الايزي ترونك و تخبيط في الفتيس بالفيكترا سي

**Abdo Taha** · 15-08-2014 02:39 PM

يا جدعان دلوقتي عندي مشكلة في العربية و مشكلة منكدة عليا خااااالص ، طبعا انتو عارفين الايزي ترونك و حركاته السخيفة لكن المرة دي اسخف بكتيييير

انا غيرت قواعد فتيس و طقم دبرياج في التوكيل على ال 100 الف و دلوقتي هى عاملة 140 الف و كله كان تمام ، طبعا اللي معاهم العربية عارفين ان بيبقى فيه زي صوت تكة كده لما العربية بتنزل من الثاني للأولاني
لكن المرة دي بقت بزيادة اوي اوي اوي ، لما بقى بينزل من الثاني للاولاني بيحصل زي خبطة جامدة في الفتيس و العربية و صوت التكة ده بقى عنييف و كل اما اسمعه اتنكد اكثر و اكثر ، سألت ميكانيكي عند صابر قالي ان ممكن يكون لافيه مبوش
محتاج رأيكم و خصوصا رأي استاذ عاشور و استاذ احمد فهمي

**ashourashour** · 15-08-2014 04:11 PM

متقلقش خير ان شاء الله ... بس كل اما افتكر الهجوم العنيف عليا في النتدى هنا من سنتين تلاته لما قلت الفتيس ده فاشل اقول سبحان الله

اللي مفشله و بيكسره وبيدمر القواعد والكبالن السوفت وير اللي نازل عليه

انا بعتلك عالخاص

**haisam ali** · 15-08-2014 05:16 PM

الف سلامه عليك ياصديق وكان الله فى العون ... كالعاده مشارك معك بقلبى وياريتنى كنت افهم فيها كنت هاجى اعملهالك

**Abdo Taha** · 15-08-2014 06:05 PM

المشاركة الأصلية كتبت بواسطة haisam ali

الف سلامه عليك ياصديق وكان الله فى العون ... كالعاده مشارك معك بقلبى وياريتنى كنت افهم فيها كنت هاجى اعملهالك

ربنا يخليك يا استاذ هيثم و مشاركتك دي هونت عليا , ادعيلي كده ان ربنا يصلح احوالنا و يصلح حال العربية دي مش عارف ملها كده جت مرة واحدة بتهبل

**haisam ali** · 15-08-2014 06:11 PM

باذن الله خير ياعبده ولا تقلق .... طول ما معاك الاستاذ احمد عاشور والأستاذ احمد فهمى فى الفيكترا سى لا تقلق باذن الله ..... طاب هو انت مفكرتش تروح لميكانيكى فيكترا سى فهمان كويس اوى وتنزل الفتيس كله كده تشيك عليه قطعه قطعه ولا الحكاية دى صعبه ؟؟؟

**Abdo Taha** · 15-08-2014 06:12 PM

المشاركة الأصلية كتبت بواسطة ashourashour

متقلقش خير ان شاء الله ... بس كل اما افتكر الهجوم العنيف عليا في النتدى هنا من سنتين تلاته لما قلت الفتيس ده فاشل اقول سبحان الله

اللي مفشله و بيكسره وبيدمر القواعد والكبالن السوفت وير اللي نازل عليه

انا بعتلك عالخاص

شكرا لمساعدك يا استاذ أحمد و دائما تاعبينك معانا ربنا يجعله في ميزان حسناتك و الفتيس اصلا مشكلته مش بتبان الا لما يبدأ يضعف بسبب التخبيط و النقل العنيف ......... هى لو جت على القواعد و الكوبلن الداخلي مش مشكلة كده كده القواعد هغيرها مع طقم الدبرياج لكن المشكلة في الفتيس نفسه بالداخل و ربنا يستر , هو اكيد اللافيه ضعف بس هحاول اتفادى الموضوع بتاع الخبطة ده بالبرمجة اللي حضرتك قلتلي عليها , و هحاول اخليها تقلل في النقل بين الاول و الثاني

**Abdo Taha** · 15-08-2014 07:23 PM

المشاركة الأصلية كتبت بواسطة haisam ali

باذن الله خير ياعبده ولا تقلق .... طول ما معاك الاستاذ احمد عاشور والأستاذ احمد فهمى فى الفيكترا سى لا تقلق باذن الله ..... طاب هو انت مفكرتش تروح لميكانيكى فيكترا سى فهمان كويس اوى وتنزل الفتيس كله كده تشيك عليه قطعه قطعه ولا الحكاية دى صعبه ؟؟؟

اظن ممكن بس هتبقى حوسة لو شافه قطعة قطعة ، انت عارف شعوره عامل ازاي ، كأنك بالظبط بتنقل من غير ما تدوس دبرياج و انت دايس بنزين و الترس متعشق و قمت رازع و خابط عصاية الفتيس عشان ينزل للأولاني مرة واحدة ...... وصلتلك شوية

**Abdo Taha** · 15-08-2014 07:27 PM

المشاركة الأصلية كتبت بواسطة ashourashour

الموضوع زي واحد بيتعلم السواقه او لامؤاخذه واحده بتتعلم السواقه و بتنقل بغباوه وبغشم لازم تبوظ الفتيس

لكن كفتيس في حد ذاته دا فتيس مانيوال بمعنى مانيوال زي ماكلنا عارفين يعني مفروض ميبوظش

طب سؤال يا استاذ احمد هل لو اللافيه ده فعلا خلاص باظ فعلا هل ممكن الفتيس يتفك و اللافيه ده يتصلح او يتغير و لا هلبس فتيس كامل ؟

-

الموضوع: الايزي ترونك و تخبيط في الفتيس بالفيكترا سي

LinkBack

أدوات الموضوع

عرض

الايزي ترونك و تخبيط في الفتيس بالفيكترا سي - انشر الموضوع فى :

-

-

-

-

-

-

المواضيع المتشابهه

كل شيء عن كمبيوتر فتيس الايزي ترونك

تغير الايزي ترونك الي اوتوماتيك

ما بداخل كمبيوتر الايزي ترونك astra H & Vectra C

افيدوني تغيير الايزي ترونك بفتيس اوتومتك

الفتيس الايزي ترونيك

الكلمات الدلالية لهذا الموضوع

المفضلات

المفضلات

ضوابط المشاركة