تقرير استلام التو 2015 الشكل الجديد

**mnon_mahmoud** · 19-07-2015 10:48 PM

[quote=مدحت صابر1986;3875982001]

المشاركة الأصلية كتبت بواسطة mnon_mahmoud

متفقه تماما ...ولكن ماذا عن تكلفه كوبلن شمال ومقص شمال ومصنعيتهم في التوكيل...
ياريت الل سبق واشتري حاجه من التوكيل يعرفنا اسعارها لان بسمع الاسعار مبالغ فيها جدااا[/quote
ممكن حضرتك تتصلي بيهم ده رقم ابو رواش 01116699119
رقم الهايكستب 01116699110
رقم المنوفيه 01229922055
رقم الاسكندريه 01116699118
هيدوا لحضرتك التكلفه بالمصنعيه كمان بس حتى لو مبالغ فيها هين قرشك ولا تهين نفسك مع الميكانيكيه والصنايعيه اللي معظمهم منخفضي الكفاءه ومعندهمش ضمير انا شفت منهم اشكال والوان فعربيتي القديمه وربنا يوفقك مع التوكيل ودعواتكم جميعا استلم الالتو لاني تعبت جدا من غير العربيه

ان شاء الله تستلم العربيه علي خير....ومبروووك مقدمااا..

**ibrahimahmed** · 20-07-2015 05:31 AM

المشاركة الأصلية كتبت بواسطة mnon_mahmoud

تقرير تفصيلي صيانه ال5000 كيلو سوزوكي التو 2015 مع استفسار للاءعضاء النيو التو2015 .................................................. .................................................. ................................ 1- التكلفه الاجماليه للصيانه 450 جنيه ....وتفصيليا كالتالي من واقع الفاتوره... .................................................. .................................................. ........ - صيانه 5000 كيلو 65 جنيه . - غسيل المحرك 50 جنيه . - زيت توتال عشرة الاف 240 جنيه.....وعملته 10 الاف لاني عرفت انه احسن من ال5000 وخصوصا العربيه زيرو ومشاويري كتير وبردو هغيرو في صيانه ال5000 القادمه الي عشرة وبصراحه حسيت بفرق ونعومه في اداء المحرك ... - فلتر زيت سعرة 50 جنيه . - ضريبه مبيعات 40 جنيه . - مصروفات اخري 10 جنيه . - خصم خاص 5 جنيه . - الاجمالي العام 450 جنيه لا غير . 2- واما بخصوص الاستفسار انه عند عمل الصيانه رفعوا العربيه عرفوا ان العربيه عامله حادثه وانا طبعا مقولتش خوفا من انهم يطلعوا العربيه من الضمان كميكانيكا ولما سالوا قولتلهم ايوة فعلا خبطت في رصيف ... سالت مهندس الصيانه قال الكوبلن لو متغيرش هيفرك وهنغير المقص ونعمل ترصيص وضبط زوايا ولو مظبطتش هنحتاج نوديها مراجعه لورشه وكتبوا كدا في الفاتورة .......واستشرت اصدقاء قالوا امشي بيها عادي لحد الصيانه الجايه لان فعلا قومت بتغيير المقص الشمال بعد الحادث .... الرجاء المشورة ماذا افعل الان؟ 1- انتظر للصيانه القادمه . 2- اشتري كوبلن شمال ومقص شمال واركبهم خارج التوكيل ؟ وماذا عن اسعارهم وبلد الصنع؟ 3- اعملهم في التوكيل فورا ...ويا تري التكلفه تكون كام؟ وعيد سعيد علي الجميع واشكركم مسبقا............

