الموضوع: محتار ما بين الـ Emegrand و الـ BYD L3 .. انهى الأفضل ؟

المشاركة الأصلية كتبت بواسطة raedegypt

امجراند تحالف سويدى فولفو مع جيلى الصينيه طبعا افضل .. العربيه فى منتهى الشياكه وافضل فئه سعريه فى مصر

فولفو مالهاش اى علاقة بالايمجراند على الاطلاق الايمجراند هى الصين بنسبة 100% والسويد ماتعرفش حاجة عن العربية دى.ولكن دا ما يعبهاش وانا شايف انها عربية كويسة.

بص ياباش بما انك هتركب صينى ( وده مش عيب طبعا لان كل حاجة بقت صينى ) يبقى تركب الحاجة اللى لما تعطل بيك تعرف تصلحها بسرعة سواء فى التوكيل او بره التوكيل يعنى لو العربية عطلت لاى سبب وروحت التوكيل ملقتش قطعة الغيار او حجزك بعد فترة لازم تتصرف وتجيبها من برة القصد من كلامى ان البى واى دى اف 3موتور لانسر ال 1600 سى سى القديم ودى اتوقف تصنيعها انما الجديدة سواء اف 3 او ال 3 بقت موتور هوندا سيتى والاتنين قطع غيارهم متوفرة وبكثرة .وكمان العفشة للتويوتا كورولا 2007 يعنى مش هتغلب فيها ده غير اصلا ان حاجاتها فى التوكيل رخيييييصة جدا والعربية اعتمادية بشكل كبير سحب وجرى وشد وثبات ( انا بتكلم على ال 1600 )وكل الاوبشن اللى انت محتاجه وسعر اعادة بيعها بقى افضل كتيير من قبل كده .
بالنسبة للشكل الامجراند شكلها افضل لكن ال ال 3 شكلها جميل برضه .
الوسع طبعا للامجراند بس بح انها مبالغ فيها جدا يعنى مش من السهل تلاقيلها ركنة فى زحمة الصبح انما البى واى دى واسعة ومعقولة جدا والصالون مستريح .
الخامات فى الصالون متهيالى واحدة فى الاتنين .
التقفيل متهيالى البى واى افضل .
الدهااااااااااااااااااااا اان طبعا البى واى دى لان الامجراند كانت مشهورة بالصدأ وتقريبا عالجوها .
وبصراحة الامجراند قريت ليها مشاركات هنا فى المنتدى عن صامولة فى عصاية الفتيس اتكسرت وصاحبها فك الفرش كله والميكانيكى لقى الصامولة بلاستيك واتقطمت وعمله واحده حديد عمولة وموضوع تانى عن ان الجنط بتاعها بيتكسر ( دى مواضيع هنا فى المنتدى عشان محدش يقول انى بتبلى عليها ) فحضرتك راجع موضوعات المنتدى للعربيتين وانت هتعرف تقرر (وفى النهاية انت سيد قرارك ).