السلام عليكم و رحمة الله و بركاته
بالأمس نزلت أخدت العربية و كنت راكنها لمدة يوم كامل ....
و لأول مرة ألاقى العربية بتلتل ( بتنتش ) و هى ماشية ...
المهم بعد ركنت بصيت على البوجيهات و خلعت البوجيه التانى .... ما فيش حاجة حصلت للموتور ( دليل على
إنه قاطع )
أما عند خلع سلك البوجيه الثالث العربية تترج ثم تبطل ( جربتها ثلاث مرات ) ...و ده ماكنش بيحصل قبل كده ؟
فهل ديه مشكلة بوجيهات عايزة تتغير فقط أم ماذا؟؟؟
أنا بحاول أستنتج العيب كما تعلمنا من إخواننا القدامى و ذو الخبرة
و لكم جزيل الشكر
متابع
متابع ايضا
البوجية اللى مبيأثرش فى حركة وصوت الموتور عند فصلة يبقى قاطع ويجب استبداله البوجيه التى بفصله يؤثر على حركة الموتور يبقى بوجية شغال تمام**
والمشكلة اللى حضرتك بتشتقى منها اكيد بوجيهات**
وعاوز اقول لحضرتك خطر شديد جدا انك تمشى والعربية قاطعة بوجية دى بيقضى على الموتور سريعا ولا ودا ممكن يكسرلك الشكمان تخيل**
يبقى لابد ان يكون معاك مفتاح بوجيهات فى العربية وخلى معاك شوية بوجيهات قديمة صنفرها ونضفها وحليها احتياطى لى موقف تتعرض ليه فى الطريق**
لازم تغير بوجهيات مع السلك لاداء افضل
اقترح على حضرتك تغير طاقم البوجيهات كله بنوعية كويسه مش مضروبة وليكن ngk وتخلي الثلاثة اسبير فى العربية وتصنفر السن بتاعم ولابد يكون معاك مفتاح بوجيهات للطواري وبالمرة لازم تشيك على أسلاك البوجيهات والبلجات اللى بتركب علي البوجية
شكرا لكم إخوانى على مروركم الطيب و سرعة ردكم
إن شاء الله اليوم حغير طقم البوجيهات كله .... و سوف إخبركم بالنتيجة
طقم أسلاك البوجيهات .... هل فى نوع معين ممكن أجيبه
اقتباس:
المشاركة الأصلية كتبت بواسطة ayman616
أعتقد لو لقيت تشيكي يكون أفضل واللى بعدة التركي
متابع معك المشكلة وهشوف وصلت لحد فين بعد رد الزملاء
تقبل تحياتى
بعد ما تفك البوجيه عشان تغيره حاول تعرف ايه سبب القطع .. لو عليه زيت من عند الشمعة يبقى عندك تسريب زيت من الشمبر و ممكن يكون بس كربون و ده عايز ضبط هوا الكاربراتير اما لو حريقه كويس (لون الشمعة ذهبى) غيره من غير ما تشغل بالك
الحمد لله
تم اليوم الجمعة تغيير البوجيهات بالنوع الفرنساوى BERU ( بيرو )
و تم تجربة العربية ... بسم الله ماشاء الله ... الدنيا زى الفل
أحب أشكر كل إخوانى اللى شاركونى فى المشكلة .
و لكنى أخص بالشكر الإخوة الأفاضل ( أستاذ وليد aw2100 ) اللى ساعدى كتير بمكالمة تليفونيا و هو اللى رشح لى
نوع البوجيهات الفرنساوى
و أيضا الأستاذ محمد منسى ( المنسى ) .... اللى ماسابنيش من ساعة ما كتبت المشكلة و فضل متابع معى المشكلة
تليفونيا حتى شراء البضاعة و هو معى على التليفون .
و على فكرة من قبلهم كان الباشمهندس أحمد سيد و عم صبحى الله يبارك لهم
الف مبروك الاصلاح ربنا يديم العافية على فليشيتك**
بس برضو انا مصمم لابد ان يكون معاك مفتاح بيجيهات فى العربية وخلى مجموعة بوجيهات نضفها وصنفرها وخليها فى العربية للطوارئ لان من الخطر الشديد ان تمشى بالعربية وهى متلتة **
الله يبارك فيك يا عم صبحىاقتباس:
المشاركة الأصلية كتبت بواسطة sakr_skoda
أنا عملت بنصايحك و إشتريت مفتاح بوجيهات و أنا اللى غيرتها ... و محتفظ بالقديمة فى العربية لأن منها
اللى شغال ... عدا واحد فقط و رميته
على قد ما حقدر و بمساعتكم حتعامل مع مشكلى بنفسى لحد ما أبطل أروح لصنايعى
أنت لا تتخيل سعاتى لما أنا اللى غيرتها و ما لاجأت للبيه الميكانيكى و عرفت إنها بوجيهات من الأول
بفضل الله ثم الدورس و الشروحات فى المنتدى .
