أنا في الخدمه ..وإبقى طمني وصلت لإيه
عرض للطباعة
ان شاء الله اى جديد حبلغك وانا بتصفح على الانترنت وجدت شخص قريب من مشكلتى وقام اخ كريم بالرد علية
لو مستعجل علي استلامها يعني ممكن صاحب العربيه يعملك حاجه اسمها توكيل عام سياره في الشهر العقاري وبتكتب فيه البيع للنفس والغير والتعامل مع المرور والتجديد والترخيص ) , طبعا التوكيل بيكون علي نوع العربيه وموديلها فقط يعني مثلا شيفروليه لانوس 2009 بدون ذكر اى بيانات فى التوكيل لا رقم شاسية او موتور او اى حاجة , وبتتعامل به مع المرور والشهر العقاري وبتخلص انت كل الاوراق بنفسك من فك حظر ونقل ملكيه وكل حاجه .... ومبروك مقدما
هو كدة كدة الرجل رخص سنة ولو الموضوع دةتمام ممكن اول مايستلم الجواب اللى رايح المرور ورقم الصادر اللى طالع من البنك للمرور والمخالصة تبقى فى ايدى يبقى خلاص مفيش مشكلة جواب المرور يوصل براحتة شهر او اكثر اعملة انا
هل هذة الانواع من التوكيلات لا تلغى الا بحضور الطرفين زى الخاص ولا ممكن البائع يلغى التوكيل بمفردة
التوكيل اللي حضرتك بتقول عليه ده ملوش أي قيمه غير إنك هتجدد الرخصه بإسم المالك فقط ..لكن اللي أنا شفته في الشهر العقاري بنفسي إن الشهر العقاري مش هيخليك تبيع لنفسك ..لإن زي ما حضرتك قلت التوكيل ده مفيهوش ..لا رقم شاسيه ولا رقم موتور ..وبعدين النوع ده من التوكيلات بيتعمل ما بين شخص معاه مجموعة عربيات زي ما يكون وكيل مثلا ..ومندوب عنه فقط لتحرير العقود الإبتدائيه وإنهاء الإجراءات المرورية ..لكن عند الشهر العقاري ..هيقولك لأ ..التوكيل ده ما ينفعش ..لازم توكيل بيع سيارة ..عموما ماشي ..أهو برضه يبقى مع حضرتك مستند تقدر تتحرك بيه ما بين البنك والمرور ..بس سؤال ..هو حضرتك اللي هتجري على الورق بنفسك ولا إيه ؟؟؟
هو كدة كدة مخلص كل حاجة فى المرور يدوبك جواب فك الحظر يوصل المرور وشيل كلمة حظر من الرخصة ولا فى مصاريف تانية بتندفع فى المرور هو على فكرة مجرد اقترح لانى وجدت من خلال بحثى فى المواقع ان فى ناس كتيرة اشتروبالتوكيل العام دة ومعلومة لو فعلا صحيحة ممكن تحل مشاكل لناس كتير مش لية لوحدى وبيعوا وبيسجلوا عادى على كلامهم
يا سيدي خلاص ..على كلام حضرتك ..الراجل ثقه ..وهو مخلص كل حاجه في المرور ..على أساس إنه جدد سنه بس الرخصه لسه عليها كلمة حظر ..وحضرتك واثق فيه ..يبقى باقي حاجه واحده بس
الإنتظار الإنتظار الإنتظار ..يعملك بقى توكيل عام في بيع العربيات ..يعملك توكيل بيع سيارة ..في جميع الأحوال ..هو الإنتظار اللي تملكه حاليا ..وبرضه التوكيل الرسمي العام في بيع السيارات ..الشهر العقاري مش هيعملك بيه عقد ..ده تعمل بيه عقد لنفسك فقط ..أنا معرفش أصلا التوكيل ده لزمته إيه غير في الحاجتين اللي قلت لحضرتك عليهم ..إنك تدير وإنك تبيع لنفسك بعقود عرفيه ..إنما الشهر العقاري ..لا يعترف غير بنوع واحد من التوكيلات ..توكيل بيع سياره يعينها ..عموما ..ربنا يبارلك في العربيه ويقربها لو فيها الخير ويبعدها لو فيها الشر ..بس إبقى طمني عملت إيه برضه
ياباشا اشكرك على زوقك واضح انك انسان محترم جدا جاك الله كل خير واضح انك استاذ وملم بتعليمات الشهر العقارى وقوانينها وانا فعلا مفيش قدامى غير الانتظار
انا الى خلانى افتح موضوع التوكيل العام انا شايف اعضاء كتير على المواقع لهم سوابق فى هذا الموضوع
وبقولو انة هذا التوكيل زية زى الخاص بالعكس ممكن صاحب السيارة يرفض خشية انة عام
وادى صيغة التوكيل اللى واضعها اخ محترم على موقع
توكيل رسمي عام فى ادارة السيارات
توكيل
رسمي عام [IMG]file:///C:/DOCUME%7E1/MOHAME%7E1/LOCALS%7E1/Temp/msohtml1/01/clip_image001.gif[/IMG]رقم...................... لسنة
2010
إنه فى يوم .............
