيشها
عيشه كويسه من شغلى
5- انا محتاجه انفصل لان الزواج قائم على المحبه
والراحه بين الطرفين ولو فى طرف مش سعيد
ومرتاح مع الآخر من حقه ينفصل عنه بدون اى
مشاكل او خلافات
بعد النقاش دا رغم إنه أول نقاش ينجح للآخر بهدوء وياخده بجدية إلا إنه طلب مني اسيب الشغل
وطلب مني أروح معاه نعمل ورقة التنازل عن الجنسية ونقدم ورق الجنسية السعودية
ومش فاهمة إيه الرابط بس قلتله إديني سبب مقنع لطلبك قالي هشوفلك شغل معايا , معاك فين مفيش إجابة !
هو افتكر ان فى حد فى الشغل عندك بيلعب فى دماغك او انك عايزه ترجعى بلدك وتبعدى عنه
ودا بسبب عدم قولك الحقيقه وانك ما عرفتيهوش ان طلبك هو الانفصال وانك مش مرتاحه معاه
انا قولتلك قبل كدا اوعى تتنازلى عن الجنسيه المصريه
ومعنى كلامه انه مش هيطلقك وهيخليكى معاه فى شغله علشان تكونى تحت عينيه ويراقبك
الحقى نفسك قبل ما الامور تطور اكتر من كدا
لانه مش هيسيبك بسهوله ولازم تحاولى تانى معاه
هو الكلام اللي قلته ماله ومال الشغل وأسمع كلامه ولا لا
لإني بجد مش لاقيه أي سبب لطلبه ومش قادرة افهمه