سؤال لاهل الخبره عن تركيب كومبروسور تكييف يابانى لل e90

**sherif84** · 15-08-2014 05:21 AM

السلام عليكم و رحمة الله و بركاته
انا كنت قريت فى بعض المواضيع فى المنتدى ان الكومبريسور اليبانى اقوى من الالمانى و ينفع انه يركب فى ال e90 بس كان كل الكلام ده بدون تفاصيل
انا دلوقتى التكييف عندى فيه تسريب و غالبا التسريب فى الثلاجه الداخليه او المواسير الواصله ليها
و برده ممكن اخش فى كومبريسور

1- بالنسبه للثلاجه الداخليه انا قدامى واحده استيراد ب1000 جنيه و سمعت ان فيه جديد تايلاندى ب800 فتنصحونى بأيه

2- المواسير الداخليه كان واحد صاحبى قالى ب1200 تقريبا فهل السعر ده مظبوط و ممكن اجيبها منين بسعر احسن من كده و لا ده ثمنها

3- بالنسبه للكومبريسور :
- لو الكومبريسو ضعيف هل ممكن يتصلح
-لو عايز اركب كومبريسور يابانى ايه النوع بالظبط و سعره كام و منين و هل بيحتاج اى تعديل و لا لأ وهل ليه اى عيوب تذكر من ناحية الصوت او التحميل على الموتور و لا زيه زى الالمانى

بجد انا عارف انى اسئلتى كتير بس فعلا انا نفسى اصلح التكييف و خايف انى اركب حاجه و اندم انى ركبتها او احتاج اغيرها و طبعا كفايه موضوع فك التابلوه ده لوحده

اسف للاطاله

**Mecha** · 15-08-2014 11:10 AM

شوف التسريب منين الاول عند متخصص عندهم يمكن بلاك لايت
ووفر علي نفسك شغل و فلوس

**novo** · 15-08-2014 02:40 PM

المشاركة الأصلية كتبت بواسطة Mecha

شوف التسريب منين الاول عند متخصص عندهم يمكن بلاك لايت
ووفر علي نفسك شغل و فلوس

http://www.nilemotors.net/Nile/38729...e90-320-a.html

http://www.nilemotors.net/Nile/382105-bmw-e90.html

**Ahmed Selim** · 23-08-2014 12:06 PM

أنا مش عارف أنت معاك 316 موديل أيه بس أنا هحكيلك على تجربتي فى الموضوع ده

هي تجربة قديمة شويتين.....في أواخر التسعينات و أوائل ال 2000 كان معايا 320 موديل 86 و مكنش فيها تكييف.......و بعد ما أشتريتها بفترة أتجننت و رحت عملت فرش جلد أسود.

طبعاً بعدها بقيت بطلع من العربية عامل زي اللى طالع من سونا...و قررت أركب تكييف.

عرفت واحد فى عين شمس مهندس....مش صنايعي.....بس كان محترم جداً لأقصى درجة.

رحت عنده و سألته هل أجيب أستيراد ولا أيه

هو قالي الأحسن تجيب كمبرسور ياباني ( مش فاكر الماركة بس مشهورة قوي).....و قالي ده بيركب عليها من غير تعديل و أداءه أحسن.......و أجيب له مروحة بتاعة مرسيدس معينة سرعتين.

و فعلاً عملت كده و أداء التكييف بصراحة كان ممتاز و أحسن من الأصلي

الراجل ده أنا معرفش أذا كان لسه فاتح و لا لأ بس لو مهتم قولي أوصفلك مكانه.

**sherif84** · 24-08-2014 02:02 AM

المشاركة الأصلية كتبت بواسطة Ahmed A.Maksoud

أنا مش عارف أنت معاك 316 موديل أيه بس أنا هحكيلك على تجربتي فى الموضوع ده

هي تجربة قديمة شويتين.....في أواخر التسعينات و أوائل ال 2000 كان معايا 320 موديل 86 و مكنش فيها تكييف.......و بعد ما أشتريتها بفترة أتجننت و رحت عملت فرش جلد أسود.

