الموضوع: عاوز اشترى ساعة يد

المشاركة الأصلية كتبت بواسطة m7amd_7amdy

انا تصفحت على الموقع ده ولقيت مجموعة حلوة فى analog - men's

هنا

http://www.cairotrading.com/products.php?watch&sub=42

السؤال بقه

دلوقتى انا شوفت بعض الموديلات دى فى محل هنا والأسعار كانت من 250 لـ 1000 تقريبا

كاسيو وألبا

دلوقتى كده يبقى دول مضروبين؟؟ ولا أصلى؟؟ وأعرف ازاى؟

الأستاذ abo_hosni ايه رأيك؟:)

انا جبت ديه mrw-200h-1b2v
واقدر اقلك انها اصلي وجيه معاها ضمانها وعلبتها وكل حاجة

المشاركة الأصلية كتبت بواسطة cameeron

و اخيرا تحية بجد لبخبرتك فى االموضوع ده و الاهم انك استخدمت الامكانيات المتاحة للتعديل على الساعات القديمة و التقليدية علشان تعمل حاجة انت حاببها و يا ريت بجد كلنا نعمل كده

ايوة حضرتك اعرف النصب ازاى و اقل ساعة سويسرى اصلية مثلا ممكن تبدا من كام
النصب تعرفه بالتحري الشديد عن الموديل المعين اللي انت هتشتريه بفحص سمعة البائع و صور واضحة عن الساعة و تفاصيل معينة هتقارنها بالساعة الأصلي و تعرف، كل موديل و له مميزاته. و بعض الموديلات يتم تقليدها أكتر من غيرها.
أقل ساعة سويسري ممكن تجيبها على حسب ما شفت ممكن تجيب ساعة تيسو Tissot كلاسيك دريم بحوالي 1500جنيه شبه دي
TISSOT CLASSIC DREAM - T033.410.16.053.01 - Tissot Swiss Watches
ساعة basic و بسيطة و سويسري، ضد الخدش، قطرها 38مم تعتبر أصغر حجم في الرجالي



انا عاوز حاجة اقرب لانها تكون بيزنس بس دمها خفيف مش تقليدية قوى
البيزنس أو الكلاسيك بيسموه dress watch


انا باحب الساعة ذات الاقطار الكبيرة
شوف لو عايز تقارن بالصور اللي عندي، أنا مقاس إيدي أو قطر الرسغ عندي 6.5 إنش، الساعة اللي انا مجمعها قطرها 38مم ، الساعات البارنيس قطرها 43مم، الساعة Marina Militare قطرها 44مم.


الوظايف اللى جوة مش فارقة معايا كتير، دى من اهم الحاجات عاوزها حاجة سهلة للقراية وواضحة علشان انا نظرى ضعيف حبتين
شوف موديل أو صورة أي ساعة عاجباك و ندور على اللي انت عايزه

هو انهو الاحسن فيهم و اللى يعيش اكتر و عملى اكتر
لو عايز تريح بالك يبقى هات solar/ecodrive و تنسى الصيانة و البطارية، أو هات حاجة Quartz. الاتنين دول عمليين
لو انت غاوي بقى هات ساعة أوتوماتيك أو ملو بس دي لو عايز تحس إن معاك ساعة ليها روح :)


ياريت يكون اسود و لميع ما يجيرش بعد مدة
أسود ده بيبقى ستانلس ستيل مغطى بطبقة سوداء بتقنية بيسموها PVD. شكله حلو طبعاً

هو الجلد الاريح فى اللبس و الا الرابر
الجلد مريح جداً و أشيك حتى من الستانلس ستيل. أنا عندي لكل ساعة كذا أستيك جلد بأبدل بينهم. بس يكون نوع كويس و ده للأسف مش هتلاقيه في المحلات هنا.
الرابر ده حلو مع الساعات الديجيتال أو بعض الساعات التانية بيفضلوه عشان مش بيتأثر بالمياه أو العرق عكس الجلد
طبعاً أي ساعة ممكن تركب لها أستيك جلد أو ستانلس ستيل أو أي حاجة تانية يعني ده مش هيأثر قوي على قرار الشراء.


يا ريت ضد الخدش طبعا
ضد الخدش بيسموه Sapphire crystal و هتلاقيه في معظم الساعات السويسري ستاندرد. الإزاز العادي اسمه Mineral crystal زي إزاز الشبابيك عندك. في حاجات تانية بتبقى Acrylic زي البلاستيك. كل واحد له ميزة و عيب برضه. و ينفع تغير الإزاز بتاع أي ساعة و تحط أي نوع يعجبك. كله بالمقاس و كله بثمنه :)

المشاركة الأصلية كتبت بواسطة Amr_MO

سؤالي بخصوص النوع ده من الساعات الي بتعتمد على الضوء هل هي فعلا معمرة وسعة تخزينها للطاقة كافية انها تشتغل لوقت طويل في الضلمة
بمعنى لو هي الساعة شحنت طاقة ضوئية فتقدر تقعد شغالة في الضلمة قد ايه قبل نفاذ الشحن بتاعها

سؤال اخر الي اعرفه ان الطاقة الضوئية بتتخزن في بطارية، طيب هل البطارية دي مع مرور الوقت مش بتحتاج تتغير او تملح بالبلدي كدة وتفقد كفائتها في تخزين الطاقة الضوئية لوقت طويل

سؤال بقى بخصوص الشراء، انا هشتريها من امازون مباشرة بالكريديت كارد وهشحنها ليا عن طريق خدمة Border linux فعاوز اعرف الضرائب والجمارك عليها هتبقى في حدود كام علشان متفاجئش باسعار غبية في الاخر وشكرا لك

