حادث تثبيت على الزراعى .. كل واحد ياخد بالة كويس ( تحذير هام )

**monamize4** · 14-08-2014 05:52 PM

الحمد لله على سلامتك يا بشا ,,,

الناس دول المفروض يتحاكموا مرتين
مره بتهمة التثبيت على الطريق و مرة تانية بتهمة الغباء لانهم بيثبتوا الناس
بعربية لادا و شاهين اللى هما ابطئ عربيتين و اقل عربيتين ف الثبات و المناورة

**TeRoOo** · 14-08-2014 06:29 PM

الحمدلله انك رجعت بالسلامة والله يا باشا وبعديت طالما الحكاية بقت زي المافيا وجري ودخان حاجب للرؤية...بغض النظر طبعاً عن اللادا والشاهين الحكاية دي كان فاضلها ان يكون معاك فرد ولا حاجة من الحاجات دي وتطلع من الشباك تفرغ ام الخزنة ف نفوخهم كانت هتبقي نهاية تحفة ليهم

**hesham fawzy h** · 14-08-2014 06:33 PM

حمدا للله على سلامتك ، فعلا محدش يمشى على الطرق دى بعد 12 بليييل

**hany63** · 14-08-2014 06:41 PM

حمدلله على سلامتك ده اهم حاجه
لا تمشي على طريق طوالي بعد الساعه ١٠ مساء ولا تقف على جانب الطريق لاي سبب
العالم الزباله دي بيحوموا في كل الطرق و اول ما يلقوا حد ركن على جنب بينقضوا عليه و ده حصل مع اتنين اصحابي على الدايري من ناحية المريوطيه ومن ناحية مدينة نصر

**aymanshebl** · 14-08-2014 06:41 PM

حمد لله على السلامة هو طبعا اللادا و الشاهين على اساس انهم كانوا هيوقفو العربية بحجة ان عربيتك فيها مشكلة و يتم التثبيت او المطاردة الخفيفة لو عرفت تهرب بعد ما وقفوك

**monamize4** · 14-08-2014 06:56 PM

يا جماعة اللى بيثبتوا راحت هيبتهم خلاص ,,

زمان قطاع الطرق كانوا بيثبتوا بالهايلوكس الربع نقل و العربيات الشيروكى و الحاجات الحلوة دى
دلوقتى بعد الثورة و بعد ما انتشرت سرقة السيراتو بقى كتير منهم بيثبت بسيراتو

لكن توصل لدرجة انهم يثبتوا بلادا و شاهين فا دا شئ غريب
و فاكر كان فى موضوع تانى هنا ف المنتدى عن ناس ثبتوا سيراتو الجديدة برضه بعربية شاهين

صاحب الموضوع بيقول انه وصل لسرعة 150 كيلو لحد ما وصل للجنة
طب لو ماكانش فى لجنة و المطاردت كملت ,, اللادا و الشاهين كانوا هيوصلوا ل 150 ف اد ايه ؟!!!!
نص ساعة ؟!!! طب و لو وصلوا ل 150 و لقوا ملف هيبقى ايه وضعهم ؟ ,,, هيبقى انتحار

واضح ان اماكانياتهم ضعيفة و حاولوا يعوضوا دا بموضوع الدخان ,,,,,,, بجد lol