بعد إذنكم استشاره بس .. اشتري ألفا ولا لأ ؟! استفسارات

**Ahmed H Megane** · 14-08-2014 02:43 PM

انا طول عمري بركب ميجان وهي مشاكلها كتير اوي ..
بفكر اغير ل ألفا روميو في واحده قدامي 2006 علي 70 الف .. بس هي كوبيه وموتور 2200
وشكلها نضيف جدااااا .. ماشاء الله بس شوفتها بس ولا كشفت ولا حاجه .. دي صور مش اكتر.
قطع الغيار بقا ايه نظامها أغلي من الماجن ولا أقل ولا نفس الرينج ولو شويه تفاصيل عن الحاجت والصيانات تبقو ريحتوني :) وهل قطع الغيار موجوده ومش قليله.وهل مشاكلها كتير زي الميجان هتعضل في الشهر 3 او 4 مرات .. ولا هتريحني عشان انا مشاويري وشغل كتير بس داخل البلد بصراحه .. وموضوع ال2200 ده قلقني في البنزين :) ايه رأيكو بس انا مش عارف رقمها كام 146 ولا 155 ولا الحاجات دي مش عارف .. معلش هتعبكو معايا .. :)

**eng wael** · 14-08-2014 02:52 PM

بصراحه انا بقلق من العربيات الغير منتشرة فى موضوع قطع الغيار والصيانه واسعارها يعنى العربيه وارد جدا لا قدر الله يحصل فيها حاجه هتدوخ على قطع غيارها وممكن كمان تقرفك فى الصيانه واهم حاجه ان موضوع ان العربيه تانى يد بخاف منه لان الوحيد اللى يعرف تفاصيل اى عربيه هوا المالك الاول ليها
ده غير موضوع الموتور 2200 كتير جدا جدا
ممكن تكون العربيه كويسه ده اكيد ومحترمه بس ابعد عن الوش ووجع الدماغ ودى وجهه نظر وانت لك مطلق الحريه فى الاخر
تحياتى

**Ahmed H Megane** · 14-08-2014 02:53 PM

بعد اذنكم بس يا جماعه حد يرد بسرعه .. لحسن اتدبس عشان العربيه شكلها بيغريني :d
وخايف البس في الحيطه كفايه 4 سنين ميجان تعذيب :d

**Ahmed H Megane** · 14-08-2014 07:16 PM

المشاركة الأصلية كتبت بواسطة eng wael

بصراحه انا بقلق من العربيات الغير منتشرة فى موضوع قطع الغيار والصيانه واسعارها يعنى العربيه وارد جدا لا قدر الله يحصل فيها حاجه هتدوخ على قطع غيارها وممكن كمان تقرفك فى الصيانه واهم حاجه ان موضوع ان العربيه تانى يد بخاف منه لان الوحيد اللى يعرف تفاصيل اى عربيه هوا المالك الاول ليها
ده غير موضوع الموتور 2200 كتير جدا جدا
ممكن تكون العربيه كويسه ده اكيد ومحترمه بس ابعد عن الوش ووجع الدماغ ودى وجهه نظر وانت لك مطلق الحريه فى الاخر
تحياتى

مهندس وائل شكرا جدا علي ردك ونصيحتك بس انا لما سألت عرفت ان قطع غيارها موجوده عادي عرفت ان ليها ورش تصليح في كذا مكان ومعروفين .. بس بالنسبه للأسعار بقا ده الي نفسي اعرفه ..
بص انا كان معايا ميجان وكانت شوي في قطع الغيار شويه .. هي لو أعلى منها يبقا الموضوع ه اتقفل بالنسبالي :d لو اقل يبقا ربنا يسهل .. انا اكتر حاجه تانيه قلقاني فعلا موضوع البنزين ده :\
.. واخيرا شكرا لزوقك جدداا :)

**airac2002** · 14-08-2014 11:48 PM

استاذ احمد
اولا السيارة الالفا روميو سيارة محترمة جدا واما تسوقها تحس انك راكب عربية(ركوبة) والكلام دة مش مجرد كلام لاني كان معايا الي وقت قريب الفا 164 2000cc مو 1994 m/t
ثانيا بالنسبة لقطع الغيار فهي ستكون بإذن اللة متوفرة سواء كانت جديدة او استعمال وخاصة انها موديل بعد 2000وهناك مللك الفيات الكيلاني اللي في التوفيقية وممكن زيارة منك للكيلاني واسئلة علي كل حاجة عايز تعرفها وكلامة ثقة وانا مجرب وممكن يدلك علي مكان للصيانة وعندك للمستعمل محل كريستيان عند مستشفي الطاهرة واسعارة حلوة وكمان احمد الفا في الوكالة وغيرة ....ز
ثالثا: هناك مراكز صيانة متخصصة للالفا (نهاية طريق السندباد قبل مطلع الكوبري بجوار بنزينة موبيل - وفي واحد في شارع بور سعيد امام شادر السمك القديم وفي في امبابة واحد مشهور جدا اعتقد اسمة ماجد الفا وممكن تدور علي عنوانة في nilemotores وبالتوفييييق

**Ahmed H Megane** · 15-08-2014 02:52 PM

المشاركة الأصلية كتبت بواسطة airac2002

استاذ احمد
اولا السيارة الالفا روميو سيارة محترمة جدا واما تسوقها تحس انك راكب عربية(ركوبة) والكلام دة مش مجرد كلام لاني كان معايا الي وقت قريب الفا 164 2000cc مو 1994 m/t
ثانيا بالنسبة لقطع الغيار فهي ستكون بإذن الله متوفرة سواء كانت جديدة او استعمال وخاصة انها موديل بعد 2000وهناك مللك الفيات الكيلاني اللي في التوفيقية وممكن زيارة منك للكيلاني واسئلة علي كل حاجة عايز تعرفها وكلامة ثقة وانا مجرب وممكن يدلك علي مكان للصيانة وعندك للمستعمل محل كريستيان عند مستشفي الطاهرة واسعارة حلوة وكمان احمد الفا في الوكالة وغيرة ....ز
ثالثا: هناك مراكز صيانة متخصصة للالفا (نهاية طريق السندباد قبل مطلع الكوبري بجوار بنزينة موبيل - وفي واحد في شارع بور سعيد امام شادر السمك القديم وفي في امبابة واحد مشهور جدا اعتقد اسمة ماجد الفا وممكن تدور علي عنوانة في nilemotores وبالتوفييييق

تسلملي يا باشا علي نصيحتك ربنا يخليك . متشكر جددا والله ادتني امل برده :d ربنا يطمنك :d