طبعاً بعدها بقيت بطلع من العربية عامل زي اللى طالع من سونا...و قررت أركب تكييف.

عرفت واحد فى عين شمس مهندس....مش صنايعي.....بس كان محترم جداً لأقصى درجة.

رحت عنده و سألته هل أجيب أستيراد ولا أيه

هو قالي الأحسن تجيب كمبرسور ياباني ( مش فاكر الماركة بس مشهورة قوي).....و قالي ده بيركب عليها من غير تعديل و أداءه أحسن.......و أجيب له مروحة بتاعة مرسيدس معينة سرعتين.

و فعلاً عملت كده و أداء التكييف بصراحة كان ممتاز و أحسن من الأصلي

الراجل ده أنا معرفش أذا كان لسه فاتح و لا لأ بس لو مهتم قولي أوصفلك مكانه.

انا معايا E90 2007 316i
انا فى موضوع السونه ده فعلا .
بس تغيير مروحه صعب قوى فى الموديل ده لكن لو كان موديل قديم كان ممكن

**sherif84** · 24-08-2014 02:15 AM

المشاركة الأصلية كتبت بواسطة ahmedsadek82

بالنسبة للكومبرسور بتاع ال-320 هو أصلاً الاصلي إللي فيها ياباني ، دنسو على حسب ما أنا فاكر. إكشف كويس على كل الدورة لإن الكمبرسور مش سهل يبوظ ، الاحتمال الأكبر هو إن ال-Evaporator و هو السربنتينة الداخلية تكون إتخرمت لإن دة عيب شائع فال-E90 .

كنت عند واحد النهارده بس قالى من النظر كده الكومبروسر سليم بس الكلام ده لحد مغير السربنتينه الداخليه و الexpansion valve و نكبس فريون فى الدايره
يا ريت لو حد يعرف حد بتاع تكييف محترم يكون حنين على التابلوه :D
و ياريت احتياطى لو حد يعرف مكان اجيب منه سربنتينه داخليه و expansion valve و اسعارهم ايه
ضروررررى لانى الاسبوع ده لازم اعمله

**ahmedsadek82** · 24-08-2014 02:02 PM

المشاركة الأصلية كتبت بواسطة sherif84

كنت عند واحد النهارده بس قالى من النظر كده الكومبروسر سليم بس الكلام ده لحد مغير السربنتينه الداخليه و الexpansion valve و نكبس فريون فى الدايره
يا ريت لو حد يعرف حد بتاع تكييف محترم يكون حنين على التابلوه :D
و ياريت احتياطى لو حد يعرف مكان اجيب منه سربنتينه داخليه و expansion valve و اسعارهم ايه
ضروررررى لانى الاسبوع ده لازم اعمله

إلحاجة العجيبة إن كل أجزاء التكيف بتاع bmw سواء كمبرسور ه، سربنتنات من أنضف الماركات يا إما denso ياباني يا Valeo فرنساوي و دول بيعملو أجزاء لكل ماركات الدنيا ، ليه الحاجات ده بتبظ في bmw بالذات مش لأي تفسير. أنا كنت غيرت فالتوكيل فمش حاضر أفيدك .

**legend_mohsen** · 19-09-2014 03:22 PM

مافيش جديد ؟

-

الموضوع: سؤال لاهل الخبره عن تركيب كومبروسور تكييف يابانى لل e90

LinkBack

أدوات الموضوع

عرض

-

-

-

-

المواضيع المتشابهه

سؤال لاهل الخبره مهم جدا

سؤال لاهل الخبره

سؤال لاهل الخبره؟؟؟

سؤال لاهل الخبره

سؤال لاهل الخبره تركيب 2 كاسيت فى السيارة

الكلمات الدلالية لهذا الموضوع

المفضلات

المفضلات

ضوابط المشاركة