تقرير استلام التو 2015 الشكل الجديد

**mnon_mahmoud** · 21-06-2015 12:36 AM

المشاركة الأصلية كتبت بواسطة ahmedfor3

متشكر جدا لحضرتك ولزوق حضرتك كده تبقى العربيه ممتازه باستسناء الملاحظات اللى حضرتك زكرتها
سوال اخير بالنسبه للبند رقم 3
هل الباور له تاثير قوى على العربيه
عادى لو ركب الزجاج الكهربه والسنتر فى التوكيل والف شكر لحضرتك

لاء عدم وجود باور مالوش تاثير خالص لان الدركسيون اصلا مش محتاج باور...
وبالنسبه لتركيب السنتر اه بيتركب في التوكيل بس تشتريه من عندهم وتروح بدري لامه بياخد من 3 او 4 ساعات للتركيب.
واما عن تركيب الزجاج الكهرباء في التوكيل سبق وسالتهم ف الموضوع دا قالوا لاء مبنركبش لانها نازله من غير ازاز كهرباء ولما قولتلهم طيب اجيب الحاجه وانتوا تركبوها طالما مش عندكوا عشان متخرجش من الضمان ...قالوا بردو لاء ..عموما لو توافرت فرصه ابقي اسال بردو ف الموضوع دا وانت عندهم ممكن يكونوا غيروا رائيهم وعرفنا..
تحياتي

**mnon_mahmoud** · 21-06-2015 12:41 AM

المشاركة الأصلية كتبت بواسطة ahmedfor3

معلش ممكن حضرتك تشرحلى اكتر موضوع السحب يعنى مثلا العربيه بتسخن جامد وبتبقى سرعتها اخرها كام وهل التكيف بيسقع العربيه فى وقت كبير والف شكر لحضرتك وكل سنه وانت طيب

موضوع السحب ااقصدة هو ان سرعه العربيه بدون تكييف بتكون طبعا اسرع ولو بتكييف بتقل السرعه ..
- لاء العربيه بفضل الله عمرها مسخنت بسبب التكييف ...
- وبالنسبه لسرعتها مع المكيف انا بجيب بيها 120 كيلو لو الطريق فاضي ع الدائري...
- ايوة التكييف بيسقع العربيه في وقت قليل جدا وكمان بقلل درجات المكيف غير انه ممكن تغير اتجاء الهواء البارد من كذا ناحيه ذي متحب ...
- وانت طيب ورمضان كريم....

**mnon_mahmoud** · 21-06-2015 12:45 AM

المشاركة الأصلية كتبت بواسطة active

تقييمى للألتو ٢٠١٥ بعد ٱستخدام سبعة أشهر ونصف و ١٨١٥٠ كيلو متر
العيوب
١_ كراسى العربية تنجيدها وحش لازم تعمل فرش محترم علشان ضهرك ميتعبكش . ٢_ العفشة ناشفة نوعا ما وده غالبا هايتحسن بعد تغيير كاوتش الفابريكة لانه ناشف وصوته عالى . ٣_ عدم وجود كماليات كفاية زى الباور والزجاج والكاسيت والسنتر
المميزات.
عملية جدا
أعتمادية زى أى عربية يابانية أو ذات أصول يابانية
أستهلاك البنزين رائع وده مخلينى خايف اغير
قليلة الأعطال والعيوب زى كل العربيات اليابانى
التكييف بتاعها ممتاز جدا واحسن من عربيات كتير زى النيسان صنى الشكل القديم والاكسنت

تقييم رائع وشكرا ليك ورمضان كريم

**active** · 21-06-2015 05:29 PM

كل سنة وأنتم طيبين ورمضان كريم أعاده الله عليكم بالخير واليمن والبركات ... ويارب أحفظ لنا سياراتنا وبارك لنا فيها

كل واحد يقول عامل كام كيلو إلى الأن ؟

**mnon_mahmoud** · 21-06-2015 06:55 PM

المشاركة الأصلية كتبت بواسطة active

كل سنة وأنتم طيبين ورمضان كريم أعاده الله عليكم بالخير واليمن والبركات ... ويارب أحفظ لنا سياراتنا وبارك لنا فيها

كل واحد يقول عامل كام كيلو إلى الأن ؟

وانت طيب ....
الله اكرم
نيو التو2015 4500 كيلو وشارياها من حوالي اربع شهور....

**ahmedfor3** · 21-06-2015 10:39 PM

كل عام وانتم بخير والف شكر لكل الاعضاء اللى جاوبت على الاسئله وربنا يجازيهم خير ويبارك لهم فى عربياتهم
فعلا انتو ناس محترمه

**active** · 22-06-2015 02:20 AM

حاجة تانية نسيت اقولها إن قطع غيارها الاصلية فى التوكيل سعرها ممتاز يعنى مثلا الفانوس ٣٥٠ جنيه والتيل ١٨٠ جنيه وطبعا السعار بالنسبة للتوكيل تعتبر ممتازة

**mnon_mahmoud** · 22-06-2015 11:59 AM

المشاركة الأصلية كتبت بواسطة ahmedfor3

كل عام وانتم بخير والف شكر لكل الاعضاء اللى جاوبت على الاسئله وربنا يجازيهم خير ويبارك لهم فى عربياتهم
فعلا انتو ناس محترمه

امين يارب العالمين..وكل سنه وانت طيب

**مدحت صابر1986** · 24-06-2015 01:32 AM

كنت عوز اعرف مكان الكاسيت في السوزوكي التو موجود فيه كل وصلات الكاسيت ؟ يعني لو كسرت الغطاء بايدي اللي قافل مكان الكاسيت هعرف اركب كاسيت بنفسي بسهوله ولا محتاجه اروحلهم في التوكيل او لكهربائي بره يعملي وصلات للكاسيت ؟؟؟ ارجو من اصحاب الالتو الافاده لاني على وشك استلام سياره التو جديده ومش عارف هل سهل اركب الكاسيت بايدي ولا لا ؟؟؟

**ibrahimahmed** · 24-06-2015 12:02 PM

المشاركة الأصلية كتبت بواسطة مدحت صابر1986

كنت عوز اعرف مكان الكاسيت في السوزوكي التو موجود فيه كل وصلات الكاسيت ؟ يعني لو كسرت الغطاء بايدي اللي قافل مكان الكاسيت هعرف اركب كاسيت بنفسي بسهوله ولا محتاجه اروحلهم في التوكيل او لكهربائي بره يعملي وصلات للكاسيت ؟؟؟ ارجو من اصحاب الالتو الافاده لاني على وشك استلام سياره التو جديده ومش عارف هل سهل اركب الكاسيت بايدي ولا لا ؟؟؟

من المشاركات السابقة للاعضاء بيقولو ان وصلات الكاسيت كلها جاهزة للتركيب ... تشيل الفبرة بس وتوصل على طول
انما انا معرفش شخصيا لانى ركبت الكاسيت فى التوكيل
بالتوفيق فى الاشتلام وابقى قولنا اخبارها ايه معاك
تقبل تحياتى