الف مبروك على صيانة ال 5000 ...
بخصوص استفسارك ... انا عندى سؤال ... بتسمعى صوت طقطقة وانتى بتلفى يمين او شمال ؟؟؟
لو فى طقطقة يبقى محتاجة فعلا تغيرى الكوبلن ... لو مفيش طقطقة يبقى ماتقلقيش منه ... وبخصوص المقص انتى قلتى انك غيرتيه بعد الحادثة ... يبقى مفيش داعى تغيريه تانى ... على الاقل للصيانة الجاية

**mnon_mahmoud** · 20-07-2015 11:29 AM

المشاركة الأصلية كتبت بواسطة ibrahimahmed

الف مبروك على صيانة ال 5000 ...
بخصوص استفسارك ... انا عندى سؤال ... بتسمعى صوت طقطقة وانتى بتلفى يمين او شمال ؟؟؟
لو فى طقطقة يبقى محتاجة فعلا تغيرى الكوبلن ... لو مفيش طقطقة يبقى ماتقلقيش منه ... وبخصوص المقص انتى قلتى انك غيرتيه بعد الحادثة ... يبقى مفيش داعى تغيريه تانى ... على الاقل للصيانة الجاية

ازيك يا استاذ ابراهيم - والله منتظرة ردودك بفارغ الصبر لانك بصراحه انك بتفدني كتير ومش بتتاخر علي حد ..وعارفه ان العيد مخليك مش متبع شويه..
لاء مش بسمع طقطقه في الملفات ..والمقص فعلا اتغير بجديد والعربيه ماشيه كويس بس ساعات كدا بسمع صوت وانا مشغله التكييف صوت دبدبه كداااا وخصوصا لما بمشي علي سرعات عاليه وبيخف الصوت لما تقل السرعه او لما بطفي التكييف وينعدم ساعاتها الصوت نهائي....

**ALi RAdi** · 23-07-2015 10:38 AM

السلام عليكم شباب
دى أول مشاركة ليا فى المنتدى الجميل دا
والسبب كان ( إنى مقبل على شراء سيارة بإمكانيات بسيطة )
ووقع الإختيار بإذن الله على التو 2015
ودا كان بفضل موضوعكم الجميل وخبراتكم

وكان من فائدة قرائتى للـ 99 صفحة بتعليقاتها فائدة كبيرة منها استنتجت أن:
مميزات السيارة:
1- اولا انها يبانى ( بصرف النظر مكان التصنيع )
2- قلة الأعطال
3- السيارة لا تسخن ( لأن لاحظت وركزت فى جميع الردود بأن لا أحد يشتكى من هذا العطل )
4 - شياكة السيارة من حيث الشكل والمظهر
5- قوة موتور السيارة رغم أنه 800 سى سى
6- ارتفاع الجيد للسيارة عن الأرض ( من العوامل الجيدة فى بلدنا المنيلة دى )
7- التكيف الجيد للسيارة ( رغم صغر المحرك - إلا أن كل الأعضاء بيشكرو فيه )

وارجوا من الاعضاء إضافة بعض المميزات للسيارة قد اكون نسيتها
او لا اعلمها وذلك من خلال واقع تجربة السيارة.

عيوب السيارة:
1- مشكلة الفتيس ( عضة الفتيس ) - مع أن كثير من الأعضاء استطاعوا التغلب على المشكلة
2- كماليات السيارة ( سنتر - إنزار - رفع زجاج - ولاعة - كاست ) تم تركيب اغلب الكماليات تقربيا

انا لا ارى اى مشاكل اخرى قد تكون هناك مشاكل نرجوا من السادة الأعضاء توضيحها للإفادة

استفسار خاص بى:
انا بعرف اسوق لكن لست بخبير - ومش عندى عربية قبل كدا ودى هتكون أول عربية بإذن الله
هل فى مشاكل فى ذلك؟

انا هشترى التو 2015 بإذن الله تقسيط - وفى فرض تأمين على العربية
كنت عاوز اعرف التأمين لزمته إية تحديدا وهل فعلا زى مبيقولو لو حصل للعربية أى أى حاجة
انتا كل الى عليك تتصل وهما بيتصرفوا ويصلحوها ؟ ولا دا كلام ورق وخلاص؟؟

بالنسبة للصيانات الـ 1000 و الـ 5000 انا اعيش فى الصعيد ومعرفش اقرب توكيل ليا فين علما بأنى أسكن فى أسيوط . هل بعدى عن القاهرة يسبب لى مشكلة فى الحصول على الصيانة وما شابه؟

وشكرا لكل من ساهم فى هذا الموضوع - اسف للإطالة

**ibrahimahmed** · 25-07-2015 10:50 AM

المشاركة الأصلية كتبت بواسطة mnon_mahmoud

ازيك يا استاذ ابراهيم - والله منتظرة ردودك بفارغ الصبر لانك بصراحه انك بتفدني كتير ومش بتتاخر علي حد ..وعارفه ان العيد مخليك مش متبع شويه..
لاء مش بسمع طقطقه في الملفات ..والمقص فعلا اتغير بجديد والعربيه ماشيه كويس بس ساعات كدا بسمع صوت وانا مشغله التكييف صوت دبدبه كداااا وخصوصا لما بمشي علي سرعات عاليه وبيخف الصوت لما تقل السرعه او لما بطفي التكييف وينعدم ساعاتها الصوت نهائي....

