الحمد لله انك بخير
الحمد لله انك بخير
حمد الله على سلامتك.
ياباشا محدش قال انه مش مصدقك ,, بالعكس ,, انت ياباشا من الناس المحترمة هنا ف المنتدى
بس الفكرة ان احنا بنتريق علي تفكيرهم انهم عايزين يثبتوا الناس بلادا و شاهين
اللى هما اقل عربيتين ف الثبات و التسارع و الفرامل و كل حاجة
و الحمد لله اصلا انهم كانوا بلادا و شاهين مش سيراتو و لا شيروكى
و الحمد لله على سلامتك يا باشا مرة تانية
وده حادث اتكرر فى نفس اليوم فى داخل مدينة طنطا الآمنة
منقوووووووووول
الإيجابى ان العربية اتمسكت بعدها على الطريق الزراعىاقتباس:
انا المهندس احمد حلمى صاحب موقع stylish eve ورئيس تحرير جريدة اليوم
انهارده بس تاكدت اننا نعيش فى غابة ولا نعيش فى دولة محترمة بل نعيش فى اقذر مكان ممكن ان تعيش فيه بحياتك كلها ..
بعد ما خلصت شغلى الساعة 6 صباحا قولت انزل اخد راحة لمدة ساعه لان كان عندى شغل تانى الساعة 10 صباحا ومكنتش عارف انام خالص
نزلت واخدت العربية ورحت قعدت مع صديق لية فى carlos coffee shop بالظبط انا وصلت هناك الساعة 6:45 صباحا.
بالظبط طلبت ازازة مية وبس قعدت حوالى 30 دقيقة وبعد ماخرجت ملقتش العربية انا كنت راكنها على البحر مباشرة امام الكافية
تعالو بقى نشوف احنا عايشين فين ومع مين وهل فية دولة وله لا:
طبعا روحت القسم رئيس المباحث بصراحة كان راجل محترم جدا وبعت معايا مخبر عشان يجيب السايس .. بس اصلا مكنش فيه سايس المهم عملت المحضر ... اللى بيعمل المحضر امين شرطة حقير بقوله اكتب ان فيه معاينة شرطة قالى لا لازم تجيب معاينه الشرطة طبعا عشان اديلة فلوس بس ده اسلوب زبالة انا مبحبش اعمله فا الرائد كان قاعد قاله اكتبله اللى هوه عاوزه .. بعد ما خلص المحضر طلبت منه اصوره قالى لا برده فا الرائد قاله قولتلك اعمله اللى هوه عاوزة وصورت المحضر وختمته ... الغريبة ان امين الشرطة طلب منى انى اكتب رقم موبيلى على البطاقة وانا مكنتش عارف اية السبب بس فالاخر هتعرفو اية السبب..
المهم اخدت المحضر واخطار السرقة وطلعت على مديرية الامن قسم سرقات السيارات عشان اقدم الاخطار .. طبعا امين شرطة برده قالى لازم تجيب شهادة بيانات من المرور قولتله الرخصة اهيه قالى لا دى منتهية .. يخربيت اهلك راجل متخلف .. يعنى العربية مسروقه من الساعة 7 ودلوقتى الساعة كانت 11 ونصف وانت بتقولى روح المرور قولتله لا شكرا مش هروح المرور ومش عاوز العربية خالص وسبته ومشيت ... كده بقت الساعة واحدة تقريبا وانا مش عارف اعمل اية ومطبق بقالى 24 ساعة منمتش او اكتر
المهم روحت طبعا لقيت الكهربة مفصولة كالعادة يعنى ولاخدمات ولا امن ولا زفت ولا حاجه خالص امال احنا عايشين فين احنا عايشين فى زريبة؟؟؟؟؟
لما صحيت لقيت واحد عرباوى بيتصل بيه عاوز 33 الف جنية عشان يرجعلى العربية طيب العرباوى ده جاب رقم موبيلى منين اكيد اخده من امين الشرطة
يعنى الحكومة هى اللى بتسرح الناس دى عشان تسرق العربيات وبعدين نروح نعمل محضر فا ياخدوا البيانات بتاعتنا ويدوها للحرامى وبعدين هما ياخدو نصيبهم .. ايوة فعلا هوه كده بالظبط... يعنى احنا كده عايشين كالحيوانات لا حضرتك احنا اقل من الحيوانات بكتير اوى على الاقل الحيوانات كل فصيلة ليها الكبير بتاعها اللى بيحميها احنا الكبير بتاعنا حرامى "الحكومة"
يعنى اية انك تروح مديرية الامن وتتكلم مع ظابط يقولك خد الرقم ده كلمه وهو اللى هيجبلك عربيتك... انا والله العظيم مش مصدق نفسى احنا عايشين فين وازاى .... البقاء لله على الدولة المصرية الوسخة والحكومه الزبالة وكل اجهزة الدولة ...
حسبى الله ونعم الوكيل
وديه صورتها
حمد الله على سلامتك
الف حمد لله على السلامة وشكرا على التنبيه
الف حمد لله ع سلامتك يا ميدو