لا وهى واقفة بس ... وهى ماشية الدركسيون ناعم جدا
عرض للطباعة
بناءا على طلب الاعضاء الكرام تم رفع بعض صور العربية :
( ياريت من مشرفى القسم نقل الصور الى اول الموضوع لانى معرفتش اعمل تعديل فى الموضوع )
http://nileup.com/up/uploads/nilemotors_14085644892.jpghttp://nileup.com/up/uploads/nilemotors_14085644891.jpghttp://nileup.com/up/uploads/nilemotors_14085644893.jpghttp://nileup.com/up/uploads/nilemotors_14085644894.jpghttp://nileup.com/up/uploads/nilemotors_14085644895.jpghttp://nileup.com/up/uploads/nilemotors_14085644896.jpghttp://nileup.com/up/uploads/nilemotors_14085644897.jpghttp://nileup.com/up/uploads/nilemotors_14085644898.jpghttp://nileup.com/up/uploads/nilemotors_14085644899.jpg
تم رفع الصور يا باشا واى خدمة ... بالنسبة للدركسيون فهو تقيل جدا وانت واقف لكن لما بتتحرك بيبقى لطيف ... انا معدتش ال 100 غير مرة او اتنين عشان لسه فى التليين ومش عاوز ادوس عليها اوى فى الاول ... كذلك التكييف ... بس ثباتها عاجبنى اوى حتى لما اكون لوحدى مش محملها برضو الثبات جيد جدا على السرعات لغاية 100 او 110 ... اما الفرامل فهى كويسة ومش بتعوم ... طبعا الجنط بيفرق وخصوصا ان جنطها 145 فكل ما زاد هايبقى افضل لاداء العربية
الحمد لله تم شراء كاسيت وسنتر وانذار برة التوكيل وتم التركيب فى التوكيل .... الحمد لله جمعت بين الحسنيين :ask:
والجميل بقى فى الموضوع انى اشتريت مع الحاجات دى سماعتين بيونير ب 200 جم ... رحت التوكيل الناس قالولى العربية فيها اصلا سماعات مش هانحتاج سماعات ... طبعا مش عاوز اقولكو الواحد انشكح قد ايه ... لان الراجل اللى فى معرض مودرن اللى فى الدقى هو اللى قاللى معلومة ان العربية مجهزة لتركيب السماعات بس مافيهاش سماعات ... يلا الحمد لله اهو كفاية مصاريف المقدم والقسط والكلام ده
مبروك عليك الف مبروك و على فكره شجعتنى بجد بس هجيب اللون الاسمر بتاعها علشان اتلافى مشكله الاكصدامات مع انى كان نفسى فالابيض او النبيتى
مقولتليش هو تنك البنزين بيفتح من جوا العربيه ولا مفتاح بردوا زى الشنطه ؟؟
هو تركيب جنط و كاوتش جديد بيخرج برا الضمان ؟؟
لا تنك البنزين ليه دراع جنب كرسى السواق
وعادى تركيب جنط وكاوتش مايخرجش برة الضمان
وبالنسبة للون انا كنت زيك كده اول ما جبتها قلت ياريتنى كنت جبت الاسود عشان الاكصدام ... بس من يومين شوفت واحدة سودة راكنة ... برضو الفرق ملحوظ من بعيد لان العربية مش سودة ... دى رمادى ... فلون الاكصدام باين فيها اوى ... غير انى لما شفتها اقتنعت بموضوع ان الاسود مش بيليق على العربيات الصغيرة وحسيت ان النبيتى او الازرق احسن من الاسود
طيب يا مسهل انوى انشاء الله و اروح اتفرج عليها و احاول اشوف اكتر من لو وربنا هو صاحب القرار و النصيب الف شكر يا استاذ ابراهيم
ما شاء الله ربنا يبارلك فيها ويكفيك شرها باذن الله
اللون النبيتي جميل ولايق الاسود فعلا مش بيليق اوي على العربيات الصغيره
لو سمحت ممكن حضرتك تقولنا شوية تفاصيل اكتر على السنتر والانذار والكاسيت اسعارهم ايه وانواعهم ايه والتكلفه بتاعتهم قد ايه وهل تبقى الحكايه سهله لما اشتريهم من بره واخلى التوكيل يركبهوم ولا ساعتها ممكن يرفضوا
ومعلش سؤال تانى هل لازم علشان اركب الحاجه ديه فى التوكيل استنى صيانة الالف كيلو ولا اركبهم فى اى وقت وحضرتك ركبتهم فى التوكيل بتاع ابو رواش صح . شكرا مقدما