معلش متأسف لتأخر الرد لظروف اجازت العيد

انا رأيى طالما مفيش صوت طقطقة يبقى الكوبلن كويس مافيهوش مشاكل وممكن تمشى بيه مدة طويلة ... على الاقل لغاية اما تلاقى الصوت ده
اما بخصوص الدبدبة اللى مع التكيفف ... دى حاجة غريبة فعلا ... مش فاهمها لان مفيش اى علاقة بين التكييف ومنظومة التعليق ( العفشة ) ... دى حاجة ودى حاجة تانية خالص ... لو تقدرى تحددى الصوت جاى من اى منطقة فى العربية ممكن نعرف نفيدك

**ibrahimahmed** · 25-07-2015 01:17 PM

المشاركة الأصلية كتبت بواسطة ali radi

السلام عليكم شباب
دى أول مشاركة ليا فى المنتدى الجميل دا
والسبب كان ( إنى مقبل على شراء سيارة بإمكانيات بسيطة )
ووقع الإختيار بإذن الله على التو 2015
ودا كان بفضل موضوعكم الجميل وخبراتكم

وكان من فائدة قرائتى للـ 99 صفحة بتعليقاتها فائدة كبيرة منها استنتجت أن:
مميزات السيارة:
1- اولا انها يبانى ( بصرف النظر مكان التصنيع )
2- قلة الأعطال
3- السيارة لا تسخن ( لأن لاحظت وركزت فى جميع الردود بأن لا أحد يشتكى من هذا العطل )
4 - شياكة السيارة من حيث الشكل والمظهر
5- قوة موتور السيارة رغم أنه 800 سى سى
6- ارتفاع الجيد للسيارة عن الأرض ( من العوامل الجيدة فى بلدنا المنيلة دى )
7- التكيف الجيد للسيارة ( رغم صغر المحرك - إلا أن كل الأعضاء بيشكرو فيه )

وارجوا من الاعضاء إضافة بعض المميزات للسيارة قد اكون نسيتها
او لا اعلمها وذلك من خلال واقع تجربة السيارة.

عيوب السيارة:
1- مشكلة الفتيس ( عضة الفتيس ) - مع أن كثير من الأعضاء استطاعوا التغلب على المشكلة
2- كماليات السيارة ( سنتر - إنزار - رفع زجاج - ولاعة - كاست ) تم تركيب اغلب الكماليات تقربيا

انا لا ارى اى مشاكل اخرى قد تكون هناك مشاكل نرجوا من السادة الأعضاء توضيحها للإفادة

استفسار خاص بى:
انا بعرف اسوق لكن لست بخبير - ومش عندى عربية قبل كدا ودى هتكون أول عربية بإذن الله
هل فى مشاكل فى ذلك؟

انا هشترى التو 2015 بإذن الله تقسيط - وفى فرض تأمين على العربية
كنت عاوز اعرف التأمين لزمته إية تحديدا وهل فعلا زى مبيقولو لو حصل للعربية أى أى حاجة
انتا كل الى عليك تتصل وهما بيتصرفوا ويصلحوها ؟ ولا دا كلام ورق وخلاص؟؟

بالنسبة للصيانات الـ 1000 و الـ 5000 انا اعيش فى الصعيد ومعرفش اقرب توكيل ليا فين علما بأنى أسكن فى أسيوط . هل بعدى عن القاهرة يسبب لى مشكلة فى الحصول على الصيانة وما شابه؟

