ارجو المساعده في زرجينه للعربيه.. وشغل في التكييف
اولا
العربيه بتحدف مني يمين بس بسيط جدا ومش بلاحظها الي علي الطريق السريع
روحت اظبط زوايا عند بنزينه وطنيه الراجل ركب الجهاز وقالي العربيه دي عايزه 2 زرجينه يمين وشمال
طبعا قولتله ازاي هو الشاسيه معووج ؟ قالي لا الشاسيه زي الفل بس العربيه العجل الامامي مرحل وعايزه زراجين للمساعدين
بصراحه انا قولت طالما هصرف يبقي اخليني في مكان مظبوط زي بريدجستو خاصه ان الكاوتش اللي في العربيه ده تمنه 3000 جنيه
فهل بريدجستون بيعمل الكلام ده ولا لا .. ولو لا يبقي ايه افضل مكان اروحه (انا ساكن في القاهره الجديده)
ثانيا
عندي مشكله بسيطه في التكييف ان ابره الشحن بتسرب خفيف اوي وكل 3 شهور الاقي التكييف نص الشحنه فضيت فقررت اغير الابره وفلتر الفريون وجبتهم من وطنيه
وروحت اعمله بس لقيت ان كل الناس شغاله بزيت الكباس اسمه التعاون 32 واتصلت بطناني وقالي ابعد عن الزيت ده
اعمل ايه احطه ولا اروح اجيب من البنزيه زيت التعاون برده بس لزوجه 64
ياريت تفيدوني لاني عندي امتحانات والعربيه عندي شيء اساسي بس الوقت مزنوووووووووق