مشكلة فى لانسر بومة ٢٠١٣

**احمد محمود ٧٧** · 14-08-2014 01:45 PM

السلام عليكم و رحمة الله

أرجو بإذن الله ان تفيدوني بخبراتكم فى حل هذه المشكلة

انا معايا لانسر بومة ٢٠١٣ اشترتها زيرو و حاليا عاملة ٢٣٠٠٠ كيلو .

المهم قبل العيد قولت اعمل صيانة العشرين فى التوكيل لأنى مسافر بها الساحل لقيت التوكيل زحمة جداا و اول معاد بعد العيد .

حتى لا أطيل عليكم انا كنت عايز أغير التيل الامامى لأنى من ساعة ما اشتريتها ما غيرتوش ، صديق لى قال لى اغيرة برة التوكيل عند ميكانيكى فى المنيل أسمة ( الشياطين الحمر ) المهم رحت علشان أنجز الموضوع قبل ما أسافر قال لى معندهوش التيل الاصلى و عنده التركى و قال انه ممتاز و تمنه ١٢٠ جنية ، قلتله ماشى .
المهم غيرة و ربطت العفشة و غيرت الزيوت فى توتال المعراج - زهراء ﺍﻟﻤﻌﺎﺩﻯ .

بعد كدة بقيت اسمع صوت غريب جداا عند العجلة الأمامية يمين ، صوت حديد بيخبط. فى بعضة عند المطبات الخفيفة فقط و مالوش علاقة بلف الدركسيون ، بالضبط زى ما يكون فية حاجة مفكوكة .

رحت لميكانيكى كان فاتح فى اول يوم العيد ( لان آلتانى كان طبعا قافل ) قام فك التيل اليمين قدام و بص علية و اطمأن على العفشة الأمامية و قال لى ان الصوت دة بسبب رداءة نوع التيل و نصحني اول ما ارجع أجيب الاصلى من دايموند و اركبة برة علشان دايموند لو شافوا التيل التركى هيخرجوا العربية من الضمان

اولا : أية رايكم فى العيب دة ؟

ثانيا :حد يعرف ميكانيكى محترم و عندة ضمير فى ﺍﻟﻤﻌﺎﺩﻯ او المنيل او القاهرة عامة يحل لى المشكلة دة

و جزاكم الله خيرا على النصيحة

**magdyelshikh** · 14-08-2014 06:43 PM

ده هتلاقية مش عيب فى التيل اكيد لما الميكانيكى خلع التيل القديم ركب الجديد من غير التيل اللى بتثبته على الطنبور وهتلاقى العيب ده فى العجلة اللى عمله صوت بس زى ما حضرتك شرحت يا ريت ترجع لنفس الميكانيكى ويدور على التيل اللى خلعها من التيل القديم ويرجع يركبها مع الجديد وان شاء الله كلة هيبقى تمام ....

**احمد محمود ٧٧** · 14-08-2014 06:47 PM

الف شكر على رد حضرتك ،،،،افهم من كلام حضرتك انه ما فيش ادعى اننى أشيل التيل دة و أحط الاصلى اليومين دول خاصة أننى ما مشيتشى به الا حوالي ٥٠٠ كم

**yahyayosef** · 15-08-2014 11:02 AM

هي عربية حضرتك فيها abs ولا مش فيها لو فيها ممكن يكون ده صوتة والله اعلم

**mohamedzian** · 15-08-2014 02:20 PM

انت غيرت التيل ليه اصلا التيل الاصلى ممكن يعدى التلاتين ؟؟؟؟

**Moataz Slaeh** · 15-08-2014 03:14 PM

انت شكلك من النوع اللي بيخاف علي العربيه ، انصط تروح مركز المتخصصون في السواح هما زي التوكيل وعندهم كل قطع الغيار

**limo** · 15-08-2014 03:37 PM

انا راى تغير التيل باصلى دلوقتى اولا امان ليك ثانيا الطنابير لسه جديده ثالثا كلام الميكانيكى صح فى ان التوكيل ممكن يتلكك بس لو هتلكك هتلكك على الطنابير بس واعتقد ان التيل والطنابير خارج الضمان بصراحه مش متاكد اوى
فيه المتخصصون فى الاميريه عندهم قطع غيار اصلى وممكن تجيبه من فرع دايموند المعادى وتركبه عن اى ميكانيكى

**dr_hady4447** · 15-08-2014 04:16 PM

المشاركة الأصلية كتبت بواسطة magdyelshikh

ده هتلاقية مش عيب فى التيل اكيد لما الميكانيكى خلع التيل القديم ركب الجديد من غير التيل اللى بتثبته على الطنبور وهتلاقى العيب ده فى العجلة اللى عمله صوت بس زى ما حضرتك شرحت يا ريت ترجع لنفس الميكانيكى ويدور على التيل اللى خلعها من التيل القديم ويرجع يركبها مع الجديد وان شاء الله كلة هيبقى تمام ....

عندى نفس مشكلته ومفهمتش حضرتك تقصد ايه

ممكن توضح اكتر

__________________________

اللهم صلى وسلم وبارك على سيدنا محمد

**denjouan83** · 17-08-2014 10:21 AM

7d 3ndo fekra 3n arkam markz elsyna f qalyoub bta3 wakeel Masrya

**MITSUKERO** · 17-08-2014 01:40 PM

غير التيل ده لانه هيبوظ الطنابير مع الوقت

المتخصصون الصفحة بتاعتهم اهه

https://www.facebook.com/elmota5asesoon2011?fref=ts

الموضوع: مشكلة فى لانسر بومة ٢٠١٣

LinkBack

أدوات الموضوع

عرض

-

-

المواضيع المتشابهه

مشكلة فى لانسر بومة 2007

مشكلة في لانسر بومة اوتوماتيك 2008

كيا سيراتو فئة sx ٢٠١٣ أم ميتسوبيشي لانسر شارك ٢٠١٣ أم مستسبشي لانسر بومة ٢٠١٣؟؟

مشكلة في تجميع لانسر بومة

مشكلة في سرعة لانسر بومة

الكلمات الدلالية لهذا الموضوع

المفضلات

المفضلات

ضوابط المشاركة