هاتباركولي والا بلاش حجزت فلوانس خليجي لون موكا

**elostaz13** · 14-08-2014 03:22 PM

انا الحمد لله حجزت خلاص فلوانس 2014 خليجي لاني عايش الكويت الفئة الثاني اللون موكا مواصفات العربية

1- رنجات الومنيوم 16
2- كشافات ضباب مستديرة
3- مثبت ومحدد سرعة
4- ازرار تحكم في الكاسيت+ بلوتوث
5- كنبة خلفية قابلة للطي + مسند خلفي
6- زجاج امامي للسائق والراكب وان تاتش
7- سنترال لوك مع تحرك العربية
8- فرامل abs + ebd + ba
9- 2 وسائد هواء امامية
انا مقتنع بالعربية كقيمة مقابل سعرها حابب اعرف رايكم لاني هانزلها مصر خلال اربع سنوات العربية بس مختلفة عن الفيس لفت في شكل شبك التهوية الامامي عشان الحرارة هنا الشبك ااكبر والاكصدام شكله مختلف بس ااعتقد انها نفس الفيس لفت 2014 لان الموتور مكتوب عليه نيسان +رينو و كمان الفتيس xtronic cvt من نيسان والتكييف نيسان فلو ممكن حد من ملاك الفيس لفت يقولي الموتور عنده مكتوب عليه رينو – نيسان عند بوابة الهواء من فوق والا مكتوب نيسان بس قبل ما استلم العربية عشان قطع الغيار وتفتكرو ممكن الاكصدام للفيس لفت هايركب عليها لما انزل مصر لو لاقدر الله حصل حادث انا عرفت انه بيركب على الشكل القديم فاعتقد يركب على الخليجي لان ابعاد العربية ومواصفاتها تقريبا واحدة الاختلاف في الاوبشن والمقدمة للشبك وشعار رينو رايكم ايه
ومحدش يقول هات كورولا الجديدة لان اللي هنا غير مصر فتيس اربعة غيار وعفشة مختلفة لانها تقفيل تايوان مش تركي وكمان ااقل مواصفات اغلى من الفلوانس 20000 والانسر شايلين منها كل مواصفات الامان نازلة في الفل فقط ودي جمركها ناااار
صور الفلوانس الخليجي في موضوع سابق ليا وشكرا للاعضاء الكرام

**DODGE2013** · 14-08-2014 04:31 PM

ياراجل في الكويت وجبت رينو طاب هات كرولا 1.6 كان احسن وتستحمل الحر هناك

ده الرينو في الخليج مفيش سنه وتلاقيه طلع عينه وسعره طاح في الارض يا معود d:

عموما مبروك ويديك خيرها ويكفيك شرها

**yasser100** · 14-08-2014 04:39 PM

مبروك و هاتعجبك انشاء الله و يكون اختيارك فى محله :)

**elostaz13** · 14-08-2014 05:14 PM

المشاركة الأصلية كتبت بواسطة yasser100

مبروك و هاتعجبك إن شاء الله و يكون اختيارك فى محله :)

استاذ ياسر ممكن تفدني في موضوع الموتور الفيس لفت في مصر مكتوب عليه نيسان بس والا رينو - نيسان ومكتوبة فين بالظبط عشان اتاكد اللي هنا نفس قطع غيار الفيس لفت والا بلاش اجبها عشان هنزل بيها مصر

**yasser100** · 14-08-2014 05:19 PM

المشاركة الأصلية كتبت بواسطة elostaz13

استاذ ياسر ممكن تفدني في موضوع الموتور الفيس لفت في مصر مكتوب عليه نيسان بس والا رينو - نيسان ومكتوبة فين بالظبط عشان اتاكد اللي هنا نفس قطع غيار الفيس لفت والا بلاش اجبها عشان هنزل بيها مصر

الموتور مكتوب عليه نيسان رينو برضه . على قطعه معدن عند اخر حوض الموتور من فوق . ما تقلقش

**elostaz13** · 14-08-2014 05:21 PM

[QUOTE=DODGE2013;3875707059]ياراجل في الكويت وجبت رينو طاب هات كرولا 1.6 كان احسن وتستحمل الحر هناك

ده الرينو في الخليج مفيش سنه وتلاقيه طلع عينه وسعره طاح في الارض يا معود d:

عموما مبروك ويديك خيرها ويكفيك شره

ياعني رايك اجيب الكورولا ااقل مواصفات والفتيس القديم اربع غيارات وعفشة مختلفة عن مصر وادفع كمان حوالي 20 الف جنيه زيادة
وبعدين حضرتك بتقول الرينو مش هاتستحمل هنا سنة ااكيد الكلام دا ؟؟؟ ااكيد الكلام دا حتى بعد منزل فيها موتور وفتيس وتكييف نيسان والا دا كلام بناء على السمع بتاع الرينو تكييفه ضعيف وقطع غياره نااار على فكرة انا سألت على قطع الغيار بتاعت الفلوانس طلعت ااقل من الكوروولا ومن نيسان سنترا وبارقام كبيرة

**Batman372** · 14-08-2014 05:22 PM

١٠٠٠ مبروك ... ربنا يباركلك فيها ...
تحياتى ...

**elostaz13** · 14-08-2014 05:33 PM

الله يبارك فيكم جميعا انا عارف ان الموضوع في قسم رينو وان في ناس جربت العربية فلو حد منهم معاه النسخة الخليجي ياريت يقولي اخبارها ايه معاه تكييف وهل ظهر اي مشاكل فيها اما اعضاء مصر رايكم الاكصدام بتاع الفيس لفت هايركب عليها والا ايه انا هاستلم خلال 3 ايام فياريت محدش يبخل عليا بتجربته قبل الاستلا