وشكرا لكل من ساهم فى هذا الموضوع - اسف للإطالة

اهلا بيك معانا وان شاء الله تبقى عضو فى الاتو وعضو فى المنتدى
حلوة التجميعة اللى انت عاملها دى ... واضح انك فعلا قريت كل بوستات الموضوع ...
بخصوص سؤالك عن التأمين ... اه فعلا التأمين بيغطى الحوادث بس لازم يكون فيه محضر بالحادثة وهو بيتعامل
وبخصوص الصيانات انت بتشوف اقرب فرع للتوكيل ليك ايه وبتحجز الصيانة بالتليفون وبتروح فى ميعاد الحجز

**ahmedfor3** · 31-07-2015 11:03 PM

+111111111111111

**a_aseda** · 01-08-2015 09:31 PM

الحمد لله نفذت صيانة 20 الف
التكلفة 240 جنية
انا بغير زيت موبيل وان بره التوكيل ( يعني مبغيرش زيت جوه التوكيل)
كشف ومراجعة عفشة وسيور وزيوت وتنظيف فلتر هواء - 130 جنيه
تغيير بوجيهات بالمصنعيات 80 جنيه
والباقي ضريبة ومصاريف اخري ؟؟؟؟
.....
اسوء ما في مركز الصيانة ان التكييف سيئ جدا جدا والادارة مأنتخة ومبتعملش حاجة اشتكينا اكثر من مرة ... وحاضر هنحل المشكلة ومفيش اي حاجة بتتعمل .... لو انت متعود علي التكييف هتلاقي نفسك بتشر عرق .... وهتلاقي ناس كتيرة بتستخدم الجرايد في التهويه وتلطيف الجو
....
الايجابيات
.. 1- تم توقير عدد اربعة مقاعد ليزي بوي - مساج بقاعة انتظار الصيانة ليستخدمها العملاء اثناء الانتظار لتنفيذ اعمال صيانة السيارات (زي اللي في الصورة ولكن لونها اسود)
2- تم توفير جهاز العاب بلاي استيشن
3- تم توفير جهاز dvd موصل علي جهاز تلفزيون لتشغيل الافلام ( ولكن لم يكن به اي افلام ولم اسئل عن ذلك ) كفاية المساج

ملحوظة
ضعف هذا العدد موجود في قاعة صيانة النيسان
هناك محاولة للتغير وارضاء الناس لان مبيعات السيارات زادت فعلا
لكن للاسف لم يقدموا علاوض للصيف مثل باقي الشركات ... الا لمن يذهب للساحل الشمالي
في حين ان كثير من شركات السيارات تقدم عروض صيانة مجانية وقطع غيار في كل فروعها
....

**ahmed_moeaz** · 02-08-2015 06:10 AM

يا سيدى الفاضل تعالى جرب مركز صيانة القبارى فى الاسكندرية وانت تحمد ربنا على اللى انتوا فيه دى حاجة كده زى مصنع الكراسى حاجة مقززة جدا واستخفاف بالعملاء وحقهم بمكان لائق للانتظار

**ibrahimahmed** · 10-08-2015 02:05 PM

365 يوم نيو التو 2015 ...... :) :) :)
النهاردة هيكون مر سنة على استلامى للعربية ... :) :) :) ... من سنة عملت موضوع( اللى انا برد فيه دلوقتى ) على نايل موتورز الحمد لله ربنا جعله سبب فى ان ناس كتير تعرف العربية اكتر وتشترى العربية كمان بسبب مشاركات الناس واسئلتهم وارائهم ( حوالى 990 رد على الموضوع الاصلى) .... ومع مرور سنة كاملة وعداد عامل 19340 كم بالظبط ... فكرت اعمل تقرير للعربية عن السنة اللى فاتت وتقييمى للعربية من جميع النواحى :

1- الحمد لله كنت من اوائل الناس اللى استلمو 2015 لانى مستلمها 10-8-2014 وكانت لسه مش مشنترة تماما ... فكان الريسك كبير بس كان اللى مطمنى شوية هو اسم سوزوكى

2- فى خلال سنة ... الحالة العامة للعربية تمام ... مفيش اى مشكلة واجهتنى ... مفيش اى حالات طارئة او غربية حصلتلى

