سؤال حول المساعدين و ثبات العربية و النشوفية

سلام عليكم جميعا

معروفة العلاقة بين نشوفية المساعدين و ثبات العربية , حيث ان النشوفية بتزيد فالثبات معاها بيزيد

السؤال هنا بخصوص المساعدين امامي و خلفي

بمعنى , هل العلاقة اللي بنتكلم عليها دي قائمة اكتر مع المساعدين الاماميين ولا الخلفيين ؟
او بمعنى آخر
هل التأثير الاكبر على ثبات العربية للمساعدين الاماميين ولا الخلفيين ؟
ولا دول زي دول ؟

ايه الاستفادة ؟
لو في اتنين مؤثرين في الثبات اكتر من الاتنين التانيين بفرق واضح , ممكن الواحد يجيبهم ناشفين و يجيب الاتنين التانيين طراي شوية , في الحالة دي يبقى قلل شوية نشوفية العربية و حافظ على الثبات على قد ما يقدر

ال 4 مساعدين مسئولين

اللي ورا مسئول عن ثبات العربية في الملف او الغرزة وهو السبب في رجوع العربية لوضعها الطبيعي بعد الغرزة

اما اللي قدام مسئولين عن تقليل ميل العربية في الملف او الغرزة وبالتالي تحكم افضل

بس بالاخص اللي عليه عامل اكبر هو اللي ورا

موضوع مهم

بصفه عامه مينفعش تغيير المساعدين بنوع تاني انعم عشان هيقلب العربيه مراجيح و ملاهي ف مطبات الهوا والنقر بالذات المساعدين الخلفيين و نفس الكلام ينطبق علي السوست
الكلام دا نقدر نشوفه ف أكسنت rb العربيه نازله بعفشه خلفيه ناعمه جدا لدرجه ان اي مطب يخلي اللي راكبين ورا راسهم تجيب سقف العربيه و فعلا ملاك العربيه بيغيروها فالتوكيل بنوع أفضل

انا كنت بافكر اغيرهم بأنشف

عموما خلاص العربية عومت و عملت حادثة بهدلتها
الحمد لله :(

و جبت مساعدين استيراد مضطرا و خلاص

اقتباس:

---

المشاركة الأصلية كتبت بواسطة تامر.محمد

انا كنت بافكر اغيرهم بأنشف

عموما خلاص العربية عومت و عملت حادثة بهدلتها
الحمد لله :(

و جبت مساعدين استيراد مضطرا و خلاص

---

معلش . قدر الله ما شاء فعل . . المهم انك سليم
الحديد يتصلح متزعلش

الف سلامة يااستاذ تامر الحمد لله انك بخير .. ايه اللي حصل؟

ألف حمدالله على السلامة..

قدر الله وما شاء فعل... وربنا يعوضك خير إن شاء الله


بالنسبة لموضوع المساعدين... أعتقد إن الموضوع له علاقة بتوزيع الوزن بشكل أساسي


العربيات الهاتش باك مثلا معظم وزنها متركز في الأمام.. فالأفضل طبعا هو التركيز على المساعدين الأماميين

إنما لو كانت العربية سيدان ودفع خلفي فالمساعدين الخلفيين ليهم دور أكبر بدون شك... وأنا شخصيا كان ليا تجربة في الموضوع ده مع عربية الوالد (تويوتا كريسيدا 82).. وكنا مضطرين نركب مساعدين ناشفين ورا علشان ما كناش لاقيين المساعدين بتوعها.


بس أنا رأيي إن الأهم من المساعدين هو الاستباليزر... ولو قدرت تغيره بواحد أقوى هيكون أفضل بكتير.



...

ال 4 مساعدين مهمين طبعا , اعطاء أولوية لورا او اودام مش الحل .
انت عندك كذا حالة العربية فيها بتحمل على جمب اكتر من التاني , و اصدي بالجمب هنا انه ممكن يكون اودام او ممكن يكون ورا , او حتى ممكن يكون يمين او شمال , تخيل معايا الحالات دي
1 - بتطلع بالعربية بسرعه من زيرو ل 120 , التسارع بتاعك عالي كدا العربية هتحمل ورا .
2 - بتفرمل العربية فرملة جامده من 120 ل زيرو . كدا هتحمل اودام
3 - بتاخد ملف و انت كابس بنزين كدا هتحمل على الجانب و الحمل اكتر هيكون على المساعد الي ورا في الجانب ده
4 - بتاخد ملف و انت مفرمل , هتحمل على جانب و الحمل هيكون على المساعد الي اودام .

ال 4 مهمين .