و نفس الشىء فى بعض أجزاء الكهربا
ربنا يخليكم لينا و يديم بيننا المحبة و العلاقات الطيبة
مبروك حل المشكلة وزى ما قلتلك البوجيهات تخليها احتياطى معاك فالعربية لحد ما ربنا يكرمك وتعمل طقم الشنبر
تقبل تحياتى
اقتباس:
المشاركة الأصلية كتبت بواسطة المنسي
اله ايه جاب سيرة الشنبر فى الموضوع دا؟؟؟ ثم احنا قلنا الموضوع الشنبر دا مشروع فاشل لأن الشمايز هى اللى بتبقى معتبة فبكد حيغير شمايز وشنبر والنتيجة طبعا غير مضمونه**
المشكلة يا عم صبحى ... إننى كنت بتكلم مع المنسى إن عندى مشكلة
و هى إن تانى بوجيه من ناحية اليمين معرق حاجة خفيفة قوى و فى نفس الوقت الصامولة تبعه ( أول صامولة فى
اليمين ) متعرق حواليها زيت .. لكن مش بتسيل ..
بالنسبة لحالة البوجيهات القديمة كانت كالتالى
التانى معرق من الداخل حوالين نفسه فى الجزء الأسفل تعريق خفيف
الثلاثة الأخرى ( 1-3-4 ) مهبب فى الجزء الأسفل و مفيش أى أثر لأى زيت و الحمد لله
فما رأيك ؟؟
بالراحة عليا ياعم صبحىاقتباس:
المشاركة الأصلية كتبت بواسطة sakr_skoda
الراجل كلمنى وقاللى ان عنده بوجيه معرق زيت وانا قلتله اللى المفروض يعمله وهو موجود ويرد ويقول انا قلتله ايه بما يرضى الله
وبعدين لما بوجيه يبقى معرق زيت المفروض فالحالة دى يعمل ايه
ياريت تبقى تشوف الموضوع اللى هانزله كمان شوية
تقبل تحياتى
كدا انا حاسس الموضوع فيه حاجة غلط يامنسى استعيذ بالله من الشيطان الرجيم واحنا هنا بنخدم بعض بدون سابق معرفة كله لوجه الله تعالى وانا رديت على ايمن بما كتبة هو ماجبش سيرة موضوع التعريق دا الا بعد ردى عليه ارجوك بلاش تفهمى غلك وياريت بلاش التحزب والتعصب الموضوع ميستهلش**اقتباس:
المشاركة الأصلية كتبت بواسطة المنسي
ايمن انا هنا برد على المكتوب وليس لى سابق معرفة بما حكيته تليفونيا مع الزميل منسى ياريت بقى تقولة يفهم الموضوع صح افتكر انا مغلطش لنى لم ارى قط كلمة بوجيه معرق الا فى تلك المشاركه معلش انتا سبب المشكلة حلها بقى يابطل ** علشان المنسى رد بعصبية وقال شوف الموضوع اللى جاى والاقى الموضوع بينسحب من تيم اسكودا ايه دخل دا فى دا؟؟؟؟؟؟؟؟اقتباس:
المشاركة الأصلية كتبت بواسطة ayman616
بالنسبة لموضوعك انا حسرد بالتفصيل المشكلة:
البوجيهات المهببه واعتقد ان جميعهم بيهبب ودا من ضبط الهواء فى الكربرتير ودا المسمار اللى غاطس فى جسم الكربتير اسفل الاكسرتير بالظبط اربط سنه كدا او سنتين وزود بنزين من الاكسرتير وبص على الجكمان فى دخان اسود يبقى ربط وراقب حتى ينتهى خروج الدخان الاسود دا اولا::::::
ثانيا البوجية اللى بيعرق زيت لو الزيت متكتل على شمعة البوجية (منطقة انطلاق الشرارة )يبقى شنبر ودا انا لا اظنة
لاكن لو الزيت على سن قلاوز البوجيه دا بيبقى عادى تسريب زيت من غطاء وش التاكيهات او وش الكستبينات وممكن برضو من وش السلندر لنك بتقول الصامولة وهيه 12 اللى ماسكة الوش فى بلوكة الموتور ممكن تحرق عليها شوية وعلى العموم دى مش مشكلة عادى جدا*
طيب حتقولى التكتل موجود على شمعة البوجيه والموضوع شنبر يبقى الحل انك تشترى كرسى بوجيه وتركبة وتمشى عادى جدا مافيش تاثير الى ان ينتهم عمر الموتور بهائيا اشترى شورط بلوك **
والسلام ختام**