3- التكييف الحمد لله زى الفل .... الجو حر او مش حر ... الصبح او بالليل ... كفاءته ثابتة على الطريق ... ومازالت مشكلته الازلية انه بيأثر بشكل ملحوظ على سحب العربية ... وده مش عيب فى الالتو ... اى عربية اقل من 1300 سى سى التكييف هيأثر على السحب ( فى هذه النقطة احب اوجه الشكر لمراتى لانها هى اللى اقنعتنى انى اجيب الالتو بدل الماروتى عشان التكييف ... انا كنت مع نظرية ان ال 15000 جنيه فرق فى السعر مايخلونيش اجيب الالتو عشان التكييف ... استحمل الحر احسن واهى كلها عربيات صغيرة وانا مش فارق معايا موضوع الجرى على طريق والكلام ده فى مقابل انى اوفر 15 الف جنيه فى السعر ... بس بعد ما جبتها عرفت غلطتى ... الله يباركلك يا ام ياسين )

4- العفشة ناشفة شوية مقارنة بعربيات تانية ... وده يمكن لانها عالية بشكل ملحوظ عن الارض

5- علو العربية ده ميزة جامدة جدا ... مع المطبات اللطيفة بتاعتنا عمر العربية ما حكت فى مطب

6- مفيش ولا سائل من السوائل نقص خلال سنة كاملة ... ولا مياه خضره ولا زيت فرامل ولا زيت موتور

7- البنزين ثم البنزين ثم البنزين ... موفرة جدا فى البنزين ... بحسبة بسيطة كده : انا عامل بالعربية 19430 كم بالظبط خلال السنة ... اللتر معايا بيمشى العربية فى المتوسط 18 كم ( مش هاقول 20 ولا 22 ... خلينا فى المتوسط ... 18 كم بس ) ... اقسم بقى ال 19340 على 18 يساوى 1143 لتر ...اضرب فى 2.6 جنيه يساوى حوالى 2800 جنيه بنزين فى سنة ... لو انا معايا عربية زى الفيرنا او الاكسنت او اللانوس (متوسط اللتر بيعمل 10 كيلو ... مش هاقول اقل من كده ... خليها علينا احنا ) بنفس الحسبة تلاقى انى لو مشيت نفس المسافة اللى هى 19430 هادفع بنزين مقداره 5050 جنيه ... يعنى فرق 2250 جنيه فى السنة .... متخيلين الفرق ؟؟؟!!!

8- الكابينة الداخلية ضيقة ... وده واقع نظرا لان العربية اصلا صغيرة ... اتنين ورا مستريح .. اكتر من كده هاتبقى ضيقة عليهم ... وقدام لو حد ضخم الجسم شوية هايبقى متضايق فى القعدة خصوصا لو متعود على عربية اوسع

9- العجل بتاعها صغير ... وشكله وهو صغير كده موحش شكل العربية جدا ... الناس بتتغلب على كده بانها تجنط العربية ... عيب تانى فى الجنط الحالى وهو انه بيتعوج مع النقر والحفر ... ودى كانت شكوى من اكثر من مستخدم للالتو

10- قطع الغيار فى المتناول ... لا هى غالية اوى ولا هى رخيصة اوى ... والاهم انها متوفرة الحمد لله ... ماتعرضتش الحمد لله لغاية دلوقتى لتغيير اى قطعة بس كله متوفر الحمد لله

11- الشكل الانسيابى الجديد عامل جذب هام للعربية عن الشكل القديم ( زمايلنا اللى معاهم موديلات قديمة مايزعلوش ... :) ) وهى كلها ازواق برضو

12- مازالت مشكلة العربية الازلية بالنسبة ليه هى فقر الكماليات ... مفيش باور - كاسيت - سنتر - انذار - مفيش مفتاح داخلى للشنطة - مفيش زراير ابواب - مفيش زجاج كهربا - اكصدام مش بلون العربية - مرايات رديئة جدا .... كل دى نقط ضعف ... منه لله الوكيل اللى منزلها كده عشان يزود مكسبه

اخيرا .... العربية حلوة جدا على قد فلوسها ... افضل عربية فى الفئة السعرية بتاعة 60 او 65 الف جنيه

ادعولى بقى اخطف يوم اجازة كده واروح ارخص لانى كده دخلت فى شهر السماح وربنا يستر :) :)