اقتباس:
المشاركة الأصلية كتبت بواسطة zorg
متابع بس عندى سؤال ايه اللى لفت نظرك فى دولة زى تنزانيا
راجع رد العضو الفاضل mustafavet
اقتباس:
المشاركة الأصلية كتبت بواسطة mustafavet
السلام عليكم
تنزانيا بلد جميلة جدا في كل حاجه
الجو اكتير من ممتاز ما عدا شهر واحد واثنين (حر مع رطوبه عاليه)
التعليم هناك مستواه علي حسب فلوسك زي مصر - المدارس الانترناشيونال فوق الممتازة
لكن حتي التعليم ف المدارس الحكومي والجامعات بالانجليزي فقط
كل موظفين الحكومة هناك مستواهم عالي جدا لان خريجين الجامعه بيدوهم عربيات وشقق مجانا بعد التخرج وبيتكلموا انجليزي ممتاز
لغه تنزانيا سواحيلي وهو في الاصل عربي محرف بدات بتغيير كتباه الجروف من عربي لانجليزي (زي ما حانا بنعمل حاليا) وانتهت باختفاء اللغه العربيه نهايا ... السواحيلي مثل الفرانكو اللي بنستخدمه في ال chat احيانا
فسهل جدا تتعلمها يعني اتفضل مثلا يعني اتفضلي ... اتفضلي يعني please علي حسب ترجمه google- شكرا يعني احسنتي - اذيك يعني هباري تحريف ل شخبارك - سمك يعني سمكي - ميه يعني ميه - سبعة يعني سابا - وهكذا
انا مدروتش علي فرص عمل هناك لان انا كنت مسافر تبع شغلي لكن ليا اثنين اصدقاي من كولومبيا (خريجين تجارة) وكانوا جايين تنزانيا مرافقين لقوا شغل خلال شهر واستلموا عربيات وشقق من الشركه اللي اشتغلوا فيها وحاليا بكلمهم مرتاحين جدا هناك ومش ناويين يرجعوا ... صحابك دول كانوا رايحيين دار السلام ؟ و الكلام ده سنه كام ؟
البلد مفتوحة للاجانب بمعني الكلمة فهتروح مثلا دار السلام هتلاقي هنود وصينين وايرانيين وباكستانيين تقريبا بنفس عدد الافارقة ... علي حسب موقع ال CIA وجدت ان 1% من السكان من الاوروبيين و الاسيويين و العرب ... هل الاوروبيين و الامريكيين مثلا متواجدين بكثره في دار السلام ؟ و حضرتك ذكرت من قبل ان هناك اسرائليين كتير هناك
للعلم دار السلام مش العاصمة - العاصة هي دودما في الشمال لكن في مدن كبيرة تانيه زي مومباسا وزنزبار ... مومباسا اعتقد انها في كينيا و ليست في تنزانيا
زنزبار - من اجمل بقاع الكون والله - اسمها الحقيقي زنج بار اوالجمعة 19 شوال 1435 بر الزنوج وزي ما انتم شايفين تحريف للاسم لا اكثر ... يعني في فرص عمل في السياحه في زنزبار كما في دار السلام ؟ و هل في غربيين في زنزبار مثل دار السلام ؟
99 % من سكانها مسلمين متشددين ( مع اني برفض كلمه تشدد) وسياحة طول السنه - علشان كدا انا بفضل تتدور علي اي شغل يرتبط بالسياحة في اول فتره لحد ما تستقر - وتعتبر جزيرة منفصلة عن تنجانيقا (الجزر الثاني من تنزانيا اللي فيه العاصمة ومدينة دار السلام) لكنها بتخضع للدوله ف كل حاجة
الناس هناك طيبين جداااا وبشوشين واتحداك انك تلاقي 2 بيتخانقوا - نادرا لما تشوفها ... الكل بيشكر في اخلاق الافريقيين العاليه
نسبة الامان ف البلد عاليه جدا - انا كنت بمشي في الشارع 2 بالليل ومفيش مشكلة
لكن خلي بالك ان في تقارير من السفارة البريطانيه بتحذر مواطنيها من الخروج ف وقت متاخر بعد الساعه 12 بالليل ومن رايي تاخد التحذير دا ف الاعتبار علي الاقل في الفترة الاولي من سفرك
