انا بفكر انتحر ... اة والله

**3abdo.it** · 14-08-2014 03:29 PM

انا مش عارف ابتدى منين بجد انا شب 27 سنة وبقيت انسان مدمر نفسيااااااا وجسمانيا وصحيا

طول عمرى وانا ضعيف اصلا وزنى 55

عمرى متعبت تعب جامد ولا كان بيجيلى مغص ولا ترجيع ولا الكلام دا خالص

لحد الشهر الكئيب شهر اتنين سنة 2013

كلت اكلة من الشارع روحت نمت

قومت تانى يوم ترجيع و مغص لمدة اربع ايام وتركيب محاليل والذى منة لحد مفوقت قولت خلاص بقيت كويس

بعيد عنكم لحد النهردة كل يوم الصبح الم ووجع رهيب فى المعدة مع لاما ترجيع لاما احساس بالترجيع ويستمر لحد العصر وبعدها افوق

تخيلو بقالى سنة ونص كل يوم عدد الساعات الى بقدر اكل فيها واتنفس ميكملوش 10 ساعات

روحت لاكتر من 15 دكتور اخرهم اكبر دكتور جهاز هضمى فى مصر علشان تكشف عندة لازم حجز قبلها بشهر اسمة محمد عبد الوهاب فى المنصورة

ادانى علاج ريحنى اسبوع بالكتير

ورجعت تااااااانى

اشاعات وعملت مناظير وعملت وعملت كل التحاليل الموجودة للجسم والكبد واى نيلة

مفيش اى امل

الى ذاد الطين بلة فرحى كان الخميس الى فات زى النهردة

تخيلو انى مجتمعتش مع عروستى اكتر من مرتين بس من كتر التعب والام فى معدتى

تخيلو عروستى تنزل بيا يوم الدخلة تركبلى محاليل من كتر الترجيع الى رجعتة والمغص الى عندى

اتحملت على نفسى وقلت اخرجها النهردة وانا فى نص المشوار رجعت بالتاكسى تانى من كتر التعب

انا مدمر حرام عليها ادمرها معايا

انتحر ولا اعمل اية محدش يقولى روح لدكتور تانى انا روحت ل 15 دكتور كل واحد براى غير التانى

الى يقولى جرثومة معدة والى يقلى مفيش حاجة اسمها جرثومة المعدة دنتا عندك تيفود

والى يقلى ارتجاع فى المري والتهاب فى المعدة كل واحد براى شكل

خلاص مبقاش عندى حاجة تانى اقولها

اسف على الاطالة بس محتاج افضفض مش لاقى حد اتكلم معاااااة

**mo3tazanas** · 14-08-2014 03:37 PM

ربنا يشفيك ويعافيك وترجع احسن من الاول

**Mohamed_Hamid** · 14-08-2014 03:42 PM

تنتحر ايه يا راجل بس وحد الله عز وجل واصبر صبر جميلا.
انا عايزك تروح لدكتور كويس عنده ضمير وهو هيراسل مستشفيات ومتخصصين برة يشخصوا حالتك بالضبط والعلاج المناسب ان شاء الله
وبكرة تبقى احسن من الأول الف مرة وتيجى تقولنا ان ولى العهد فى الطريق ان شاء الله. بس متنسناش فى السبوع :)
أسأل الله العظيم رب العرش العظيم أن يشفيك شفاءا لا يغادر سقما

**3abdo.it** · 14-08-2014 03:56 PM

المشاركة الأصلية كتبت بواسطة #maam#

ربنا يشفيك يارب اصبر واحتسب وثوابك عند ربنا سبحانه وتعالى ............ صلي ركعتين واقرأ قرءان وادعي ربنا كتير أوي باللي في قلبك وربنا هيكرمك إن شاء الله ........ وبالنسبة لزوجتك معلش ده غصب عنك مش بمزاجك استحمل وحاول تاني وربنا يرفع عنك بإذن الله

حاولت اقرب كتتتير من ربنا بس المرض والحالة النفسية بتبعدنى تانى

ربنا يثبتنى

**A.Saad** · 14-08-2014 03:56 PM

ما تشوف مستشفى للسموم
الاكل ده حسبى الله ونعم الوكيل فى من اعده ملوث غذائى وهو سبب المشكلة

**3abdo.it** · 14-08-2014 04:00 PM

المشاركة الأصلية كتبت بواسطة a.saad

ما تشوف مستشفى للسموم
الاكل ده حسبى الله ونعم الوكيل فى من اعده ملوث غذائى وهو سبب المشكلة

كلامك كان يبقا مظبوط لو الحالة لسة جديدة

لكن انا كملت سنة ونص الاكل عملى حاجة فى المعدة مش راضية تتعالج الله اعلم اية هيا

**hilal** · 14-08-2014 04:00 PM

لا حول ولا قوة الا بالله العلي العظيم
اعلم يا بني انك في اختبار عظيم ، وان أشد الناس ابتلاء هم الأنبياء ثم الامثل فالامثل
ولماذا الانتحار وكلنا سيموت ان عاجلا أو آجلا
"كُلُّ نَفْسٍ ذَائِقَةُ الْمَوْتِ وَنَبْلُوكُم بِالشَّرِّ وَالْخَيْرِ فِتْنَةً وَإِلَيْنَا تُرْجَعُونَ"
فإذا كنا سنموت في جميع الاحوال ، فلماذا الموت على الكفر والعياذ بالله؟

والله الذي لا إله إلا هو ، لو حكيت لك قصة ابني الذي عانى من مرض السرطان
وتحمل آلاما لا يحتملها بشر لمدة 6 سنوات ، حتى لقي ربه صابرا شجاعا راضيا بقضاء الله
وأنا الذي كنت أبكي ، وهو الذي كان يدعوني للصبر

أنصحك بالصلاة والدعاء في الثلث الأخير من الليل ،
وستجد خيرا بإذن الله تعالى ، إما شفاء ، وإما تثبيتا وعونا على الصبر
شفاك الله وعافاك