متهيألى لازم تسأل حد متخصص سواء فى التوكيل او فى البنك ... عشان ماتدفعش فلوس وتروح عليك
عرض للطباعة
لا ماتقلقش انت رايح تشترى عربية زيرو ... مش محتاج فنى ولا حاجة
انت بس راجع على العربية كلها وانت واقف من ناحية الشكل الخارجى ( مفيش حكه ولا خربوش ولا خبطة ) وافتح الشنطة واتأكد ان فيها استبن وكوريك وشنطة عدة وشنطة اسعافات ومثلث
واتاكد ان العربية معاها كتيب الكتالوج ... وربنا يباركلك فيها ويديك خيرها ويكفيك شرها ان شاء الله
[QUOTE=rere80;3875928367]السلام عليكم دى اول مشاركة لى ف المنتدى ان شاء الله
بصراحة موضوع جميل و اراء الاعضاء مفيدة جدا جزاكم الله كل خير ان شاء الله
انا بإذن الله نويت اشترى سوزوكى ألتو قسط ان شاء الله و تبع البنك اللى شغلى بيحول عليه مرتبى يعنى اجراءات اثبات الدخل و الاوراق مفيهاش مشكله ان شاء الله , بس مش ح يتوفر معايا مبلغ المقدم الا كمان 6 او 7 شهور فهل ينفع احجز العربية الاول ف التوكيل و بعدين اعمل إجراءات التقسيط من البنك و لا استنى الكام شهر دول و يمكن موديل 2016 يكون نزل ؟
و هى ايه اجراءات الحجز و بيدفع فيه كام ؟
استني الكم شهر دوول لحد ميتوفر مقدم الحجز ...دة رائي
اما مبلغ الحجز بيتراوح من 3الاف الي 5 الاف في التوكيل
مبروك عليك الالتو205
---------------------------------
خد حد من اقربائك او صحابك او حد معرفه مش شرط فني ...
-------------------------------------------------------------------
1- خد بالك العربيه عامله كم كيلوومتزيدش عن 30 كييلو للزيرو ..
2- راجع الانوار والمساحات وتاكد من جودة تشغيلهم ومن الخبطات ال ممكن تكون بسبب النقل وكدا.
3- تاكد من وجود الاستبن والعدة وشنطه الاسعاف والمثلث العاكس...
4- اسال عن فاتورة الشراء واوراق الافراج الجمركي عشان ترخيص المرور في الغالب هتستلمهم بعد 3 ايام ...
5- حدد جراج قريب منك او امن تحط فيه العربيه لحد متترخص وتعلق النمر...
واخيرا اتمنالك التوفيق ومبروك عليك ..
عندى مشكله فى النقلات و بعدين المرشيدر عندى فيه مشكله انه بيجى بصعوبه (دأره) روحت للمهندس بتاع الصيانه بتاع التوكيل قلى ان الالتو كلها فيها نفس المشكله ديه و ان ده عيب فيها و الدروبكس بتعها فيه المشكله ديه صحيح الكلام ده