المشاركة الأصلية كتبت بواسطة mostafa hassan
انا امبارح رفعت العربيه وعملت شويه حاجات
1- الشكمان خلاص ركب الكاوتش بتاعه زي ما الاستاذ منسي كان قال - بس الخبطه فضلت موجوده
2- لقيت ان قاعده الفتيس خارجه من مكانها بتاع 1 سم ففكيتها ودقيت عليها وركبتها تاني - بس الخبطه فضلت موجوده
3- ربطت شويه علي سلك الدبرياج زي ما عم صبحي قال - والحمد لهه الخبطه راحت بنسبه 75%
الحمد لله اربط كمان سنة علشان تنتهى بنسبة 100%**
في شويه حاجات انا لاحظتها وانا تحت العربيه :
1- لما رفعت العربيه وعشقت علي الاول وحاولت الف العجله بايدي لقيت انا قاعده شداد الموتور مش ماسكه عدل واعتقد ان القاعد ديه ضعيفه ومحتاجه تتغير علشان ( بس لسه مش عارف بتتغير ازاي)
علشان نحكم علىى القاعدة يبقى لازم نحاول نهز الموتور بجزبة من اعلى الى الداخل والى الخارج لو تحرك يبقى قاعدة شداد الموتور**
2- كنت مسكت الكوبلن بايدي وحاولت احركه لجوه وبره ، لاحظت انه بيتحرك كانه مش مربوط عدل ( مش عارف اذا كان حد فهم ايه اللي اقصده ولا لأ) هل كده الكوبلن في مشكله ولا لأ ولا في مشكله في تركيبه ( الكبالن كان الميكانيكي فكها لما كنت بغير الاسطوانه والديسك)
هو دا العادى يادرش البوش البسيط دا عادى جدا مافيش اى قلق منه**
3- لما حركت العجله من النص لجوه وبره لقيت انا البار بتاع علبه الدركسيون بيتحرك لجوه علبه الدركسيون وبره ( كان في عفشجي قالي من فتره ان فيه بوش في علبه الدركسيون) ولسه مش عارف احد قرار اعمل ايه اشتري جديد ولا استيراد ولا اعمل حشو
كدا يبقى انتا عندك جلدة المقص محتاجة الى تغيير الجلدة العريضة* وشوف الجلدة البلحة بالمرة واكشف على العجلتين***