طب معلش يا جماعة يعنى الساعة الاصلى تبدا من كام تقريبا و منين الواحد يعرف انها الاصلى غير سعرها يعنى مثلا هل فى حد بيبع ساعة على انها اصلى و هى كوبى؟
عرض للطباعة
BTC Baghdad trading centers مكان مضمون و انا اشتريت منه قبل كده. و بصفتي غاوي موضوع الساعات ده ياريت اقدر اساعدك و لو عندك اي استفسار قول.
ممكن تاخد جولة على المدونة بتاعتي كنت كتبت موضوع جديد عن الأصلي و الكوبي و الأوميج
History Never Dies, abo_hosni: ليه تشتري ساعة هاي كوبي، لما ممكن تشتري homage؟؟
و هتلاقي على المدونة مواضيع كتير عن بعض الساعات اللي عندي.
دور و اقرأ و قارن أسعار، وادفع 1000 في ساعة ولا تشتري ١٠ ساعات ب ١٠٠ . قرر و استقر و نشوف تشتري إيه و منين من مصر ولا من النت بتبقى في عروض أحسن من مصر كتير
للاسف امر صعب
ساعات ونظارات
اكتر حاجة بيتنصب عليه فيهم :(
للاسف مبفهمش فيهم
عموما شوف حد ثقة بيفهم فيهم وقولوا يشتريهالك
__________________________
اللهم صلى وسلم وبارك على سيدنا محمد
أشتري ساعة أوميجا ،، يمكن تبق رئيس زي السيس .
ايوة النصب كتير جدا. عشان كده لازم تتحرى كويس قبل ما تشتري.
و عشان تضيق الخيارات بتاعتك في الشراء جاوب على شوية أسئلة:
ميزانيتك كام؟
ستايل الساعة إيه casual, dress, pilot, diver, digital? هل عاجبك نوع معين ومش هتقدر تجيبه و عايز حاجة شبيهة؟
قطر الساعة و الحجم اللي يناسب إيدك كام مم؟
وظائف الساعة عايز تاريخ، يوم، كرونوجراف "عدادات يعني"، GMT, moon phase و غيرها
لون المينا و العقارب؟ عايز حاجة سهلة القراءة ولا ماتفرقش معاك؟
المكنة هل انت مهتم تكون mechanical اوتوماتيك أو ملو، ولا عايزها quartz بحجارة، ولا عايزها solar/eco drive ?
الفينيش بتاع جسم الساعة عايزه سيلفر ولا أسود ولا ذهبي، عايزه لميع ولا مطفي ولا خليط
الأستيك عايزه جلد ولا رابر ولا استانلس ستيل
الإزاز/الكريستال عايزه ضد الخدش ولا مش فارق؟
هتغطس بالساعة؟ :-)
لو وصل الموضوع إنك. عايز تجيب مكونات و أجزاء الساعة و نجمعها انا معاك برضه :-)
History Never Dies, abo_hosni: Time to modernize ساعة يد من صنعي، ماكينة سويسرية و جسم ألماني
دي مواضيع من منتدى ساعات ممكن من خلالها تعرف الناس بتلبس إيه اليومين دول و شوف إيه اللي يعجبك منهم
What are you wearing....right now!!
------~~~ WRUW August 2014~~~ -----
What Are You Wearing...Right Now!
توكيل كاسيو شركة كايرو تريدنج وعلي عناوينهم وفروعهم
Cairo Trading
وموقع كاسيو العالمي عليه عناوين كايرو تريدنج
الاخ الفاضل ابو حسني بما ان حضرتك ضليع في الساعات فاحب اسال حضرتك
ان في مجموعة ساعات من سيتيزن eco drive لأني بحب الاستايل الشبه سادة وهتلاقيها على امازون
سؤالي بخصوص النوع ده من الساعات الي بتعتمد على الضوء هل هي فعلا معمرة وسعة تخزينها للطاقة كافية انها تشتغل لوقت طويل في الضلمة
بمعنى لو هي الساعة شحنت طاقة ضوئية فتقدر تقعد شغالة في الضلمة قد ايه قبل نفاذ الشحن بتاعها
سؤال اخر الي اعرفه ان الطاقة الضوئية بتتخزن في بطارية، طيب هل البطارية دي مع مرور الوقت مش بتحتاج تتغير او تملح بالبلدي كدة وتفقد كفائتها في تخزين الطاقة الضوئية لوقت طويل
سؤال بقى بخصوص الشراء، انا هشتريها من امازون مباشرة بالكريديت كارد وهشحنها ليا عن طريق خدمة Border linux فعاوز اعرف الضرائب والجمارك عليها هتبقى في حدود كام علشان متفاجئش باسعار غبية في الاخر وشكرا لك