الموافق ........................................
.فرع توثيق فى تمام الساعة .............................
أمامنا
نحن / الموثق بالفرع
حضـــــــــــــــــــــــ ـــر
السيد / .............................
الديانه / ............. مصرى
الجنسيةالسن ..........
سنة الثابت الشخصية بموجب رقم قومى ...............................................
الصادرة فى / ........
المقيم / .................................................. ..........................................
وقرر
أنـ يوكلـ عنـ
السيد / ..............................................
الديانه / .............
الجنسية / ............. المهنة
/ .....................المقيم
/ .................................................. ................
وذلك
فى
إدارة وتشغيل السيارات بكافة أنواعها ماركة
................... موديل
................. وفى بيعها لنفسه أو للغير وترخيصها وتجديد رخصتها سنويا ودفع
الرسوم والضرائب والمؤسسات والتأمينات للجهات الحكومية المختصة واستخراج شهادات
البيانات والمخالفات من الجهات المختصة والوقوف أمام أقلام المرور وأقسام الشرطة
والتوقيع على جميع ما يلزم لذلك وبما ذكر حرر هذا التوكيل بعد تلاوته على الحاضر
بمعرفتنا بصوت عال ومسموع وواضح ومفهوم وقع عليه أمامنا
الموكل الموثق
التوكيل اللي حضرتك جايب صيغته ده الشهر العقاري مش هيعمل بيه بيع عقد ..ونصيحه أخويه ..متقولش لصاحب العربيه على التوكيل ده عشان لو خد باله إنه ممكن يعمل النوع ده من التوكيلات ممكن يعمل لحضرتك توكيل زيه ويسيبك تعيش بقى مع المرور ومع البنك ومع الشهر العقاري ..ويخلع إيده خااااااااااااااالص ..وساعتها هيقولك ما إنت معاك توكيل ..خلص نفسك بقى ..أنا شايف إنك تنتظر وبس ..وربنا يقدرلك اللي فيه الخير إن شاء الله
تمام ياباشا هو عموما الراجل اتصل بية النهاردة وقالى ان بنك عودة اتصل بية واعطوا له رقم الصادر بتاع المرور لانه قبلها بيوم راح زعق فيهم وقابل المدير ووعدة ان رقم الصادر حيكون ليوم الاثنين او الثلاثاء اللى هو النهاردة وعرض علية استلام السيارة
ولما رحت لة لقيتة بيدينى رقم وعامل صورة لى من اوراق تجديد الرخصة وقالى انا اول مجبتهم عملت لك صورة قلت لة امال فين المخالصة وصورة الجواب قالى لسة موصلوش البنك لان كل الاوراق مازالت فى الفرع الرئيسى ودة البنك هو اللى اتصل بى النهاردة واعطانى رقم الصادر وانا مسافر غدا وراجع يوم السبت وممكن على يوم الخميس اللى بعد القادم اخلص لك كل شئ وطبعا فهمتة علشان انت و انا نبقى الامان نصبر لعاية الخميس وقالى بالنسبة لى مش حتفرق معايا اا علشانك انت قلت لة مفيش حاجة وشكرا وكدة كدة هو اعطانى الرقم الصادر وحافوت يومين واروح المرور اسال لان العربية مرور الوايلى بس لازم الاول جواب فك الحظر يروح مرور الدراسة الاول