تقرير استلام التو 2015 الشكل الجديد

**ibrahimahmed** · 28-02-2016 08:42 AM

المشاركة الأصلية كتبت بواسطة abo-hamza

شكرا جزيلا يا استاذ ابراهيم ، بصراحة موضوع حضرتك ده هو اللي شجعني اجيب الالتو بس اسمحلي هدوشك شوية الفترة الجاية لان دي اول عربية ليا
المعرض عاوزني اامن مع البيت المصري السعودي تامين شامل بدون تحمل قسط 3.25 كنت عايز اعرف فعلا بدون تحمل ولا ساعة الجد بيظهر كلام تاني

يا باشا تحت امرك فى اى وقت
عادة التأمين بيبقى فيه تحمل حتى لو هما قالو مفيش تحمل .... وكل سنة بتعدى على العربية نسبة التحمل دى بتزيد عليك
عامة ... اقرا عقد التأمين كويس قبل ماتوقع على الوثيقة هتلاقى البنود متوضح فيها كل حاجة

**a_aseda** · 29-02-2016 10:51 AM

اولا كل شركات التأمين اغلبها زي بعض
ثانيا انا من انصار التامين ولو علي الاقل العام الاول .. لما تبعد العين شوية
..
تجربة شخصية مع شركة التمويل السعودي ... مش حلوة ... هم ملتزمين باللدفع ولكن بعد ايه ... يقولوا اسبوعين وتاخد شهرين
تلاقي في بنود مثلا اهلاك السيارة .. قيمة قطع الغيار ونسبة الاهلاك ... ضرايب .. اقساط اخري
بنود بنود ... 50 و 100 و 300
تلاقي في الاخر عملت 2000 جنية او 1000 جنية حسب الحادثة
انا عمللت حادثة ب 13500
بنود وصللت 2400 جنية
دع غير انه تاني سنىه هيضاعف قيمة اللقسط مرتين ثلاثة لو حصلت حادثة

ده غير العذاب في الموافقة علي استبدال قطع الغيار .. يعني يقول اغير الاكصدام لكن الفوم اللي وراء الاكصدام لا ... الدعامات اللي علي الاكصدام لا ... وهكذا وهكذا ...
طيب انا عملت حادثة في الاكصدام الامامي ... والعربية صيانة توكيل وانا عامل تأمين شامل ... المفروض تعملي ضبط زوايا ... يقولا لا انا ليا قطع الغيار بس
طيب ما في حاجات انت رفضتها تحت بند انها كماليات ( زي ما وراء الاكصدام ) يقول ده النظام

...
عموما هو شر لابد منه ...
الله يسامحهم

**Dr.mohamed..t** · 11-05-2016 07:05 AM

https://m.facebook.com/profile.php?id=759136354170169
السلام عليكم....ده جروب للالتو اى حد معاه التو هيستفيد منه جدا
انا حاطت اللينك بعد اذن ادارة الموقع للفايده مش اكتر
لانى من ملاك التو واستفدت جدا من الجروب ده
شكرا لكم

**ruby51078** · 23-02-2018 03:24 PM

صباح الخير يا اهل الخير
عربيتي من شهر مايو ٢٠١٥ و عاملة اقل من عشر الاف كيلو لاني باستعملها في مشاوير مش كبيرة و مش يومية، هي كانت ماشية كويس و بعدين و انا ماشية بطلتها و جيت ادورها مدارتش خالص خالص غير بالزق و ميته تماما و طبعا اول مرة تعمل كده، طلعت بيها علي ميكانيكي فوصل بطارية اشتغلت و بعدين قال لي دي البطارية خلاص باظت!!! انا مش بحمل عليها و كمان مدتنيش انذار فاستغربت شوية، بس سؤالي: هي دلوقت في الضمان طبعا فهل اوديها و اطلب تغيير البطارية و لا ايه؟ ممكن اي حد حصل له مواقف مشابهة يفيدني؟ شكرا ليكم كلكم و يوم سعيد

**D . a .\ AYMAN** · 24-02-2018 11:41 AM

المشاركة الأصلية كتبت بواسطة ruby51078

صباح الخير يا اهل الخير
عربيتي من شهر مايو ٢٠١٥ و عاملة اقل من عشر الاف كيلو لاني باستعملها في مشاوير مش كبيرة و مش يومية، هي كانت ماشية كويس و بعدين و انا ماشية بطلتها و جيت ادورها مدارتش خالص خالص غير بالزق و ميته تماما و طبعا اول مرة تعمل كده، طلعت بيها علي ميكانيكي فوصل بطارية اشتغلت و بعدين قال لي دي البطارية خلاص باظت!!! انا مش بحمل عليها و كمان مدتنيش انذار فاستغربت شوية، بس سؤالي: هي دلوقت في الضمان طبعا فهل اوديها و اطلب تغيير البطارية و لا ايه؟ ممكن اي حد حصل له مواقف مشابهة يفيدني؟ شكرا ليكم كلكم و يوم سعيد

طبيعة البطارية ان عمرها بيكون حوالي سنة ونص لسنتين ومالهاش دعوة بضمان العربية هي بيكون ضمانها سنة واحدة ومش معنى انك بتستعمليها قليل انها تعيش اكثر العكس هو الصحيح

غيري البطارية باي نوع كويس بس تكون جافة

وممكن ارشحلك كلورايد الجافة صناعة مصرية وكفائتها ممتازة وبتكلميهم على رقمهم المختصر بيجولك لغاية عندك يغيرو البطارية ... وبياخد القديمة ويعمل خصم 20% على الجديدة وكمان معاه ماكينة الفيزا لو عايزة تدفعي بالفيزا ... رقمهم 19328

**kokololososo** · 25-02-2018 06:28 PM

حصلت معايا في الألتو الشكل القديم وفعلا زي ما قال الأستاذ الجافة أحسن وأنا شايف إنها بتمشي مع الألتو أكتر من السايله بتبأه متعبة جدا.حتي لو نوعها متواضع مع العلم إن اللي نازل بيها العربية كانت سايله إسمها sonic تقريبا.
جبت بطارية جافة مش غالية إسمها شيتا (كوري)مش فاكر كانت بكام بالظبط لإن الكلام ده من 3 سنين وأخويا خد العربيه ولسه شغاله معاه!!!
وتقريبا غلط إنها تقعد أكتر من كده بس لفت نظري إن السايله الكوري أحسن اللي هي تقريبا 55 أمبير