كل ساعة هتلاقي في المواصفات بتاعتها مدة الشحن حسب الضوء (هيقول لك ضوء النهار كام ساعة، ضوء لمبة صفراء كام ساعة إلح..) و هيقول لك بعد الشحن 100% هتقعد شغالة كام يوم لو سبتها في الضلمة (في الدرج يعني).
بالنسبة لعمرها متهيألي ما حدش اشتكى لحد دلوقتي و الموضوع ده بدأ من 15 سنة و أكتر مثلاً. و شو ف حسب الكلام الرسمي يتوقعوا أكتر من 20 سنة Eco-Drive - Wikipedia, the free encyclopedia
أنا شخصياً أتوقع تعيش أكتر من كده قبل ما تحتاج تغير حجارة.
لو هتشتري من أمازون و تشحن عن طريق برودر لينكس يبقى هتحاسب أمازون على الشحن لأمريكا (غالبا مجاني) و هتحسب أجرة بوردرلينكس حسب السعر و الوزن و النوع "wristwatch" من موقعهم هنا Borderlinx: Calculate international shipping, tax & duties prices
مشكلتهم إنهم بيزودوا في الفلوس شوية أو شويتين :)
لو استقريت على موديل معين عرفني، ممكن نلاقيه في مكان تاني موثوق يكون بيشحن لمصر مباشرة و كده هيوفر عليك

المشاركة الأصلية كتبت بواسطة M7amD_7amDy

انا تصفحت على الموقع ده ولقيت مجموعة حلوة فى ANALOG - MEN'S

هنا

http://www.cairotrading.com/products.php?watch&sub=42

السؤال بقه

دلوقتى انا شوفت بعض الموديلات دى فى محل هنا والأسعار كانت من 250 لـ 1000 تقريبا

كاسيو وألبا

دلوقتى كده يبقى دول مضروبين؟؟ ولا أصلى؟؟ وأعرف ازاى؟

الأستاذ abo_hosni ايه رأيك؟:)

رأيي اشتري من توكيل مضمون بلاش محلات عادية في مصر.

المشاركة الأصلية كتبت بواسطة M7amD_7amDy

مبروك عليك ياباشا

جبتها منين وبكام؟؟ :)

وبقية الموديلات أكيد انت شوفتها وانت بتشترى كان السعر من كام لـ كام ؟؟

الله يبارك فيك انا كنت عايز الساعة تجيلي البيت فطلبتها من موقع jumia في مصر وكان عليها عرض وكانت ب175 جنيه وفي المحلات كانت ب200 ج ودفعت خدمة توصيل 15 جنيه...بس مشكلة المحلات معايا انه ممكن تكون الساعة اتفتحت ويجيبلي علبة ويحطهالي فيها(عايز اكون اول واحد يفتحها) بس مش شرط ده يحصل وممكن يكون عنده منها كميات وفتح بس اللي في العرض..
ديه الساعة

مبدئيا التلات ساعات ليهم نفس الوظيفة و فيهم نفس المكنة التلاتة إزاز عادي mineral. طيب إيه الفروق بقى.
الساعة الثالثة أحسن جماليا من حيث التفاصيل اللي في المينا شوف الفيديو و الصور هتحس إن المينا بتاع الساعة الأولى و الثانية flat مسطح مقارنة بالثالثة.
�ڳ�ŷ�Ծ��ۡڥ��������� ���� (CASIO MTP-1327D-1A1VDF) [�¹�͢��������] �ڤ������б��� [��]���峤�䲰
bright | Rakuten Global Market: CASIO/EDIFICE men watch black clockface metal belt EF-131D-1A1V foreign countries model

الحجم الساعة التالتة قطرها ٤٥مم بينما الاتنين التانيين ٤٣.٥مم + الإطار bezel في التالتة ارفع من التانيين. العقارب أتخن . كل ده هيخلي شكل الساعة التالتة اكبر و المينا أوسع.

ملحوظة تانية بالنسبة للحجم. الساعة السوداء بتديك إيحاء إنها أصغر من الساعة البيضاء حتى لو الاتنين نفس الموديل و المقاس.




بالنسبة للأستيك:
الرابر ده كويس مافيش مشاكل منه. و لو زهقت هات واحد جلد او ستانلس ستيل، مش شرط نفس شكل الأصلي
- نقطة قاتلة بالنسبة لي في الساعة الأولى و ممكن سبب إني ماشتريهاش إن الأستيك "رخيص" وده يبان في نقطتين. أولا اللينكات بتاعته عبارة عن folded steel و ليست مصمتة solid يعني، ثانيا آخر لينك اللي بتركب ناحية الساعة end link هتلاقيها مفرغة. ده واضح في الصورة دي



أستيك الساعة التالتة هتلاقي اللينكات كلها مصمتة solid و اللينكات الأخيرة كمان solid end links هيبان في صور الريفيو اللي فات

فرق أخير مقاومة الماء حتى عمق ٥٠ ولا ١٠٠ متر مش هتفرق طالما الشاكوش crown بتاع الاتنين "شد" pull و ليس قلاووظ screw down.

مكان الشراء بقى خليك في سوق ٨٠٠ جنيه حلو. ولو شكيت فيها عندك حق ترجعها وتاخد فلوسك. و ممكن قبل ما تشتري تراسل البائع اللي عارضها على سوق و تسأله أو تطلب صور تانية يبعتهالك قبل ما تشتري..

موقع نفسك مضمون جدا من حيث إنه يبيع أصلي لكن حظك بقى مش موجودة عليه.
باقي المواقع ما جربتهاش


https://youtube.com/watch?v=L00rhvl8NiA