هتسافر حضرتك طيران مباشر مصر للطيران علي دار السلام تقريبا حوالي 4 ساعات سفر - في القطرية والاماراتي بيعملوا رحلات برده كتير بس ترانزيت ف قطر او دبي ... هل يوجد لدي حضرتك عن اسعار التذاكر ؟ او حتي link لموضوع الاسعار ده
الفيزا هتاخدها من المطار هناك ان شاء الله ب 50 دولار لمدة 3 شهور ... بتبقي ب 100 دولار لو هتروح لكينيا كمان و يفضل تاخدها من السفاره قبل السفر
تكون لاقيت شغل فتعمل اقامة لمدة سنه
بعدها تقدم علي الجنسية - بس في شرط للاسف التنازل عن جنسيتك بس ممكن تعمل زي الهنود هناك بيضربوا ورق وبياخدوا الجنسية وبيحتفظوا بجنسيتهم عادي ... ازاي الموضوع ده ؟
تنزانيا جنة بمعني ان مفيش صحراء حتي ولو فدان واحد - لو ربنا كرمك واشتريت ارض هناك او مجزر هتعمل فلوس بالهبل
العربيات هناك موديلات عاليه جدا ومعظمها وارد اليابان - لكن المشكله هناك هي السواقة راعلي اليمين
هما هناك بقي بيعملوا ايه - بيشتري عربيه مستعمله ياباني استعمال سنه وبيشحنها ويدفعلها جمارك ... ازاي ؟ اصلي شوفت websites بتتكلم عن شراء سيارات stock من اليابان و هما بيتعاملوا في كل شئ بس لا اعلم كيفيه الدفع ... هل عن طريق الفيزا ام ماذا ؟
واحدة زميلتي عملت الموضوع دا و اشترت عربيه تيوتا استعمال سنه ب 15 الف مصري ... الكلام ده سنه كام ؟
الاكل هناك لازم تعرف الاسواق الشعبيه علشان تجيب حاجه سعرها كويس ... النصيحه من منتدي britishexpats.com انك تاكل فواكه مش محتاجه تتغسل زي الموز و البابايا و المانجو ... اكل رخيص و امن
انا كنت بجيب معزة كامله - صغيرة السن - من الجزار كانت بتكلفني 100 جنيه - ومتتخضش من الرقم - بس بتاخد وقت شويه في السوا
بالنسبة للصحة - المستشفيات هناك ف النظافة اعلي من مصر بمراحل لكن ف الكفاءات لسه علي قدهم - لكن في دكاترة هناك كنديين وانجليز بس سعرهم عالي حبتين
كونك ابيض ومن منطقة الشرق الاوسط ومسلم وبتتكلم العربية دا ميزه كبيره هناك في مجال السياحة(لان في عرب كتير بيروحوا ومش بيعرفوا يتعاملوا معاهم) ابيض بالنسبه ليهم ؟ و الكلام ده في دار السلام فقط ام في زنزبار ايضا ؟ وتكوين علاقات فحاول تستغلها - لكن اوعي اوعي تفكر هناك بطبقيه او عنصرية
المشاكل الصحيه: الايدز منتشر - فطالما انت ماشي كويس ان شاء الله كله هيبقي تمام
الملاريا - عادة مفيش نموس هناك فحاول تسكن ف مكان نضيف علشان الناموس وتجيب ناموسيه احتياط
التيفود - خلي بالك متشربش ميه الحنفيه علي الاطلاق لكن ممكن تستخدمها ف الاستحمام والوضوء ... حضرتك ذكرت من قبل ان ممكن تغليها مره او مرتين و علي منتدي britishexpats.com بينصحوا بعدم استخدام ميه الحنفيه حتي في غسيل الاسنان
والافضل من كل دا انك تاخد التطيعم الافريقي - بتاخده من نفس المكاتب بتاع تطعيم الحجاج وبيدوك شهاده صفراء - احتفظ بيها لانها مهمه جدا لدخول مصر عند العودة
العلاقات هناك نفس النمط الغربي الا المسلمين بيحتفظوا بالطابع الاسلامي في الزواج
انا حاولت اكتب اي حاجه افتكرها فمعلش هتلاقي الكلام مش مرتب
وبالتوفيق ان شاء الله
شكرا جزيلا علي رد حضرتك الوافي و رجو الاجابه علي باقي اسئلتي للافاده العامه
شكرا مره اخري