نفسي هفاني على صينية قراميط بالبطاطس

وطبعا كلنا سمعنا عن موضوع تلوث السمك خصوصا القراميط بمياه الصرف وانها بتتربى في الترع الي بتصب فيها المجاري والكلام ده

سؤالي ازاي اقدر اعرف القراميط النيلية النضيفة من الي متربية في الترع؟

انا اشتريت قرموط واحد على سبيل التجربة لأني مأكلتوش من سنين طويلة، القراميط كانت صاحية وبتبلبط وآخر جمال، ولونها اسود فحم، الراجل طلع القرموط ودبحه وقطعه جزل ونضف وكله تمام واخدته على البيت علشان المدام تكمل تنضيفه، ولكن بعد انتهاء التنضيف في البيت لاقيت ان لون الجلد اتغير بقى ابيض على اسود مشبح كدة، فقلقت شوية بصراحة

ياريت الافادة ولكم جزيل الشكر